¹ BoPawula bahamba badzabula emadolobheni ase Amfipholisi kanye nase Apholonya,bate befikela edolobheni lase Thesalonikha, lapho bekune lisinagogi lema Juda. ² Pawula njengelisiko labo waya kubo, baphikisana ngemibhalo emasabatha lamatsatfu. ³ Pawula abebavulela imibhalo abachazela kutsi kwakufanele kutsi Khristu ahlupheke nekutsi avuke kulaba file. Watsi, '' LoJesu lengimushumayela kini nguye Khristu. ⁴ Labanye balabaJuda bakholwa babese batihlanganisa naboPawula naSilasi, kufaka ekhatsi sicuku sema Grikhi labebatimisele bekute labasikati labahloniphekile. ⁵ Lama Juda labengakholwa angenwa ngumona,batsatsa emadvodza lakhohlakele emakethe, batsi abasuse umsindvo edolobheni.Bahlasela umuti waJasini, ngoba bebafuna kuletsa boPawula naSilasi embikwesicuko sebantfu. ⁶ Kepha ababatfolanga babese bahudvula Jasini nalabanye bazalwane babamikisa emantjini yelidolobha, bakhala,''Lamadvodza sekabhekise live phasi sebete nalana futsi. ⁷ Lamadvodza lawemukele Jasini ephula umtsetfo wa Khesari, batsi kuna lenye inkhosi lengu-Jesu.'' ⁸ Bantfu kanye netiphatsi mandla talelo dolobha taphatamiseka umativa loku. ⁹ Kepha baphats idolobha batsatsa imali yesibambiso kuJasini babese bayaba khulula. ¹⁰ Ngalobo busuku bazalwane betfumela Pawula naSilas eBherea. Nabefika bafikela esinagogini lema Juda. ¹¹ Bantfu lana bebalungile kunebantfu base Thesalonikha, ngoba bebalimukela livi ngenshisekelo. Onkhe emalanga bebalihlolisisa livi mihla yonkhe kutsi kunjalo yini vele. ¹² Labanyenti babo bakholwa lokufaka ekhatsi besifazane lebebasembili bama Grikhi kanye nalabadvuna labanyenti. ¹³ Kwatsi nakeva emaJuda ase Thesalonikha kutsi Pawula abeshumayela livi laNkulunkulu endzaweni yaseBheriya, bahamba bayakhona kuyo susa lutfutfuvu. ¹⁴ Bazalwane babamikisa elwandle kodvwa boSilasi naThimothi basala eBheriya. ¹⁵ Labapheketela Pawula bahamba naye bambeka edolobheni lase Atheni. Nababuyela emuva bebaphetse umlayeto lovela kuPawula kutsi boSilasi naThimothi basheshe bamlandzele bete kuye. ¹⁶ Pawula asebalindzile eAtheni, umoya wakhe wakhatsateka kakhulu ngoba leli dolobha beligcwele tithico. ¹⁷ Ngako-ke Pawula bekabaphikisana nabo esinagogini nalama Juda nalabanye bebakhonta Nkulunkulu, futsi abeshumayela nase timakethe aphikisana nalabo bebalapho. ¹⁸ Labanye bantfu bema Epikhuri nema Stokhi labeba batsandzi bemilandvo bahlangana naye batsi,'' Lesihhemini sizama kutsini ?'' Labanye batsi, '' Ungulabanye balaba bitela bantfu kutsi balandzele bonkulunkulu betive,'' ngoba abe shumayela livangeli ngaJesu nekuvuka kulaba file. ¹⁹ Batsatsa Pawula bamumikisa kuma Erophagasi natsi,'' Sicela kuyati lemfundziso yakho lensha lobokhuluma ngayo. ²⁰ Ngoba uletsa tintfo letinga tiwa etindlebeni tetfu. Ngako-ke sifuna kwati kutsi loku lokushumayelako kuchazani. ²¹ ( Phela takhamuti tase Atheni netihambi beticitsa sikhatsi sabo sonkhe ekukhulumeni nekulalela tintfo letinsha). ²² Ngako-ke Pawula wema emkhatsini kwema Erophagasi wabese utsi,'' Nine madvodza ase Atheni, ngiyanibona kutsi niyakholwa ngato tonkhe tindlela. ²³ Ngisandlula ladolobheni lenu ngibona letintfo lenitikhontako, ngibone kuletindzawo lenikhontela kuto kunembhalo lotsi, "Nkulunkulu longatiwa."Ngako-ke loku lenikukhonta ningakwati ngitoshumayela ngako kini. ²⁴ LoNkulunkulu lowadala live nako konkhe lokuphila kulo, ngoba anguNkulunkulu welizulu nemhlaba,akahlali emathempelini lakhiwe ngetandla. ²⁵ Futsi akadzingi lutfo lolungumsebenti webantfu,ngoba yena lucobo lwakhe uniketa imphilo ebantfwini nako konkhe lokunye. ²⁶ Emuntfwini munye wakha tonkhe tive tebantfu kute tiphile ebusweni bemhlaba, wabeka tikhatsi nemikhawulo yato lapho igcina khona, ²⁷ kute batomtfungatsa loNkulunkulu batfole nendlela leya kuye. Kantsi Nkulunkulu akekho khashane nakitsi ngamunye ngamunye. ²⁸ Ngengobe siphila sihambe sikuye njengobe sinje, ngoba netimbongi takitsi titsi,'' Ngoba natsi siyi mbewu yakhe.'' ²⁹ Ngengobe siyimbewu yaNkulunkulu akufaneli sicabange kutsi simo saNkulunkulu sifana negolide,noma isiliva, noma litje,lokuyimifanekiso leyakhiwe bantfu. ³⁰ Ngako loku Nkulunkulu watibeketelela tikhatsi tekungati, kepha nyalo uphocelela wonkhe muntfu kutsi aphendvuke. ³¹ Ngoba lusuku lekuhlulela live solibekile lapho atohlulela ngekulunga kwemuntfu lamukhetsa. Nkulunkulu ubuletsile bufakazi kuwonkhe muntfu ngekuvusa lendvodza kulaba file.'' ³² Kwatsi nasebavile bantfu base Atheni ngekuvuswa kulabafile, labanye bamhleka Pawula; kepha labanye batsi,'' Sitakulalela futsi ngalendzaba.'' ³³ Emuva kwaloko, Pawula wabashiya. ³⁴ Kodvwa kukhona bantfu bamlandzela futsi bakholwa lokufaka ekhatsi Diyonisisi lobeka ngumu Arophagite, wesifazane libito lakhe ngu Damarisi nalabanye lebebanabo.