¹ Pawula wafika eDebe naseListra,lapho akhandza umfundzi lotsite lobitwa ngaThimothi, indvodzana yemfati lobekangumJuda lokholwako kodwva uyise abengumGriki. ² Abenconywa bomnakabo labebase Listra nase-Ikhoniyumi. ³ Pawula abefuna kuhamba naye(Thimothi),wamtsatsa wamsoka ngengca yemaJuda labekalapho kulendzawo , bonkhe bebatiti kutsi uyise wakhe ngumGriki. ⁴ Basachubeka nendlela yaboleya emadolobheni, bebashiya imitsetfo lekumele bayilandzele emasontfweni, lemitsetfo beyibhalwe baphostoli nebabonisi baseJerusalem. ⁵ Ngako-ke lamabandla bekaciniseka ekukholweni futsi bebandza ngenombolo emalanga nemalanga ⁶ Pawula nebakhaphi bakhi bengca tifundza taseFrigiya naseGalathiya ngoba Moya Longcwele abebagwemile kutsi bashumayele eveni lase-Asiya. ⁷ Nasebatosondela ngase-Misiya, balinga kungena eBhitiniya bancabelwa nguMoya waJesu. ⁸ Ngekwengca ngaseMisiya, behlela edolobheni laseThrowasi. ⁹ Pawula waba nembono ebusuku; wabona indvodza yase-Macedonia imile, imuncenga itsi, '' Wota eMacedoni utosisita.'' ¹⁰ Pawula watsi nasekabe nalombono, nekusheshe saphuma sabheka eMacedonia, njengoba Nkhulunkhulu abasekahlele kutsi siyoshumayela khona. ¹¹ Ngako -ke santjweza ngemkhumbu sisuka eThrowasi, sacondza eSamothrakhe, ngakusasa safikela eNeyapholisi. ¹² Sasuka lapho saya eFiliphi lidobha lelisesifundzeni sekucala saseMasedoniya, lidolobhobha lelinebumcoka emaRomeni sahlala emalangana. ¹³ Ngelilanga leSabbatha saphumela ngephandle kwelidolobha saya ngasemfuleni, lapho sabona ngatsi yindzawo lekahle yekuthandaza. Sahlala phansi sakhuluma nalabafati labebabutsene lapho. ¹⁴ Lomunye walabo labasilaleLA nguLydia, umtsengisi walobukwabeletane wasedolobheni lase-Thiyathira, abekhonta Nkhulunkhulu. Nkhulunkhulu wamvula inhlitiyo kutsi alalele lokushiwo nguPawula. ¹⁵ Nakubhabhatiswa yena nendlu yakhe, wasigcugcutela, watsi, ''nangabe ningehlulele kutsi ngitsembeke kuNkhulunkhulu, buyani nitowuhlala kami.'' Futsi abesicindzetela. ¹⁶ Kwafika sikhatsi lapho sisahamba siya endzaweni yekuthandaza, sadibana nentfombatanyana lebeyinemimoya yekuphengula. Yayitfolela baniyo bayo imali ngalokuphengula. ¹⁷ Walandzela Pawula natsi amemeta atsi, ''Lamadvodza lawa tinceku taSimakadze. Bamemetela indlela yensindiso.'' ¹⁸ Wakwenta loku emalanga abamanengi. Kodwva Pawula, ngekucansulwa nguye ngalokukhulu, wagucuka watsi kulemimoya yakhe, ''ngikunika umuyalo ngegama likaJesu kutsi uphume kuye.'' Laphuma ngaleso sikhatsi. ¹⁹ Baniyo bakhe babona kutsi litsemba labo lekwakha imali alisekho, babamba boPawula naSilasi babahudvula enkantolo embikwe ticumbini tebantfu. ²⁰ Nasebababeke embikwenkantolo, batsi, ''Lamadvodza anyakatisa lidolobha letfu. BangemaJuda. ²¹ Bafundzisa emasiko laphambene nemasiko emaRoma lekungafaneli siwavume nekuwenta. ²² Sicumbi sebantfu savukela Pawula naSilasi; timantji tadzabula timbatfo tabo, bakhipha umtsetfo wekutsi bashaywe ngemizaca. ²³ Nasebabashayile banemivimba leminyenti , base bafakwa ejele bayala umgcinijele kutsi abagadzisise. ²⁴ Emvakwekutsi atfole umyalo, umgcinijele wabavalela ejele wabophela tinyawo tabo etigodvweni. ²⁵ Kwatsi ekhatsi nebusuku Pawula naSilasi bathandaza bahlabela emaculo kuNkhulunkhulu, letinye tiboshwa betibalalele. ²⁶ Masinyane kwaba nekutamatama kwemuhlaba, kwatamata tisekolo telijele, nekushesha kwavuleka yonkhe iminyango, kwachacheka nemaketane abo bonkhe. ²⁷ Umgcini jele wavuka ebutfongweni babona iminyango yelijele ivuleke yonkhe; watsatsa inkhemba yakhe afuna kutibulala ngoba bekacabanga kutsi letiboshwa betibalekile. ²⁸ Kodwa Pawula wamemeta ngelivi lelikhulu watsi ungatilimati, siphelele sonkhe.'' ²⁹ Umgcini jele wamemetela kutsi akukhanyiswe wajaka, agedletela asaba, wagugca embikwa Pawula naSilasi, ³⁰ wabakhipha watsi, '' Banumzane, ngentenjani kuze ngisindiswe?'' ³¹ Bamphendvula batsi, '''Tsembela enkhosini Jesu utawusindiswa, wena nendlu yakho.'' ³² Base bashumayela livi lenkhosi kuye, nakuwowonkhe muntfu lobekakhona. ³³ Kwatsi ngalelohora lalobo busuku umgcini jele wabageza tilondza, yena nawonkhe lobekasendlini yakhe babhatjatiswa masinyane. ³⁴ Waletsa boPawula naSilasi endlini yakhe bababekelakudla embikwabo, watfokota kakhulu nalabasendlini yakhe, kutsi sokholelwa kuNkhulunkulu. ³⁵ Kwafika lilanga lapho, timantji tatfumela livi kubogadzi babatjela kutsi bakhululela lamadvodza. ³⁶ Umgcini jele watjela Pawula lamagama, watsi, ''bomantji batfumele ligama kimi kutsi ngikukhulule. Ngakoke phumani, nihambe ngekuthula.'' ³⁷ Kodvwa Pawula wabaphendvula watsi, '' Basishaya embikwesicumbi sebantfu, singakagwetjwa, noma sima Roma- basilahla ejele. Sebafuna kusihambisa ngemakwacela?. Chake! Abete bona kube ngibo labasikhipha lana.'' ³⁸ 'Bogadzi babika lamagama kubomantji, nabeva kutsi Roma, basaba. ³⁹ Bomantji bafika bacolisa kubo babakhipha, babacela kutsi bahamba kulelidolobha. ⁴⁰ Ngako-ke boPawula naSilasi baphuma ejele baya endlini yaLydia. Batsi nababona labomnakabo, babakhutsata base bayahamba kulelidolobha.