Sehluko 13
1
Nyalo esontfweni e-Antiokhi, bekukhona baprofethi kanye nabothishela. BekuboBhanabasi, Simeoni lobekabitwa ngaNiger, Luciusi wase Cyrene, Manaen umnakabo Herodi, kanye naSawula.
2
Nabasadvumisa Nkulunkulu futsi bazilile, moya loyingcwele watsi"Ngihlukaniseleni Barnabasi naSawula, batowenta lomsebenti lengibabitele wona."
3
Nasebazilile, bathantazile bababeka netandla, babahambisa.
4
Ngako ke Bharnabas naSawula bamlalela moya loyingcwele baya entasi eSeleucia; kusuka lapho bayamba ngemkhumbi baya esihlengeni saseCyprus.
5
Nasebasedolobheni lelikhulu laseSalamisi, bamemetela livi laNkulunkulu kumasinagogi emaJuda. BebanaJohane Makho njengemsiti wabo.
6
Nasebahambe sonkhe sihlenge baya ePhaphosi, bakhandza somlingo lotsite, umJuda lobekangumprofethi wemanga, lobekutsiwa nguBar Jesus.
7
Losomlingo watimbhandzakanya nendvuna yesifundza, Sergius Paulus, lobekayindvodza lekhaliphile. Lendvodza yabita Barnabasi naSawula, ngoba abefuna kuva livi laNkulunkulu.
8
Kepha Elymas(ligama lakhe lihumushwa kanjalo.) somlingo waphikisana nabo; wetama kujikisa indvuna yesifungo enkholweni.
9
Kepha Sawula, lokaphindze abitwa ngaPawula, agcwele moya loyingcwele, wambukisisa wase
10
utsi, "Wena mntfwanaSathane, ugcwele lonkhe luhlobo lwenkhohliso nenhliyiyo lembi. Usitsa salo lonkhe luhlobo lwebungcwele. Angeke uyekele kuphambanisa tindlela teNkhosi, utawuyekela?
11
Nyalo buka, sandla seNkhosi sisetikwakho,utawuvaleka emehlo. Angeke ulibonge lilanga sikhashane." Masinyane kwehla inkhungu nelifu lelimnyanga lehlela kuElymas; wacala wahamba acela bantfu kutsi bamhole ngesandla.
12
Emuva kwekubona loku lesekwentekile, indvuna yesifungo yakholwa, ngoba abemangaliswe nguletifundziso ngeNkhosi.
13
Manje Pawula nebangani bakhe bahamba ngemkhumbi basuka ePaphosi befika ePherga lasePhamphylia. Kodvwa Johane wabashiya wabuyela eJerusalema.
14
Pawula kanye nebangani bakhe bahamba besuka ePherga befika e-Antiochi lasePisidia. Kusuka lapho baya ekhatsi esinagogi ngelilanga lelisabatha bahlala phasi.
15
Nasekufundvwe umtsetfo webapostoli, umholi wesinagogi watfumela umlayeto, watsi, "Bomnaketfu, naninawo umlayeto wekukhutsata labantfu labalana, mushoni."
16
Ngako-ke Pawula wasukuma wahambisa sandla sakhe; watsi, "Madvodza ase-Israyeli nani lenihlopha Nkulunkulu, lalelani.
17
Nkulunkulu webantfu bakhe Israyeli wakhetsa bobabemkhulu betfu wenta labantfu bandza nabahlala eveni laseGibithe, ngesandla lesiphakeme wabahola baphuma kulo.
18
Iminyaka lengemashumi lamane wema kanye nabo ekhatsi ehlane.
19
Nasabhubhise tive letisikhombisa eveni laseKhanani, waniketa bantfu betfu live labo njengelifa.
20
Konkhe loku kwenteka eminyakeni leyengca emakhulu lamane nemashumi lasihlanu. Setenteke tonkhe letintfo, Nkulunkulu wabanika bahluleli kwate kwaba sikhatsi saSamuweli umprofethi.
21
Kwase kutsi labantfu bacela inkhosi, Nkulunkulu wabanika Sawula umusa waKishi, indvodza yesive saBhenjamini, kutsi abe yinkhosi iminyaka lengemashumi lamane.
22
NaseNkulunkulu amsusile ebukhosini, wakhulisa Davide kutsi abeyinkhosi. Bekunga Davide kutsi Nkulunkulu watsi, "Ngitfole Davide indvodzana yaJesse kutsi abeyindvodza emvakwenhlitiyo yami, lowenta konkhe lengifuna akwente.
23
Esitukulwaneni salendvodza Nkulunkulu uletse umsindzisi, Jesu, njengoba atsembisa kutsi utakwenta.
24
Jesu asengakafiki, Johane wamemetela kutsi bantfu bonkhe baka-Israyeli baphendvuke babhajatiswe.
25
Njengoba Johane abecedzela umsebenti wakhe, watsi, "Nicabanga kutsi ngingubani? Angisuye yena. Kodvwa lalelani, kukhona lota emvakwami, tincabule tetinyawo takhe lengingakafaneli kutichacha."
26
Bazalwane, bantfwana besitukulwane sa-Abrahama, nalabo kini labamesabako Nkulunkulu, kungatsi kutsi umlayeto ngensindziso yakhe utfumelwe.
27
Ngoba labo labahlala eJerusalema, kanye nebaphatsi babo abambonanga, bagcwalisa sisho sebaprofethi lesifundvwa njalo ngelisabatha ngekumehlulela.
28
Noma bangasitfolanga sizatfu sekumbulala, bacela Pilatu kutsi bambulale.
29
Nasebacedze tonkhe letintfo lebetibhalwe ngaye, bamehlisa esihlahleni bambeka ethuneni.
30
Kodvwa Nkulunkulu wamvusa ekufeni.
31
Wabonwa emalanga lamaningi ngulabo labanyuka naye kusuka eGalile kuya eJerusalema. Laba banttfu sebabofakazi ebantfwini.
32
Ngako ke sinitjela lelivangeli kutsi loko Nkulunkulu lakutsembisa kubobabe betfu,
33
ukufezele tsine, bantfwana babo, ngekuvusa Jesu. Njengoba kubhaliwe encwadzini yesibili yeTihlabelelo; "Uyindvodzana yami, namuhla ngiba nguyise wakho.
34
"Lokwekutsi nje wamuvusa kulabafile khona umtimba wakhe ungatobola, ukhulume kanjena; "Ngitokunika tetsembiso letingcwele netibusiso letatsenjiswa Davide.
35
Ingako uphindze atsi kulenye inhlabelelo, "Angeke uvumele wakho longcwele kutsi abone kubola."
36
Davide nasente loko Nkulunkulu abekufuna ngetikhatsi takhe; walala; bambeka naboyise bakhe futsi umtimba wakhe wabola.
37
Kodwa loyo Nkulunkulu lamvusa ekufeni akakubonaga kubola.
38
Akwateke kini, bafowethu, kutsi ngayo lendvodza wamemetela kini intsetselelo yetono.
39
Ngayo, bonkhe labakholelwa kuye uvikelekile kuto tonkhe letintfo Mose langakhonanga kunivikela kuko.
40
Ngako ke caphelani kutsi letintfo baprofethi labakhuluma ngako atenteki kini;
41
"Bukani, nine leninyanyekisako,nimangale bese niyabhubha; ngenta umsebenti ngetikhatsi tenu; umsebenti leningeke niwukholwe, noma ngabe kukhona lonitjela ngawo.
42
Nabahamba boPawula naBhanabasi, labantfu babancenga kutsi bakhulume wona lamagama esabatheni lelilandzelako.
43
Nawuphela umhlangano esinagogi, emaJuda lamaningi kanye nalabatimisele ngekugucuka balandzela Pawula naBhanabasi, bakhuluma nabo wabakhutsata kutsi bachubeke emseni waNkulunkulu.
44
Ngelisabatha lelilandzelako, cishe lonkhe lidolobha lahlangana kanyekanye kutekuva livi leNkhosi.
45
EmaJuda nakabona lesicumbi sebantfu, bangcwala umona baphikisana naloko lobekushiwo nguPawula bamtfuka.
46
Kepha Pawula naBhanabasi bakhuluma ngesibindzi batsi, "Bekubalulekile kutsi livi laNkulunkulu licale likhulunywe kini. Kunibona nilisusa kini kukhombisa kutsi anikafanelwa imphilo lenguna phakadze, bukani, sitokuya kubetive.
47
Ngoba Nkulunkulu wasilayeta , atsi, 'Nginibeke kutsi nibe kukhanya kubetive, kutsi ningaletsa insindziso kutonkhe tindawo temhlaba.
48
Betive nabeva loku, bajabula badvumisa livi leNkhosi. Labanengi bakhetfwa kutfola imphilo lengunaphakadze bakholwa.
49
Livi leNkhosi lefika kusosonkhe lesifundza.
50
Kepha emaJuda akhuluma nemadvodza kanye nebafati belidolobha babenta kutsi bakwate babe neludlame. Bamelana naPawula naBhanabasi babavusela incindzetelo babacosha kulesifundza.
51
Pawula naBhanabasi besusa lutfuli etinyaweni tabo kumelana nalabantfu. Babese baya edolobheni lelikhulu las-Iconium.
52
Labafundzi bagcwala injabulo kanye namoya loyingcwele.