¹ Emva kwemalanga lasihlanu,Ananias umpristi lomkhulu,umuntfu lomdzala tsite, sishaya mtsetfo lokwakutsiwa ngu Tertullus waya khona. Lendvodza yavusa emacala nga Pawula eNdvuneni yesifundza. ² Pawula wema embikwe Ndvuna yesifundza atewutekiswa emacala, ''Ngoba ngawe sinekuthula lokukhulu,futsi inhlakanipho yakho iyalakha live letfu; ³ Ngako-ke ngekubonga lokukhulu simukela konkhe losentela kona, mhlonishwa lomkhulu Felix. ⁴ Ngako-ke ngingasachubeki nekukuhlupha, Ngyiyacela ngemusa wakho usive kafishane. ⁵ Ngoba sikhandza lendvodza iluhlupho futsi nguye lowenta ema Juda emhlabeni wonkhe avukele umbuso. Ungumholi wesicheme sema Nazarini. ⁶ Wetama nekucekela phasi lisontfo,samubopha. ⁷ - ⁸ Nawubuta Pawula ngato tonkhe letinkinga,utawukhona kufundza ngalamacala lesimubeke wona. ⁹ Nema Juda nawo engeta kuletinsolo,baciniseka kutsi lamacala aliciniso. ¹⁰ Ngalesikhatsi indvuna yesifundza inika Pawula litfuba lekukhuluma, Pawula watsi, ''Ngiyacondzisisa kutsi bewusolo uli Jaji kulesive iminyaka leminyenti, ngako-ke ngiyatfokota kutichaza kuwe. ¹¹ Utawukhona kubona kutsi akukapheli emalanga langu-12 ngenyukile kuyowudvumisa eJerusalem. ¹² Nabangi khandza esontfweni, azange sengihhwilitisane namuntfu, kani futsi azange ngitoyi-toyisa bantfu,noma ngabe kuse sinagogeni noma edolobheni. ¹³ Bete bufakazi ngaletisolo labangibeka tona. ¹⁴ Kepha ngiyetfula kuwe kutsi,ngalendlela labayibita ngayo inkholo lencane,ngalendlela lengikhonta ngayo Nkulunkulu wabo babewetfu. Ngetsembekile kuko konkhe lokusemtsetfweni nase mibhalweni yebaprofethi. ¹⁵ Nginelitsemba lelifanako ku Nkulunkulu njengalamadvodza,lokutsi kuyoba nekuvuswa kwabo bonkhe labalungile nalababi. ¹⁶ Ngako ngihlale ngetama kuvela ngikahle phambi kwa Nkulunkulu nebantfu. ¹⁷ Manje emva kweminyaka ngitele kutewuletsa lusito esiveni sakitsi kanye nesipho semali. ¹⁸ Nangenta loko,lamanye ema Juda lasuka eAsia angitfola etempelini ngenta inkonzo yekuhlambuluka,sasingekho sicuku,noma siphitsiphitsi. ¹⁹ Lamadvodza lasembikwakho nyalo akasho kutsi yini lena langilwisela yona,nangabe kukhona. ²⁰ Noma-ke,lamadvodza akasho kutsi yini lekabi langitfola nginayo nangime embikwelikhansela lema Juda, ²¹ ngaphandle kwanaku kunye lengakumemetela nangime kubo, ''kumbandzakanya kuvuka kwalabafile loku lengimiselwe kona kuwe namuhla.'' ²² Kepha Felix,lebekati kahle ngale ndlela,wakuhlehlisa lokulalelwa kwalelicala. Watsi,''Ngalesikhatsi Lisiyasi umkhuteli wetimpi abuya eJerusalem,ngitawuncuma ngelicala lakho.'' ²³ Wase ukhokha umyalo endvuneni kutsi igadze Pawula endzaweni letsite,kepha abe nayo inkululeko yekutsi bangani bakhe banakelele tidzingo takhe. ²⁴ Emva kwemalanga lambalwa,Felix wabuya nemkakhe Drusilla,uMjuda wabita Pawula weva ngaye ngenkholo yebu Kristu. ²⁵ Kepha Pawula nakamugwabula ingcondvo ngekulunga,kutibamba,nekwahlulelwa lokutako, Felix wafikelwa kwesaba wase utsi, ''Kwanyalo hamba.kepha nangitfola litfuba ngekuhamba kwesikhatsi ngitakubita futsi'' ²⁶ Nganhlanye abenelitsemba lekutsi Pawula utewumupha imali, ngako waphindze wamubita wakhuluma naye. ²⁷ Kepha emva kweminyaka lemitsatfu,Porcius Festus waba yindvuna lenkhulu emva Felix, kepha Felix afuna kutsandwva ngema Juda,ngako washiya Pawula kutsi achubeke agadwve.