¹ Ngako-ke Agripha watsi ku Pawula,''Ungati khulumela.'' Lapho Pawula walula sandla wacala kutivikela. ² "Ngitibona ngijabulile nkhosi Agripha, kute kutsi licala lami litekwe embikwakho namuhla ngetinsolo lengitfweswe tona maJuda, ³ ikakhulu ngoba ungu cwephesha ngemihambo nemasiko emaJuda kanye nemibuto. Ngako-ke ngiyakuncenga kutsi ungilalele ngesineke. ⁴ Liciniso litsi, onkhe emaJuda ayati kutsi bengiphila njani kusukela ebusheni nase siveni sami nase Jerusalema. ⁵ Bangati kusukela ekucaleni, futsi kufanele bavume kutsi ngiphile njengemu Pharisi, titfobelamtsetfo letikhonta nkulunkulu ngekulandzela tibopho. ⁶ Nyalo ngimile lana ngitohlulelwa ngenca yelitsemba lami esetsembisweni lesentiwa nguNkulunkulu kubo babe betfu. ⁷ Ngiso lesetsembiso tive letilishumi nakubili titsemba kutsi titase mukela umabadvumisa Nkulunkulu ngesineke busuku nemine, kungenca yale litsemba, nkhosi, lokubangela emaJuda angitfwese licala. ⁸ Kungani kutsi nonkhe ningakholwa kutsi Nkulunkulu uvusa labafile? ⁹ Mine matfupha ngangikhowa kutsi kufanele ngente konkhe lokusemandleni ami kuphikisana nelibito laJesu wase Nazaretha. ¹⁰ Ngakwenta loku eJerusalem. Ngabopha incumbi yebantfu labangcwele baNkulunkulu ngeligunya lebenginiketiwe baphristi labasetulu,kwatsi lapho babulawa khona nami ngangisekela kutsi babulawe. ¹¹ Ngangibajezisa sikhatsi lesinengi emasinagogini futsi ngabaphocelela kutsi bakhulume kabi. Ngangibacansukele kakhulu ngadzimate ngabalandzela noma sebabalekele kulamanye emadolobha. ¹² Ngisenta loku, ngahamba ngaya eDamaseko ngiphetse emagunya nemuyaleto lephuma ebaphristini labakhulu, ¹³ ngisahamba endleleni ngiya khona, kuyimini lenkhulu ngisendleleni, nkhosi, ngabona kukhanya lokuvela ezulwini lobekukukhanya lokwengca lilanga, lakhanyisa mine nemadvodza lebengihamba nawo. ¹⁴ Sonkhe sawela phasi, ngabese ngiva livi likhuluma nami ngelulwimi lemaHebheru latsi kimi,'' Sawula, Sawula, ungihlukubete lani ? Kulikhuni kuwe kukhahlela etinchijini.'' ¹⁵ Ngabese ngitsi, '' Ungubani wena Nkhosi ?'' Inkhosi yaphendvula yatsi, '' Ngimi Jesu lomuhlukubetako. ¹⁶ Nyalo vuka ume ngetinyawo, ngoba kungenca yalesizatfu kutsi ngitibonakalise kuwe, kukugcoba kutsi ube sisebenti kanye nafakazi mayelana netintfo lotati ngami kanye nalengisatakubonisa kona kusahamba sikhatsi, ¹⁷ ngitakusindzisa ebantfwini nakubetive lengikutfumela kubo, ¹⁸ kute utobavula emehlo ubasuse ebumnyameni baye ekukhanyeni kanye nemandla aSathane baye kuNkulunkulu, kute batomukela kuNkulunkulu kutsetselelwa kwetona bese batfola loku lenginiketa labahlala etsembeni kimi.'' ¹⁹ Ngako-ke, inkhosi Agripha, angikadzeli sibonakaliso sase zulwini, kepha, ²⁰ kulabo labase Damasikhasi kucala, nalabase Jerusalema, nakulo lonkhe live lase Judea, kanye nakubetive, nganiniketa umlayeto lotsi kufanele baphendvuke baye kuNkulunkulu, bente imisebenti lefanele kugucuka. ²¹ Kungalesi sizatfu emaJuda angibophile ethempelini batama kungibulala. ²² Nkulunkulu nguye lobekasolo angisita kute kube ngulesikhatsi, ngako-ke ngimile futsi ngiyafakaza kubantfu phaca nalabakhulu hhayi ngalokunye baprophethi naMose bebatse kutawenteka- ²³ kutsi Khristu kufanele ahlupheke abese uba wekucala ekuvukeni kulaba file kute atewushumayela kukhanya ebantfwini bakitsi nebetive.'' ²⁴ Asacedzela kutimelela Paul, Festusi washo ngeliphimbo lelikhulu, ''Pawula uyahlanya; lokufundza kwakho kabanti kuyakuhlanyisa.'' ²⁵ Kepha Pawula watsi,'' kangihlanyi mhlonishwa Festusi, kepha loku lengikutfulako kuliciniso futsi kuyaphatseka. ²⁶ Ngoba inkhosi iyati naletintfo, kungako ngikhuluma ngikhululekile kuye, ngoba ngiyati kutsi kute lokufihlakele kuye ngoba loku akukwenteki emakoneni. ²⁷ Ngabe uyakholelwa kubabhorofithi, Nkhosi Agripha? Ngiyati kutsi uyakholwa.'' ²⁸ Agripha watsi ku Pawula, '' Ngesikhashana lesifisha ungangi phocelela mine kutsi ngibe ngu Mkhrestu?'' ²⁹ Pawula watsi, ngiyathantaza kuNkulunkulu, kutsi noma ngabe sikhatsi lesifisha noma lesidze, hhayi wena kuphela kepha bonkhe labangivako namuhla, babe njengami ngaphandle kwaletibopho tase jele. ³⁰ Lapho ke inkhosi yasukuma nesiphatsi mandla kanye na Bhenisi lobekahleti nawe; ³¹ nabahamba ehholeni, bakhuluma natsi,'' lendvodza ayikufaneli kufa noma tibopho.'' ³² kusho Agripha ku Fistusi, ''' lendvodza ngabe yakhululwa ube ayizange indlulisele licala layo ku Khesaru.