¹ Nyalo ngoba Simakadze bekashiye leti tive kutsi titovivinya Izrayeli, wonkhe umuntfu ka-Izrayeli lebekangakate walwa tiphi lebetiseKhenani. ² (Wakwenta loku kufundzisa situkulwane lesisha sema-Izrayali imphi ngoba bebangakate bayibona.) ³ Nati ke letive: emakhosi lasihlanu aseFilistine, onkhe emaKhenani, emaSidonians, nema Hivites lebekahlala etintsabeni taseLebabon, kusuka Entsaba Baal Hermon kuya eHamath Pass. ⁴ Letive tasala ngoba kuyindlela Simakadze latovivinya ngayo Izrayeli, kuciniseka kutsi batoyilalela yini imitsetfo Simakadze bekayinike bokhokho babo ngaMozisi. ⁵ Ngakoke bantfu baka-Izrayeli bahlala nemaKhenani, emaHittetes, ema-Amorites, emaPerizzites, emaHivites, nemaJebusites. ⁶ Emadvodzakati abo bekendza kuletive, nemadvodzakati aletive endza emadvodzaneni abo, phindze bakhonta bonkulunkulu baletive. ⁷ Bantfu baka Izrayeli benta lebekukubi emehlweni aSimakadze bakhohlwa Simakadze Nkulunkulu wabo. Bakhonta boBaals nabo-Ashera. ⁸ Ngakoke, kukwata kwaSimakadze kwangeteka ngema Izrayeli, wabatsengisa etandleni taCushan-Rishathaim inkhosi yase-Aram Nharaim. Bantfu baka Izrayeli basebentela Cushan-Rishathaim iminyaka lesiphihlongo. ⁹ Atsi ema-Izrayeli nakamemeta kuSimakadze, Simakadze waveta umuntfu lebekangabasita bantfu baka Izrayeli, longakhona kubalamulela: Othniel indvodzana yaKhenazi(umnakabo Khalebu lomncane). ¹⁰ Umoya waSimakadze wamnika kuhlakanipha nemandla, wahola ema-izrayeli waya nawo emphini. Simakadze wabanika emandla wamncoba Khushani-Rishathayimi inkhosi yase-Ami. emabutfo akhe Othiniyeli ancoba Khushani-Rishathayimi. ¹¹ Kwaba nekuthula kulendzawo iminyaka lengemashumi lamane. Wabese Othinayeli indvodzana yaKhenazi iyafa. ¹² Ngemuva kwaloko, bantfu baka-Izrayeli benta lebekukubi emehlweni aSimakadze, bese Simakadze wanika Egiloni inkhosi yaseMoyabi emandla ekuhlula ema Izrayeli. ¹³ Egiloni watihlanganisa nema-Amoni nema-Amalekhi bahamba bancoba Izrayeli, batsatsa lidolobha lase Palms. ¹⁴ Bantfu baka-Izrayeli basebentela Egiloni inkhosi yaseMoyabi iminyaka leyimfica. ¹⁵ Atsi ema-Izrayeli nakamemeta kuSimakadze, Simakadze waveta umuntfu longabasita, Eduhu indvodzana yaGera, umBhenjamini, labelancele. Bantfu baka Izrayeli batfumela yena, netetfulo tabo, enkhosini Egiloni weMoyabi. ¹⁶ Eduhu watakhela sikhali lebesikhaliphe tinhlangotsi totimbili,lesifisha; wasikhungela etsangeni lakhe langesekudla ngaphasi kwetimphahla takhe. ¹⁷ Wetfula letetfulo enkhosini Egiloni waseMoyabi. (Eglon bekayindvodza lekhuluphele kakhulu.) ¹⁸ Emva kutsi Ehudi atfule letetfulo, wajika kanye nalabo bekete nabo bamutfalele. ¹⁹ Ngekwa Ehudi, watsi nakafika endzaweni lebatwe tithico dvutane neGilgali, wajika wabuyela emuva, wafike watsi, ''Nginemlayeto wakho loyimfihlo, nkhosi yami.'' Egiloni watsi, ''Thulani!'' ngakoke wonkhe muntfu losebentela yena waphuma ekamelweni. ²⁰ Ehudi wasondzela kuyo. Inkhosi yayihleti yodvwa, yodvwa ekupholeni ekamelweni lelingetulu. Ehudi watsi, ''Nginemlayeto wakho lovela kuNkulunkulu.'' Inkhosi yasukuma esihlalweni. ²¹ Ehudi wehlisa sandla sakhe sangesencela wakhipha sikhali sakhe lebesisetsangeni lakhe langesekudla, wayigwaza inkhosi emtimbeni. ²² Sibambo salesikhali sangena naso silandzela lomukhwa. Sihloko salesikhali sangena savelela ngemuva emhlane wenkhosi singcwele emafutsa, Ehudi akasidvosanga lesikhali sakhe esiswini senkhosi. ²³ Wabese Ehudi uphuma ngesikhala wavala yonkhe iminyango yalelikamelo lalingetulu wakhiya emvakwakhe. ²⁴ Emvakwekuhamba kwa-Ehudi, tisebenti tenkhosi tefika; tabona tivalo tasekamelweni tikhiyiwe, ngakoke tacabanga kutsi, ''Kunekwenteka uyatikhulula ekupholeni kwalelikamelo.'' ²⁵ Tacala kukhatsateka ngekuhamba kwesikhatsi taze teva ngatsi atisawenti umsebenti wato inkhosi nayisolo ingavuli tivalo. Ngakoke tatsatsa tikhiya tavula tivalo, nakophasi kulele inkhosi yabo, iwele phasi, ifile. ²⁶ Ngesikhatsi tisebenti tisesemile, titibuta kutsi tenjenjani, Ehudi wabaleka wengca kulendzawo lebeyinetithico, kanjalo ke wabalekela eSeyira. ²⁷ Nakafika khona, wavutsela licilongo eveni letintsaba i-Efrayimu. Basuke bantfu baka-Izrayeli behlela phasi naye, bekabahola. ²⁸ Watsi kuma-Izrayeli, ''Ngilandzeleni, ngoba Simakadze usatonincobela titsa tenu, emaMoyabi.'' Bamlandzela bahamba naye bagadza tindzawo temfula iJodani letingashoni bema ngesheya kwenaMoyabi, bangavumeli muntfu kutsi awele lomfula. ²⁹ Ngaleso sikhatsi babulala inombolo yemadvodza emaMoyabi lelinganiselwa etinkhulungwaneni letilishumi, bekungemadvodza lacinile lakhonako kulwa. Kute ngisho nayinye leyakhona kubaleka. ³⁰ Ngalelo langa imphi yemaMoyabi yahlulekiswa ngemandla ema-Izrayeli, nendzawo yabanekuthula iminyaka leyifinca. ³¹ Emva kwa-Ehudi sikhulu lesalandzela kwaba nguShamuga indvodzana ya-Anathi lowabulala tinkhulungwane letisitfu temadvodza emaFilistane netindvuku tekuchuba tinkhabi. Phindze wavikela Izrayeli ebungotini.