¹ Befika ngase ikhoniyamu boPawula naBhanabasi bangena kanye kanye esinagogeni lemaJuda bakhuluma ngendlela kutsi sicuku lesikhulu semaJuda nemaGrikhi sakholwa. ² Kepha emaJuda labe angalaleli enta tingcondvo tebeTive tabamunyu amelana nebazalwane. ³ Bachubeka bahlala lapho sikhatsi lesidze, bakhuluma ngesibindzi nangemandla eNkhosi,yafakaza ngenshumayelo yabo yemusa. Yakwenta loko ngekuvumela kutsi tibonakaliso nemimangaliso yentiwe ngetandla taboPawula naBhanabasi. ⁴ Kepha bantfu belidolobha bebahlukene;labanye bebeme nemaJuda, labanye bakanye nebaphostoli. ⁵ Bonkhe betive nemaJuda (kanye nebaholi babo)batama kubaphatsa kabi nekubagcoba ngematje, ⁶ ekubeni sebati ngaloku, babalekela emadolobheni lamakhulu aseLikhawoniya eListra nase Debe netindzawo letakhelene nalesifundza, ⁷ lapho bachubeka bashumayela livangeli. ⁸ Bekunalenye indvodza eListra ihlala, ichwale etinyaweni tayo, isishosha kusukela esibeletfweni samake wayo,ingazange seyihambe. ⁹ Lendvodza yalalela Pawula nakakhuluma.Pawula wayibukisisa emehlweni wayibona kutsi inekukholwa kutsi ingaphila. ¹⁰ Watsi kuyo ngeliphimbo lelikhulu,"Sukuma ume ngetinyawo." Lendvodza yazuba yema ngetinyawo yahamba. ¹¹ Nasicuku sibona loko lokwentiwe nguPawula, saphakamisa emaphimbo, sakhuluma ngelulwimi lwaseLikhawoniya, "Bonkulunkulu behlele betakitsi ngesimo sebantfu.'' ¹² Betsa Bhanabasi kutsi ngu "Zeyuse" naPawula bametsa kutsi ngu "Hemesi''ngoba bekasikhulumi lesigcavile. ¹³ Umphristi waZeyuse, abene lithempeli labo belingaphandle kwelidolobha, baletsa tinkhabi netimbali emasangweni; yena nesicumbi bebafuna kuletsa umhlatjelo. ¹⁴ Kepha nabaphostoli, Bhanabasi naPawula, bakuva loko, badzabula timphahla tabo bashesha bagijimela ngephandle esicukwini, bamemeta, ¹⁵ "Madvodza, nikwentelani loku? Sibantfu natsi nje, fanana nani ngendalo.Sifakazela livangeli kini, sinitjela kutsi nigucuke nisuke etintfweni letingenamsebenti nite kuNkulunkulu lophilako, lowenta lizulu, umhlaba, nelwandle nako konkhe loku kuko. ¹⁶ Etikhatsini tandvulo, wavumela tonkhe tive tihambe ngetindlela tato. ¹⁷ Kepha solo, akazange atiyekelele ngaphandle kwebufakazi, kuloko wenta lokuhle anipha imvula ichamuka ezulwini ngetikhatsi tekuvuna, agcwalisa tinhlitiyo tenu ngekudla nangentfokoto.'' ¹⁸ Nangalawa mavi, Pawula naBhanabasi bazama kumisa sicuku kutsi sibentele umhlatjelo. ¹⁹ Kepha lamanye emaJuda aphuma eAntiyokhi nase Ikhoniyamu eta ashukumisa sicuku.Bagcoba Pawula bamhudvulela ngaphandle kwelidolobha, bacabanga kutsi ufile. ²⁰ Manje uma bafundzi bemile bamgigeletele yena, wasukuma wangena edolobheni, Ngelilanga lelilandzelako,wahamba waya eDebe naBhanabasi. ²¹ Emva kwekutsi batfule livangeli kulelo dolobha kwangeteka labanye bafundzi, base babuyela eListra, naseIkhoniyami naseAntiyokhi. ²² Bachubeka bacinisa imiphefumulo yebafundzi babakhutsata kutsi bachubeke ekukholweni, batsi, ''Kufanele singene embusweni waNkulunkulu ngetinhlupheko letinyenti.'' ²³ Nasebakhetse bantfu labadzala belibandla kulelo nakulelo bandla, bathantaza kanye nekuzila, babanikela eNkhosini, lebayikholwako. ²⁴ Base badzabula ekhatsi ePhisidiya base befika ePhamfiliya. ²⁵ Nase bakhulume livi ePhega,bahamba behlela phansi eAthaliya. ²⁶ Kusuka lapho bantjweza ngemkhumbi baya eAntiyokhi, lapho batinikele emseni waNkulunkulu ngemsebenti lebewuphelelisiwe. ²⁷ Ngalesikhatsi bafika eAntiyokhi bahlanganisa libandla ndzawonye, babika tonkhe tintfo Nkulunkulu latentile nabo, nekutsi uyivule njani umnyango wenkholo kubetive. ²⁸ Bahlala sikhatsi lesidze nebafundzi.