¹ Festusi wangena esifundzeni, emvakwemalanga lamatsatfu, wasuka eKhesariya waya eJerusalem. ² Baphristi labakhulu nebaHholi bema Juda baveta emacala lapambene naPawula, bagcugcutela Festus- ³ bamcela kutsi ababonelele apambane naPawula- amuhambise aye-eJerusalem, bebanelisu lekumbulala ngendlela. ⁴ Festusi waphendvula watsi Pawula abebanjelwe Khesariya futsi yena lucobo lwakhe abetakuya kudze madvutane. ''Ngako-ke, laba labakhonako, wakhuluma,'' bangahamba natsi. ⁵ Nakukhona lokusolisako ngalendvodza, nimubeke licala.'' ⁶ Festusi wahlala langengci esphohlongweni kuya eshumini emalanga wase uyehla uya eKhesariya, ngakusasa wahlala esihlalweni sekwehlulela wanika umyalo wekutsi kulandzwe Pawula bamuletse kuye. ⁷ Nakafika, emaJuda aseJerusalema asondzela, baletsa emacala lacinile labetebufakazi bawo. ⁸ Pawula wativikela watsi,'' kute lengikwentile lokuphambene nemtsetfo wema Juda, lithempeli noma lokuphambene neKhesariya. ⁹ Kodwva Festusi abefuna kutitsandzekisa kumaJuda, waphendvula Pawula watsi, ''Uyafuna kuya etulu eJerusalema uyowehlulelwa khona ngaletintfo leti?''. ¹⁰ Pawula waphendvula watsi '' Ngime pambi kwesihlalo sekwehlulelwa eKhesariya, lapho ngitawehlulelwa khona. Angikoni maJuda, njengoba nawe wati. ¹¹ Noko nangaba kukhona lengikonile,nangente lokufanele kufa, angikwali kufa. Kodvwa nangabe letinsolo tilite, kute lotanginikela kubo. Ngiyahlehla kuKhesariya.'' ¹² Emvakwekutsi Festusi akhulume nemkhandlo, waphendvula watsi,''Uhlehle kuKhesari. KuKhesari ngulawutakuya khona. ¹³ Emvakwemalanga, Inkhosi Agrippa na Bhenise bafika eKhesariya batawuvakashela Festusi. ¹⁴ Nasebahleti emalanga, Festusi waveta licala laPawula enkhosini;watsi,'' kukhona indvodza letsite leyashiywa nguFelikisi isiboshwa. ¹⁵ Nangise Jerusalema, baphristi labakhulu nalabadzala bemaJuda bambeka emacalaa babika kimi, bacela kutsi ngimehlulele ngekumlahla licala. ¹⁶ Ngabaphendvula ngatsi akusiko umtsetfo wemaRoma kutsi silahle umuntfu ngelicala angakabhekani nebamangali bakhe watfola nelitfuba letikuphendvulela ngaloko labambeke licala ngako. ¹⁷ Ngako-ke, nabahlangana kanye kanye beta lana, angimanga, kodvwa ngelilanga lelilandzelako ngahlala esitulweni sekwehlulela, ngabatjela baletse lendvodza. ¹⁸ Lesikhatsi laba laba bebamusola basukuma bambeka licala, ngacabanga kutsi kute ngisho linye lalamacala labhekene nawo lebelingilo. ¹⁹ Bebanekucabana naye ngenkholo yabo, nangaJesu lowafa koja Pawula umemetela kutsi uyaphila. ²⁰ Bengingati kutsi ngitayiphenya njani lendzaba, ngasengimbuta kutsi uyafuna yini kuya eJerusalema kuyomela licala lakhe khona ngaletinsolo. ²¹ Kodwva Pawula waticelela kugcinwa ngakhatsi ejele nakasemele sincumo sesiphatsi mandla, ngamtjela ahlale ngekhatsi ngize ngikhone kumtfumela kuKhesari. ²² Agrippa wakhuluma ku Festusi watsi, ''Nami ngingatsandza kuyilalela lendvodza.''Ksasa'', Festusi watsi,''utamuva''. ²³ Ngelilanga lelilandzelako, Agrippa na Bhenise ngekuhlonipheka lokukhulu, bangena ehholeni bahamba nabokhenela labakhulu bemphi kanye nemadvodza labekabalulekile kulelo dolobha. Festusi watfuma emasotja alandza Pawula. ²⁴ Festusi watsi, ''Inkhosi Agrippa, nawo onkhe emadvodza lakulendzawo, niyayibona lendvodza lena; ngiyo lamaJuda lakhala ngayo eJerusalema nalapha, bamcelela kutsi angasaphili kulomhlaba' ²⁵ Ngitfole kutsi akanacala ngako-ke kufa akumlungeli kodvwa ngenca yekutsi uticelele kuKhesari, ngincome kutsi ngimuhambise. ²⁶ Kodvwa ke ngite intfo lenesisindvo lengingayibhala ngikumikisa kuKhesari. Ngaleso sizatfu, ngiko ngimuletse lapha kuwe, ikakhulu kuwe, nkhosi Agrippa, kutoba khona lokunengi lengikubhala ngalelicala. ²⁷ Akubukeki kungiko kutsi ngihambise siboshwa ngingasho kutsi yini emacala aso.