¹ ngalesikhatsi sekuncunyiwe kutsi sitawunjweza siye kuletaliyane, babeka Pawula naletinye tiboshwa phansi kweNdvuna lelibito lwayo bekungu Juliyasi labephetse emabutfo emubuso. ² Sagibela umkhumbi kusukela eAdrimiyamu lebetawugudla ngaselugwini leAsiya. Sanjweza saya eLwandle.Aristakhusi waseThesalonika kuleMasedoniya wahamba natsi. ^{3 6} Ngelilanga lelilandzelako sefikela edolobheni leSidoni,lapho Juliyasi waphatsa kahle Pawula waphindze wamvumela kutsi aye kubangani bakhe kutsi bayomnakekela. ⁴ Kusukela lapho saya elwandle sanjweza elugwini leSiprusi, dvute nesihlenge, ngoba umoya bekamelene natsi. ⁵ Nasesinjweze ngesheya kwelwandle kwengca eSilisya ne Phamfiliya,sefikela eMayra,lidolobha leLisya. Lapho, lendvuna yatfola umkhumbi losuka eAlexandrya lobetawunjweza uye eTaliyane.Wasigibeta kuwo. ⁷ ngesikhatsi sesinjweze kancane emalanga lamanyenti futsi sesifikile kalukhuni dvute nelidolobha leKhinidusi. Umoya wawungasasivumeli kutsi sichubeke naleyo ndlela, sagudla ngendlela lebiyelwe yeKhrete, mashiyana ne Salmone. ⁸ Sanjweza ngaselusentseni kalukhuni, saze sefikela endzaweni lokutsiwa Sikhumulo Sekuphepha, lesidvute nelidolobha le Laseya. ^{9 11} besesicitse sikhatsi lesidze, sikhatsi sekuzila seMajuda naso besesengcile futsi sekuyingoti kutsi singachubeka nekunjweza. Ngako Pawula wabecwayisa, ¹⁰ watsi, "ngiyabona kutsi loluhambo lwetfu lutaba nebungoti nekulahlekelwa lokunyenti, hhayi kuphela kwemutfwalo nemukhumbi, kodvwa lokufaka ekhatsi imiphefumulo. Kodvwa indvuna yalalela kakhulu umbusi nemnikati wemukhumbi kunaleto tintfo betikhulunywa nguPawula. ¹² ngobe kwakungesiko lula kucitsa sikhatsi ebusika kuleso sikhumulo, incumbi yalabo labasebenta elwandle basiyala kutsi sinjweze sisuke lapho, kutsi setame kufika edolobheni leFenikisi, sichitse busika khona. iFenikisi sikhumulo seKhrethe, lesasibheke eNshonalanga yeningzimu nenshonalanga yeNyakatfo. ¹³ Ngesikhatsi Umoya waseNingzimu ucala kuphephetsa kalula, labasebenta emkhunjini bacabanga kutsi sebanako lebebakudzinga. Bakhipha sisimiso semkhumbi banjweza bagudla i Khrethe,dvute nelusente. ¹⁴ Emvakwesikhatsi lesifishane umoya lomkhulu bewubitwa ngekutsi yiNyakatfo Mphumalanga, wacala kuhhusha uchamuka esichiungini. ¹⁵ Ngalesikhatsi umkhumbi sowubanwje sangcotfo sewungakhoni kubheka ngasemoyeni,kwabita sidedele lesangcotfo sapheshulwa ngumoya. ¹⁶ Sanjweza sagudla sichengana seKhawuda, ngebulukhuni lobunyenti satfola umkhunjana lomncane. ¹⁷ kwatsi nasebenyuse lemikhujana lemincane, bayinkinka esiswini semkhumbi.ngobe bebesaba kutsi bangahle baphahlateke emhlabatsini longaselugwini lwe Libhiya: Ngako kwehliswa liseyili wavunyelwa kutsi uphephetswe nguMoya unjweze. ¹⁸ Satfola kuhlukubetwa ngumoya lokukhulu kangangekutsi ngakusasa bacala kulahla umtfwalo losindzako ekhatsi elwandle. ¹⁹ Ngelilanga lesitsatfu tisebenti telwandle tajika ngetandla tato imitfwalo elwandle. ²⁰ Ngesikhatsi lilanga netinkhanyeti tingasabonakali kitsi emalanga lamanyenti, nesiphepho sichubeka ngemandla kusihlukubeta,litsemba lekutsi singahle siphephe lashabalala. ²¹ ngesikhatsi sebachubeke emalanga lamadze bangadli, Pawula wasukuma emkhatsansini waletisebenti telwandle watsi, "madvodza akitsi, ngabe nangilalela nanganjwezi kuya eKhrethe, nitogwema lesehlakalo nekulahlekelwa lesenibukene nako. ²² Ngako ke ngiyanincenga cinani nime sibindzi, ngobe kute imphilo letawulahleka emkhatsini wenu, kodvwa wona umkhumbi utawbhidlika. ²³ Itolo ebusuku, Ingilosi yaloNkulunkulu lengingewakhe, nalengimukhontako- Ingelosi yakhe ime eceleni kwami ²⁴ yatsi, 'Ungesabi Pawula. Kufanele ume embikwa Khesaru, futsi yati, Nkulunkulu ngemusa wakhe unikele timphilo tabobonkhe lolonjweza nabo. ²⁵ Ngako ke tfokotani,Madvodza akitsi ! Ngoba ngetsemba kutsi kutawuba njengoba Nkulunkulu angijelile. ²⁶ Kodvwa kufanele sehlele emhlabatsini esihlengeni. ²⁷ Nasekuphele emalanga langemashumi nakune,sisafucelwa lena nalena elwandle lwe Adriya,ekhatsi nebusuku letisebenti telwandle tacabanga kutsi setisondzela dvute neLwandle. ²⁸ Kwehliswa tikalo kwakhandvwa kutsi kushona kujula lukungangema mitha lalishumi nesihlanu. ²⁹ Bebesaba kutsi singahle siphahlakele emadvwaleni , ngako kwehliswa tibambiso letine kwakhulekwa kutsi kusa kufike Masinyane. ³⁰ Ngako bashayeli bemkhumbi betama kubaleka ngekwehlisela umkhumbi emantini bashaya ngatsi behlisela letinye tisimiso ngembili kwemkhumbi. ³¹ Kodvwa Pawula watjela indvuna yembuso watsi : "nangabe labashayeli balomkhumbi bableka,kute lotawuphila lapha emkhunjini. " ³² Ngako emasotja atijuba letintsambo betisimise lesikebhe,asiyekela sahamba. ³³ lilanga lase litawphuma,ngako Pawula wabancenga kutsi badle kudla watsi : "senicedze emalanga lali-14 solo ningafaki lutfo esiswini! ³⁴ Ngako ngiyanincenga kutsi nidle,nidzinga kutsi nidle khona nitewuba nemandla. Ngeke kulahleke ngisho lunye lunwele emtimbeni wenu. ³⁵ Watsi nakacedza kusho njalo Pawula watsatsa sinkhwa wabonga Ku Nkulunkulu embikwabo bonkhe bambuka,emvakwekuhlephula wacala wadla. ³⁶ Ngako batsatsa sibindzi bakhutsateka badla. ³⁷ sesisonkhe emkhunjini sasingu-276.Kwatsi nasesidle sonkhe sesutsa, ³⁸ kwase kuphungulwa umkhumbi ngekulahla kolo ekhatsi elwandle. ³⁹ Kwatsi sekusa, bashayeli bemkhumbi so,lo bangaluboni lusentse,babona sikhumbi sinesihlabatsi,base bancoma kutsi kuyewufika kuso nakwenteka,ngoba bebafuna kuwumisa lapho umkhumbi. ⁴⁰ Ngako base bajuba tintsambo lebetatibambe tisimiso, batiyekela tacwila elwandle,ngaso leso sikhatsi kwakhunyula imiphini yekucondzisa umkhumbi,baphakamisa liseyili lelingembili kutsi umoya ufucele umkhumbi esihlabatsini lesingembili. ⁴¹ Kodvwa umkhumbi washayisa phansi ngenhloko esibhundvumeni wabhajwa.Inhloko yemkhumbi yembeleka phansi yangabe isakwati kufuceka,lase lingemuva lemkhumbi liyafohloka,laze laba ticetu lephulwa sihhushuhhushu semagagasi. ⁴² Emasotja enta lisu lekubulala tonkhe tiboshwa, kube bete nasinye lesitawkhona kuhlamba siphunyule. ⁴³ Kodvwa indvuna yelibutfo ifuna kusindzisa Pawula, yawalela kuloko. esikhundleni saloko yatsi : "bonkhe labakwati kuhlamba abahlambe bayofika elusentseni. ⁴⁴ Labo labanye batawulandzela ngemuva bahlambe ngekugibela emapulangweni nobe etincetwini temkhumbi, baze befike elusentseni." sasindza kanjalo sonkhe,sahlamba sefika elusentseni sefika ngesheya.