^{1 2} Ngesikhatsi indlovukazi yakaSheba iva umbiko mayelana naSolomoni, yeta eJerusalema kutawukumvivinya ngemibuto lelukhuni, weta netisebenti takhe letinyenti tilandzelana, nemakamela latfwele tinongo tekunandzisa letinyenti, neligolide lelinengi, kanye nemantje laligugu lamanengi. Nakefika kuSolomoni, watjela Solomoni ngako konkhe lokusenhlitiyweni yakhe. Solomoni wayiphendvula yonkhe imibuto yakhe; kute kwakulukhuni kuSolomoni; kute umbuto langawuphendvulanga. ^{3 4} Indlovukati yakaSheba nayibona inhlakanipho yaSolomoni kanye nesigodlo bekasakhile, nekudla lokwakusetafuleni lakhe, nekuhlaliswa kwetisebenti takhe, nemisebenti yetisebenti takhe kanye netembatfo tato, nalabaphatsa tindzebe takhe tekunatsela kanye netembatfo tato, neminikelo leshisiwe layenta endlini yaSimakadze, yaphelelwa ngumoya. ^{5 6} Wabese utsi enkhosini, kulicino, lombiko lengiwuve ngiseveni lami ngemagama akho kanye nenhlakanipho yakho. Angikukholwanga lengakuva ngize ngifike lana, nyalo emehlo ami atibonele. Akusiyo ngisho nencenye lengatjelwa ngako ngenhlakanipho yakho lenkhulu kanye nengcebo yakho! Ungetulu kwalombiko lengawuva. ^{7 8} Babusisekile bantfu bakho, tibusisekile tisebenti takho letihlale timenjalo embikwakho, ngoba tilalela inhlakanipho yakho. Akadvunyiswe Simakadze longuNkulunkulu wakho, Nkulunkulu lotfola kujabula kuwe, lowakubeka esihlalweni sakhe sebukhosi, kutsi ubeyinkhosi esikhundleni sakhe Simakadze Nkulunkulu wakho. Ngoba inkhosi yakho yamtsandza Izrayeli, kute atommisa phakadze naphakadze, ukwente inkhosi yabo, kute utokhona kwenta umtsetfo kanye nekulunga!'' ⁹ Indlovukati yase ipha inkhosi ligolide lelingu 120 talents kanye netinongo tekunandzisa letinengi kakhulu nematje laligugu. Bekungakake kwaba netinongo tekunandzisa letifana naleto indlovukati yakaSheba leyatipha Solomoni. ^{10 11 12} Tisebenti taHiram netisebenti taSolomoni, letaletsa ligolide lase-Ophir, taletsa nesigodvo se-algum nematje laligugu. Ngalolugodvo lwe-algum, inkhosi yakha titebhisi tendlu yaSimakadze netendlu yakhe, yakha ngisho nemahaphu kanye nemaluri ebahlabeleli. Kute sigodvo lesake sabakhona kaJuda lesifana nalesi. Inkhosi Solomoni yaniketa indlovukati yakaSheba konkhe lakufisako nanome ngayini bekayicela; Solomoni wayipha indlovukati lokunengi kunaloko beyimuphe kona. Ngakoke yahamba yabuyela eveni layo, yona netisebenti takhe. ^{13 14} Sisindvo seligolide lebelifika kuSolomoni ngemnyaka munye bekungema 666 talents, ngaphandle kweligolide lemitselo nalelo lebatsengisi bebaliletsa kuSolomoni. Onkhe emakhosi ase-Arabia nebabusi eveni bebaletsa ligolide nelisiliva kuSolomoni. ^{15 16} Inkhosi Solomoni yakha emahawu lamakhulu langemakhulu lamabili nngeligolide leligcotjiwe. Sisindvo semashekeli langemakhulu lasitfupha sasiba kulinye lihawu. Futsi wakha nalamanye emahawu langemakhulu lamatsatfu ngeligolide leligcotjiwe. Emagolide lamatsatfu bekakha linye lihawu; inkhosi yawabeka endlini yayo Indlu yeLihlatsi laseLebononi. ^{17 18} Inkhosi yabese yakha sihlalo sebukhosi lesikhulu ngemaphondvo etindlovu netimvubu wasembetsa ligolide lelicengiwe. bekunetitebhisi letisitfupha talesihlalo sebukhosi, nekwekusimisa tinyalo nawuhleli kwakhiwe ngeligolide kunamatsele kulesitulo. Emaceleni alesihlalo kwakunekwekuphumuta imikhono kunye ngeluhlangotsi nemabhubesi lemile celeni kwakho. ^{19 20 21} Bekunemabhubesi lalishumi nakubili bekeme kuletitebhisi, linye ngalana nalinye ngale ngesitebhisini sinye. Kute sihlalo sebukhosi besifana naso kuleminye imibuso. Tonkhe tinkomoshi nenkhosi Solomoni tekunatsela betiteligolide, natotonkhe tinkomishi tekunatsela Endlini yakhe yaseHlatsini leseLebanon betiteligolide lelicengiwe. Kute tinkhomishi tatitelisiliva ngoba lisiliva kwakutsiwa alinasisindvo emakhethe ngesikhatsi saSolomoni. Inkhosi yayinemikhumbi lemikhulu leminengi, kanye netisebenti takaHiram. Kanye eminyakeni lemitsatfu lemikhumbu lemikhulu yayiletsa ligolide, nelisiliva, nemaphondvo etindlovu, kanye netimfene netingobiyane. ^{22 23 24} Ngakoke inkhosi Solomoni yawehlula onkhe emakhosi emhlabeni ngengcebo nangenhlakanipho. Onkhe emakhosi asemhlabeni beketa ebukhoneni baSolomoni kuze batolalela kuhlakanipha kwakhe, lokufakwe nguNkulunkulu enhlitiyweni yakhe. Labo bebeta kutovakasha bebaphatsa tipho, tindziwo telisiliva kanye neteligolide, nekwembatsa, netikhali, kanye nemahhashi neminyuzi, ngemnyaka nhemnyaka. ^{25 26} Solomoni bekanetibaya temahhashi letitinkhulungwane letine kanye netincola temphi, nebagibeli bemahhashi emphi labalishumi nakubili tinkhulungwane, bagibeli labekababeka emadolobheni lanetincola temphi nalabanye kanye naye eJerusalema. Solomoni bekabusa onkhe emakhosi kusukela emfuleni i-Euphrates kuya endzaweni yemafilisti, kanye nasemnceleni waseGibhithe. ^{27 28} Ikhosi beyinelisiliva eajaerusalema, lelinyenti kulilanga nematje emhlabatsini. Wandzisa sigodvo seceda wasenta sabasinengi kanjengemkhiwa etindzaweni letiphasi. Baletsa emahhashi kuasaolomoni aseGibhithe kanye nakuwo onkhe emave. ^{29 30 31} Mayelana naletinye tindzaba letifaka Solomoni, kwasekucaleni kanye nekwekugcina, abhalwa emlandvweni waNathan umprofethi, nasetiprofethweni ta-Ahijah umShilonite, kanye nasemaphusheni a-Iddo umboniswa (lebeyiphindze ibenelwati ngaJeroboam indvodzana yaNebat)? Solomoni wabusela eJerusalema iminyaka lengemashumi lamane abusa ka-Izrayeli. Solomoni wakhotsama wase ungcwatjwa edolobheni leyise Davide. Rehoboam, indvodzana yakhe, yase ibayinkhosi esikhundleni sakhe Solomoni.