¹ Ingilozi yaSimakadze yahamba yenyukela isuka eGilgal iya eBokim, yatsi, ''Nganikhipha eGibhithe, phindze nganiletsa endzaweni lengatsembisa kuyinika bokhokho bebu. Ngatsi, 'Ngeke ngisiphule lesivumelwano setfu. ² Akukameli nente sivumelwano naloko lokuhlala kuleyondawo. Nitobhidlita ema-althali abo.' Kepha anikalaleli emavi ami. Yini lena leseniyentile? ³ Ngakoke nyalo ngitsi, 'Ngeke ngiwacoshe nankha emaKhenani embikwenu, kepha atoba yinkinga endleleni yenu, phindze futsi bonkulunkulu babo batoba titsiyo kini.''' ⁴ Ngesikhatsi ingilozi yaSimakadze ikhuluma lawa magama kubobonkhe bantfu baka Israyeli, labantfu bamemeta bakhala. ⁵ Bayetsa lendzawo batsi kuseBokin. Kulapho bebaletsa imihlatjelo khona kuSimakadze. ⁶ Ngesikhatsi Joshuwa sekakhulule bantfu kutsi tindlela tabo, bantfu baka Israyeli ngamunye ngamunye bahamba baya etindzaweni labatjelwa ngato, kutsi bayoyitsatsa ibe ngeyabo. ⁷ Labantfu bebasebentela Simakadze ngesikhatsi kusaphila Joshuwa nalabanye labadzala labaphila sikhatsi lesidze kwengca yena, labo lababona yonkhe imimangaliso yaSimakadze ayentela ema-Izrayeli. ⁸ Joshuwa indvodzana yaNun sisebenti saSimakadze, yafa seyineminyaka lelikhulu nelishumi budzala. ⁹ Bamungcwaba ekhatsi neminyele wendzawo bekanikwe yona eTimnath Hers, eveni leliyintsaba i-Ephraim, enyakatfo yeMount Gaash. ¹⁰ Sonkhe lesitikulwane lesifile sasihlangene ndzawonye nabokhokho baso. Lesinye situkulwane sakhula emuva kwabo lebesingamati Simakadze nobe lebekakadze akwentele ema Izrayeli. ¹¹ Bantfu baka Izrayeli benta lebekukubi emehlweni aSimakadze basebentela Baals. ¹² Batihlukanisa naSimakadze, Nkulunkulu wabokhokho babo, lowabakhipha endzaweni yaseGibhithe. Bacala kulandzela labanye bonkulunkulu, bonkulunkulu baletive bebahalala nato, phindze baguca kuto. Basukela lulaka lwaSimakadze ngoba ¹³ batihlukanisa naSimakadze bayokhonta Baal na-Ashtoreths. ¹⁴ Lulaka lwaSimakdze lwavutsela i-Izrayeli, Simakadze wabanikela ngebaphangi labafike beba tintfo tema Izrayeli. Wayekela titsa lebetibatungeletele tibancone tibente tigcila, kute bangatokhona kuchubeka bativikele etitseni tabo. ¹⁵ Bekutsi njalo ema-Izrayeli nakayokulwa, Sandla saSimakadze besibajikela kute bahlulekiswe, njengoba bekafungile kubo futsi bebaselusizini lolumatima. ¹⁶ Wabese Simakadze uvusa tikhulu, letabakhipha etandleni talabo lebebabebele tintfo tabo. ¹⁷ Noko kunjalo abatilalelanga letikhulu tabo. Bebangaketsembeki kuSimakadze batinikela njenge tingwadla kulabanye bonkulunkulu bakhonta bona. Madvutane batigucula endleleni yekuphila yabokhokho babo-labo bebayilandzela imitsetfo yaSimakadze- kepha bona abayilandzelanga. ¹⁸ Kwatsi Simakadze nakabakhetsela tikhulu, Simakadze wasita letikhulu nawo ema Izrayeli kutsi aphume emubusweni wetitsa tabo solo kusaphia letikhulu. Simakadze waba neluvelo kubo ngoba solo bakhala ngoba bebacindzetelwe bahlushwa. ¹⁹ Kepha ngekufa kwesikhulu, bebajika futsi bente lokukhohlakele kwengca lebekwentiwa bokhokho babo. Bebasuka bahambe balandzele labanye bonkulunkulu babasebentele babadvumise. Bala kuyekela imikhuba yabo lemibi nenkhani yabo. ²⁰ Lulaka lwaSimakadze lwabavutsela baka Izrayeli; watsi, '''Ngoba lesive lesi sesiphule tivumelwano temitsetfo yami lengatibeka kubo khokho babo-ngoba abakalaleli emagama ami- ²¹ kusukela nyalo, ngeke, ngisabasusela tive letisendleleni yabo letasala nakufa Joshuwa. ²² Ngitokwenta loku kuvivinya Izrayeli, kutsi utochubeka nobe ngeke achubeke ngendlela yaSimakadze ahambe kuyo, njengoba bokhokho bakhe bahamba ngayo.'' ²³ Kungakoke Simakadze watiyekela leto tive akatisusanga ngekushesha ngemabutfo aJoshuwa.