¹ Nasesiletfwe siphephile, safundza kutsi lesihlenge sasibitwa ngekutsi yiMaltha. ² Bantfu balendzawo basinika hayi nje kulunga lokuvamile, kepha babasa umlilo basemukela sonkhe ngenca yemvula nemakhata langapheli. ³ Kepha Pawula nakabutsa tinkhuni watibeka emlilweni, inyoka lenashevu yaphuma ngenca yekushisa yatibophela esandleni sakhe. ⁴ Labantfu balendzawo nababona lesilwane silenga esandleni sakhe, batsi kungamunye ngamunye, "Ngempela lendvodza ngumbulali lobaleke elwandle, umtsetfo akamvumeli kutsi aphile. ⁵ Kepha ke wayitsintsitela emlilweni wangalimali. ⁶ Bebamumele kutsi ashise abe nemkhuhlane noma avele awe afe. Kepha nasebambukele sikhatsi lesidze babona kutsi kute lokungakavami kuye, basintja tingcondvo tabo batsi ungunkulunkulu. ⁷ Nyalo endzaweni lebeyidvutane bekunemhlaba lobekawashifu walesihlenge, libito layo kwakunguPubliusi. Wasemukela futsi ngesineke wahlangabeta netidzingo tetfu emalanga lamatsatfu. ⁸ Kwenteka kutsi uyise waPubliusi abesolo agula ngemkhuhlane nemsheko. Pawula nakaya kuye, wamthantazela,wabeka tandla takhe kuye,wamphilisa. ⁹ Nasekwentekile loku, bonkhe bantfu kulesihlenge labebagula beta kuye baphila. ¹⁰ Labantfu basibonga phindze ngetibongo letinengi. Nasesilungiselela kuhamba ngemkhumbi, basinika loko lebesikudzinga. ¹¹ Emvakwetinyanga letintsatfu sahamba ngemkhumbi lobekasenebusika usesihlengeni, umkhumbi wa-Alexandria, lobekabhalwe "bonkulunkulu bemawele"ngasenhloko. ¹² Emvakwekufika edolobheni lelikhulu laseSyracuse, sahlala lapho emalanga lamatsatfu. ¹³ Kusuka lapho sahamba ngemkhumbi safika edolobheni lelikhulu leRhegium. Emvakwelilanga linye umoya lobekasuka enshonalanga wahhusha, emvakwemalanga lamabili safika edolobheni lelikhulu lasePuteoli. ¹⁴ Lapho sakhandza bafowethu basimema kutsi sihlale nabo emalanga lasikhombisa. Ngaleyondlela safika eRome. ¹⁵ Kusuka lapho, labafowethu, emvakwetsi beve ngatsi, beta kutohlangana natsi sisesetimakethe taseAppius kanye nasetipotini letintsatfu. Pawula nakababona, wabonga Nkulunkulu wacunga sibindzi. ¹⁶ Nasingena eRome, Pawula wavunyelwa kutsi ahlale yedvwana nemasotja labekamgadzile. ¹⁷ Kwasekufike sikhatsi Pawula abite kanye kanye lawo madvodza labebabaholi kumaJuda. Nasebahlangene, watsi kubo "bomnaketfu, noma ngabe ngingakenti lutfo lokukabi kulabantfu, noma emasikweni abobabemkhulu, ngakhululwa njengesiboshwa eJerusalema etandleni temaRoma. ¹⁸ Nasebangibutile, bebafisa kungikhulula , ngoba bekute sizatfu sekungibulala ecaleni lami. ¹⁹ Kepha emaJuda nakakhuluma amelana nesifiso sawo, ngaphoceleleka kutsi ngilindlulisele kuKhesaru, noma ngabe bekungasiko kutsi ngiletsa kusola esiveni sami. ²⁰ Ngalesizatfu, ngako ke, nganibita khona ngitonibona futsi ngikhulume nani, ngoba kungenca yelitsemba la-Israyeli loku nyalo sengifake leliketane. ²¹ Base batsi kuye,"Asitfolanga ngisho tincwadzi letibuya eJudiya ngani, noma lomunye umnaketfu weta kutekwetfula noma asho lokubi ngani. ²² Kodvwa sifuna kuva ngani kutsi nicabangani ngalesicuku, ngoba siyati kutsi kukhulunywa kumelane nayo ndzawotonkhe. ²³ Nasebamlungisele lilanga, bantfu labanengi beta kuye lapho ahlala khona. Wabatfulela lendzaba wafakaza ngembuso waNkulunkulu. Wetama kubenelisa ngaJesu, ngalokusemtsetfweni waMose kanye nebaprofethi,kusukela ekuseni kwate kwaba sentsambama. ²⁴ Labanye baneliswa nguletintfo lebetishiwo, kani labanye abakholwanga. ²⁵ Nabangavumelani, bahamba emuva kwekutsi Pawula akhulume ligama linye; "Moya loyingcwele ukhulume kahle ku-Isaya umprofethi uyise wenu. ²⁶ Watsi, "Hambani kulabantfu nitsi, "Ngekuva nitakuva, kodvwa angeke nicondzisise; futsi ngekubona nitobona kepha angete nabona. ²⁷ Ngoba tinhlitiyo talabantfu setaba lukhunu, ngetindlebe tabo beva kamatima, bawavalile emehlo abo. Bangabona ngemehlo abo, beve nangetindlebe tabo, bacondzisise etinhlitiyweni tabo bajike futsi, bese ngiyabaphilisa. ²⁸ Ngako ke, nibokwati kutsi insindziso yaNkulunkulu itfunyelwe kubetive, batolalela." ²⁹ Nasebasho tonkhe letintfo, emaJuda ahamba. Bebanekuphikisana bodvwa. ³⁰ Pawula wahlala iminyaka lemibili emcashweni, wabemukela bonkhe lebebeta kuye. ³¹ Abememetela umbuso waNkulunkulu aphindze afundzisa ngetintfo ngaJesu Kristu ngaso sonkhe sibindzi ngaphandle kwekuvimbeka.