¹ Lamanye emadvodza ehla eta eJudiya ku Antioch baphindze bafundzisa bomnakabo batsi "Ngaphandle kwekutsi nisokwe njengelisiko la Mose, angeke nisindziswe." ² Loku kwanta Pawula na Bhanabasi babe nemphikiswano lejulile. Ngako Pawula na Bhanabasi nalabanye bebanabo, bakhetfwa kutsi baye eJerusalema bayobonana nema photsoli nalabadzala ngalombuto. ³ Ngakoke, ngekutfunywa libandla bengca e Phoenica nase Samaria bafika bamemetela kuphendvuka kubetive. Baletsa injabulo lenkhulu kulabanakabo. ⁴ Batsi mabefika eJerusalem, bamukelwa libandla, bapostoli kanye nebabonisi, babika konkhe kuNkulunkulu labentele kona. ⁵ Kodvwa emadvodza latsite labekakholwa, lebebayincenye yelicembu lebafarisi, basukuma batsi, " kumcoka kutsi nibasoke futsi nibayale kutsi bagcine imitsetfo ya Mosi." ⁶ Ngako ke bapotsoli nebabonisi bahlangana bakhulumisa lendzaba. ⁷ Emvakwale mphikiswano , Petro wasukuma watsi kubo ," banaketfu niyati kutsi ngesikhashana lesihle kadzeni Nkulunkulu wakhetsa kini, kutsi ngemlomo wami betive bayive lenshumayelo, bakholwe. ⁸ Nkulunkulu lowati inhlitiyo ,sewufazile kibo ngekubanika moya longcwele, njengoba enta kitsi. ⁹ Akantanga umehluko emkhtsini kwetfu nabo, wenta tinhlitiyo tabo tahlanteka ngekukholwa. ¹⁰ Ngako ke, nimvivinyelani Nkulunkulu, ngekubeka lijoko entsanyeni yebafundzi, kube bobabe betfu natsi asikhonanga kuletfwala? ¹¹ Kodvwa sikholelwa kutsi sitosindziswa ngemusa wenkhosi Jesu , njengoba bekunjalo." ¹² Sonkhe lesicuku sabindzisa silalele Banabasi na Pawula betfula tibonakaliso nemimangaliso Nkulunkulu layisebente kubetive ngabo. ¹³ Emva kwekube bacedze kukhuluma, Jakobe waphendvula watsi, Banaketfu lalelani mine. ¹⁴ Saymoni sobatekele kutsi Nkulunkulu wabasita njani betive kute atsatse kibo bantfu beligama lakhe. ¹⁵ Emagama ebaphrofethi ayavumelana naloku, njengoba kubhaliwe, ¹⁶ Emvwa kwaloku ngitobuya futsi ngitokwakha lithende la David, lebeseliwile; Ngitalimisa ngibuyisele tindvonga lebesetonakele, ¹⁷ kute tinsalela tebantfu tingafuna Inkhosi lokufaka ekhatsi bonkhe betive lababitwa ngelibito lami. ¹⁸ Loku kushiwo yiNkhosi, lowenta konkhe loku lebekwatiwa kusukela ndvulo. ¹⁹ Ngakoke, sincumo sami sitsi akukameli sihluphe labo betive labaya ku Nkulunkulu. ²⁰ Kodvwa sitababhalela kutsi bangakhonti tithico, ningagwadli, ningadli inyama lecumbelele, kanye nebubendze. ²¹ Ngobe Mose wamemetele kuwo onkhe emadolobha ndvulo futsi wabafundzela kuma Sinagogi njalo ngeSabatha." ²² Kwase kubonakala kukuhle kuba potsoli nebaholi, nalo lonkhe libandla, kutsi bakhetse Judasi lobitwa nga Barsabbas, na Silas lekubaholi belibandla, bese babatfumela eAntioch na Pawula na Bhanabasi. ²³ Babhala naku: "kubuya kubapostoli, nakubaholi, banakenu, kubanaketfu betive eAntioch, Siriya nase Cilicia: Siyavusela. ²⁴ Njengoba sivile kutsi incenye yalamanye emadvodza ihambile kitsi , ngaphandle kwemvume yetfu, futsi kwanikhinyabeta ngetifundvo tenu kwakhuba imoya yenu, ²⁵ kwabukeka kukuhle kitsi , lote emcondvweni munye, kutsi bakhetse emadvodza babatfumele kini lenitsandzekako Barnabas na Pawula, ²⁶ emadvodza labeke timphilo tabo engcupheni ngenca yeligama Lenkhosi Jesu Kritsu. ²⁷ Ngako ke sitfumela Judasi na Silas, labatanitjela intfo yinye ngendlela yabo. ²⁸ Ngobe kubonakale kukuhle ku Moya loyinggcwele nakitsi, singanibeki imetfwalo kunanati tintfo letimcokwa: ²⁹ ningasanikeli imihlatjelo etithicweni, ingati, lokucumbene, nasebugwadleni. Uma nikwenta loku, kutanihambela kahle. Salani kahle. ³⁰ Babese, mabahambiswa, behla baya eAntioch; emva kwekutsi bahlanganise leticuku , betfula lencwadzi. ³¹ Uma sebayifundzile batfokota ngoba bebakhutsatiwe. ³² Judas na Silas, baprofethi, bakhutsata bomnaketfu ngemagama lamanyenti babacinisa. ³³ Emva kwekutsi bahlale sikhatsi lapho , bahanjiswa ngekuthula kubanakabo kulabo bebatfume bona. ³⁴ Kodvwa kwabonakala kukuhle ku Silas kuts asale lapho. ³⁵ Kodvwa Pawula na Barnabas bahlala e Antioch,bafundzisa futsi bashumayela (kanye nalabanye) livi laNkulunkulu. ³⁶ Emva kwemalanga Pawula watsi ku Barnabas '' asijike nyalo sivakashele bomnaketfu kulolonkhe lidolobha lapho besimemetela khona livi leNkhosi futsi sibone kuts bachuba njani.'' ³⁷ Barnabas bekafuna kuts kutsatfwe Johane lebekabitwa nga Makho. ³⁸ Kodvwa Pawula wabona kutsi akukalungi kutsi bangatsatsa Makho, lobekabashiye e Pamphylia wangachubeki nabo kulomsebenti. ³⁹ Kwase kusuka imphikiswano lenkhulu, baze bahlukana, Barnabas watsatsa Makho wahamba waya e Cyprus. ⁴⁰ Kodvwa Pawula wakhetsa i Silas wahamba, emvakwekutsi angatsenjwa banakabo emsebentni weNkhosi. ⁴¹ Wase uya e Siriya nase Cilicia, acinisa emabandla.