¹ Emvakwekutsi sihambe kubo nemkhumbi ucale kuhamba,sahamba indlela lecondzile leya edolobheni lase Cos,ngelilanga lelilandzelako edolobheni lase Rhodes, sichamuka edolobheni lase Phatara. ² Satsi nasitfola umkhumbi ewelela ngesheya Phoenicia, sagibela sahamba ngemkhumbi. ³ Emvakwekutsi sibone Cyprus, Simushiya ngesencele emkhunjini, sachubeka sabheka e Siriya sase sifikela eTyre, lapho lomkhumbi bekayo tfulula umtfwalo. ⁴ Emvakwekutsi saftola bafundzi,sahlala emalanga lasikhombisa. Ngamoya longcwele bacela Pawula kutsi angayi eJerusalema. ⁵ Kwatsi emalanga etfu sekaphelile, sahamba sachubeka ngendlela yetfu, nabo bonkhe bafati kanye nebanftwana, basipheketele edolobheni.Saguca phasi elwandle,sathandaza, ⁶ savalelisana nalomunye nalomunye. Sase sehla emkhunjini, base babuyela emakhaya. ⁷ Satsi nasesicedzile luhambo lwetfu lwaselwandle sibuya eTyre, safika ePtolemais. Savusela bomnakeftu sase sihlala nabo lilanga linye. ⁸ Ngelilanga lelilandzelako sahamba sase siya eCaesarea. Sangena endlini yaFiliphu,umshumayeli,munye walabebasikhombisa, sase sihlala naye. ⁹ Bekunendvodza lebeyinemantfombatane lamane latinftombi nfto labeba profetha. ¹⁰ Sisehleti lapho emalangana, kwachamuka umphrofethi wase Judiya libito lakhe kungu Agabus. ¹¹ Wefika kitsi watsatsa libhande laPawula. Ngalo wakhunga tinyawo kanye netandla takhe wase sewutsi,''Kusho Moya longcwele,'nangabe emaJuda eJerusalema akhunga lendvodza lengumnikati walelibhande, base bamnikela etandleni tebe tive.'' ¹² Emva kwekutsi sive loku bekukhulunywa,tsine kanye naso sonkhe sive sakulendzawo sacela Pawula kutsi angayi etulu eJerusalema. ¹³ Pawula waphendvula,''Wentani, uyangikhalisa futsi uphula inhlitiyo yami? Ngobe sengime ngemumo, hhayi kukhungwa kuphela , kepha kufela eJerusalema ngalo ligama lenkhosi yetfu Jesu.'' ¹⁴ Ngekutsi Pawula abengakaphoceleleki, sabindza sase sitsi,''intsandvo yenkhosi mayenteke.'' ¹⁵ Emva kwalawa malanga,satsatsa tinkhwama teftu sase siya eJerusalema. ¹⁶ Khona lapho sahamba netincenye tebafundzi letichamuka eCaesarea. Beta nendvodza libito layo kungu Mnason, indvodza yase Cyprus, umlandzeli waJesu wekucala, naloyo lesiyohlala naye. ¹⁷ Safika eJerusalema, bomnaketfu basemukela ngenjabulo. ¹⁸ Ngelilanga lelilandzelako Pawula wahamba natsi saya kuJakobe, nabobonkhe labadzala bebakhona. ¹⁹ Satsi nasibavusela, wasibikela ngamunye ngamunye imimangaliso yankulunkulu layente kumaGentiles ngenshumayelo yakhe. ²¹ Batsi nabeva, badvumisa nkulunkulu, base batsi kuye,''uyabona, mnaketfu, tinkhulungwane tingakhi letakholwa kumaJuda. Bonkhe babhekeke kutsi bagcine umtsetfo. ²⁰ Sebatjeliwe ngawe, kutsi ufundzisa onkhe emaJuda lahlala nebetive kutsi angalaleli umtsetfo waMose, nekutsi ubatjele kutsi bantfwana babo bangasoki, nekutsi bangalandzeli imitsetfo. ²³ Sente njani? Sebatokuva kutsi nalana sofikile. ²² Ngako yenta loko lesikutjela kona. Sinemadvodza lamane nyalo lenta setsembiso. ²⁴ Tsatsa lamadvodza utihlante wena ngawo, bese uyababhadalela, khona batohhula tinhloko tabo. Khona wonkhe munftu atewukwati kutsi letinfto lotikhulumako tingemanga. Batawubese bayafundza kutsi ulandzela umtseftwa. ²⁵ Kepha mayelana nebetive labebakholwa, sabhala sase sibanika imilayeto kutsi batigcine bona kutinfto tekukhotsama letinye tithico, ngengati, yetseftwe etilwaneni kanye nenkhanuko.'' ²⁶ Pawula wase utsatsa lendvodza, ngelilanga lelilandzelako watigeza nabo wabageza ngelisiko lakhona.Base baya ethempelini, banakisisa kutsi emalanga ekungcweliswa atogcwaliseka phindze iminikelo itokhonjiswa kumunye ngamunye. ²⁷ Nasekutophela emalanga lasikhombisa, lamanye emaJuda ase Asia, abona Pawula ethempelini, banyakatisa sonkhe lesicumbi base bababeka tandla. ²⁸ Bebamemeta,''ndvodza yaka Israyeli, sisite. Lena yidvodza lefundzisa wonkhe munftu tinfto letiphambhuka nebanftu, imitsetfo kanye nalena ndzawo. Ngaphandle kwaloko, uletse emaGrikhi ethempelini base bangcolisa lendzawo lengcwele. ²⁹ Besebake bambona Trophimus wase Ephesian kanye naye edolobheni,bacabanga kutsi Pawula umletse ethempelini. ³⁰ Onkhe emadolobha asitfokota, bonkhe labanftu bagijima kanye kanye bayawubamba Pawula. Bamukhiphela ngaphandle ethempelini, akuphelanga sikhashana iminyango yavaleka. ³¹ Batsi basazama kumbululala, tindzaba tafika kumphatsi wetigadzi kutsi yonkhe iJerusalema esihlalweni, ³² Masinyane watsatsa emasotja kanye netindvuna yemakhulu base bagijimela kulesicumbi. Lesikhatsi banftu sebabone sikhulu kanye nemasotja, bayekela kumshaya Pawula. ³³ Sase sikhulu siyeta sadvonsa Pawula, sase sitsi abamukhunge ngetinketane letimbili. Wase uyambuta kutsi ungubani futsi wenteni? ³⁴ Labanye kulesicumbi bebamemeta infto yinye nalabanye lokunye. Njengoba umholi akazange akhone kusho lutfo ngenca yemsindvo, wabatjela kutsi Pawula ayiswe ngaphandle kwesogodlo. ³⁵ Kwatsi naketa etitebhisini bekatfwelwe masotja, ngenca yekuhlupha kwesicumbhi. ³⁶ Lesicumbi salandzela sichubeka nekumemeta sitsi,''mbulaleni!'' ³⁷ Ngesikhatsi Pawula sekatokhiphelwa ngaphandle esigodlweni, watsi kulesitfunywa sesikhulu,''Ngicela kusho infto letsite kuwe?'' Lesitfwunya sesikhulu satsi,''uyasikhuluma siGrikhi? ³⁸ Awusiwo yini lomu Egyptian ngalesinye sikhatsi lowacala kutoyitoya phindze wahola emadvodza latinkhulungwane ase 'Assassins' kuya ehlane?'' ³⁹ Pawula watsi,''ngiliJuda, ngichamuka edolobheni lase Tarsus Cilicia. Ngingumunftu wesive lesimcoka. Ngiyakucela, ngikhulule ngikhulume nalabanftu.'' ⁴⁰ Lesikhatsi lesikhulu sesimunike imvumo, Pawula wasukuma lapho etitebhisini wase ucala ukhuluma nalesive. Ngesikhatsi kunekuthula lokukhulu, wakhuluma nabo ngelilwimi lesi Hebheru. Watsi,