¹ Kwatsi ngaleso sikhatsi inkosi Herodi yabamba labanye lebebamalunga elibandla kute itewubahlukubeta. ² Yabulala Jemusi umnakabo Johane ngenkemba. ³ Yatsi nayikubona loko kutsi kuyawajabulisa emaJuda , yase ibopha naPhetro. Loko kwenteka ngemalanga esinkwa lesingenamvubelo. ⁴ Seyimbophile , yamvalela ejele, yayala ticheme letine temasotja kutsi timgadze; yayihlose kumkhiphela kubantfu emva kweliphasika. ⁵ Ngako ke Phetro wagcinwa ekhatsi ejele, Kodvwa emalunga alelisontfo amthandazela ajula kuNkulunkulu. ⁶ Ngalobo busuku kungakefiki lilanga lapho Herodi abetawumkhiphela ngephandle kute ehlulelwe, Phetro abelele emkhatsini wemasotja lamabili, aboshwe ngetinketane letimbili, Bogadzi basalindzile bagadze embikwemnyango bagadze tiboshwa. ⁷ Naka, ingilozi yeNkosi yavela ngekuphatima kweliso eceleni kwakhe, kwase kukhanya kukhanya ekhatsi emakamelweni elijele. Ingilozi yagcuzula Phetro eceleni yamvusa yase itsi,' Sheshisa vuka,' tinketane takhe tavele tatidzilikela etandleni takhe. ⁸ Ingilosi yase itsi kuye,' Tigcokise ugwabele netincabule takho.' Phetro wavele wenta njalo. Ingelozi yase itsi kuye,' gcoka tembatfo takho tangephandle bese uyangilandzela'. ⁹ Ngako ke Phetro walandzela lengelosi waphumela ngaphandle. Abengati kutsi loko lokwakwentiwa ngulengelosi kwakwenteka mbamba. Abecabanga kutsi ubona umbono. ¹⁰ Emva kwekwendlula eceleni kwagadzi wekucala newesibili, babese befika egedeni lensimbi lelalibaholela edolobheni; lativulekela. Baphumela ngephandle bewuka ngesitaladi, ingilosi yase iyamshiya khona lapho. ¹¹ Na Phetro asabuya engcondvweni, watsi,' Manje ngekweliciniso sengiyati kutsi iNkhosi itfumele ingelosi yayo yangikhulula esandleni saHerodi, nakuko konke lebekubhekwe bantfu bemaJuda.' ¹² Na acondza loku, wahamba waya endlini yaMeri unina waJohane, lebekabitwa ngekutsi nguMakho, laphokwakubutsene batfu labanyenti bathandaza. ¹³ Watsi nakanchonchotsa emnyango weligede, sisebenti lebesibitwa ngekutsi nguRoda seta satewumphedvula. ¹⁴ Na lesisebenti siva kutsi liphimbo laPhetro, ngekujabula asivulanga ngako sagijima sabuyela ngekhatsi endlini; sabetfulela kutsi Phetro abeme ngaphandle kwemnyango. ¹⁵ Babese batsi kuso,' Uphambene ingcondvo.' Kodvwa sacinisekisa kutsi kunjengobe besisho. Batsi,' yingelosi yakhe.' ¹⁶ Kodvwa Phetro wachubeka wanchonchotsa , nasebavule umnyango, bambona futsi bamangala. ¹⁷ Phethro waphakamisa sandla wasihambisa abathulisa, wase uyabacocela kutsi iNkosi imkhiphe kanjani ejele. Watsi,' Bikani letintfo leti kuJemusi nabomnaketfu.' Emva kwaloko wahamba waya kulenye indzawo. ¹⁸ Kwatsi nasekusile, kwesuka kukhatsateka lokukhulu phakatsi kwemasotja ngekutsi Phetro abeshonephi. ¹⁹ Emva kwekutsi Herodi asamfunisisile wangamtfoli, Wabuta bogadzi imibuto wase ukhipha sijubo sekutsi ababulawe. Emva kwaloko wehlela eJudiya eSisariya wefika wahlala khona. ²⁰ Manje ke inkhosi Herodi yayikhubeke kakhulu ikwatele bantfu baseThaya naseSidoni. Baya kuyo ngenjongo yinye, kwase kutsi emva kwekutsi baphocelele Bhlastasi, lisekela lenkhosi , kutsi abasite, bacela lucolo ngoba live labo lalencike kuleli lenkhosi kute litfole kudla. ²¹ Kwatsi ngelilanga lelilungisiwe Herodi watigcokisa ngetembatfo tebukhosi wase uhlala esihlalweni sebukhosi; Wetfula inkulumo yakhe kubo. ²² Labantfu bamemeta,' Leli liphimbo lankulunkulu, hhayi lemuntfu!' ²³ Ngekuphatima kweliso ingelosi yeNkosi yamshaya, ngobe akanikanga Nkulunkulu ludvumo; wadliwa timphetfu wafa. ²⁴ Kodvwa livi leNkosi landza laphindzaphindzeka. ²⁵ Ngako ke na Bhanabasi banaSawula sebacedze umsebenti wabo, Basuka eJerusalema babuyela emuva, sebahamba naJohane , labebitwa ngekutsi nguMakho.