^{1 2} Rehoboam waya eShechem, ngoba onkhe ema-Izrayeli bekaya eShechem kuyombeka abe yinkhosi. Ngesikhatsi Jeroboam eva ngaloku (ngoba bekaseGibhithe, lapha ayakhona nakabalekela inkhosi Solomoni), washiya eGibhithe. ^{3 4 5} Ngakoke-ke batfumela bambita Jeroboam, yena na-Izrayeli wonkhe beta, bakhuluma kuRehoboam batsi, ''Uyihlo wenta lijoko letfu lasindza kakhulu. Kepha nyalo, yenta umsebenti weyihlo abemelula, nciphisa lelijoko lelisindzako lasitfwesa lona, sitobese siyakusebentela tsine.'' Rehoboam watsi kubo, ''Hambani nibuye ngemuva kwemalanga lamatsatfu.'' Ngako-ke bahamba. ^{6 7} Inkhosi Rehoboam yatsatsisa kubantfu labadzala lebebasebentela Solomoni asaphila; Rehoboam watsi, ''Ningangecwayisa kutsi ngibaphendvule ngitsini labantfu?'' Bamphendvula batsi, ''Nangabe wena utoba nemusa kulabantfu ubajabulise, ukhulume kamnandzi, bayawuhlala batisebenti takho.'' ^{8 9} Kepha Rehoboam akasinakanga leseluleko salabantfu labadzala , wahamba watsatsisa kubontsanga yakhe lakhule nabo, labebakadze bamsebentela. Wabuta kubontsanga yakhe watsi, ''Ningeluleka nitsini, kuze sitawukuphendvula labantfu labatse kimi, ''Yehlisa lijoko uyihlo lasetfwesa lona'?'' ^{10 11} Bontsanga yakhe labakhula naye Rehoboam bakhuluma naye, batsi, ''Utobaphendvula labantfu labakutjele kutsi uyihlo wabatfwesa lijoko lelisindzako, kutsi wena ulehlise. Naku lokufanele ubatjele kona, ''Cilikicane wami mukhulu kunelukhalo lwababe. Ngakoke nyalo, noko babe wanetfwesa lijoke lelisindzako, mine ngitawukwengeta lijoko lenu. Babe bekakadze anishaye ngeluswebhu, kepha mine ngitonishaya ngeluswebhu labofecela.''' ^{12 13 14} Jeroboam nabobonkhe labantfu babuya kuRehoboam elangeni lesitsatfu, njengoba inkhosi beyitse, ''Nibuye kimi ngelilanga lesitsatfu.'' Inkhosi Rehoboam yakhuluma ngekukwata nalabantfu, yangakunaki kwelulekwa kwalabantfu labadzala. Wabaphendvula alandzela teluleko tabontsanga yakhe, watsi, ''Babe unetfwese lijoko lelisindzako, kepha mine ngitolingeta. Babe bekanishaye ngeluswebhu, kepha mine ngiyonishaya ngeluswebhu labofecela.'' ¹⁵ Ngakoke inkhosi ayibalalelanga labantfu, ngoba bekuyintsandvo yaNkulunkulu, kuze Simakadze atogcwalisa emavi akhe labekakhulunywe ngu-Alijah umShilonite kuJeroboam indvodzana yaNebat. ¹⁶ Ngesikhatsi Izrayeli wonkhe abona kutsi inkhosi ayikabalaleli, bantfu bamphendvula batsi, ''Sinabudlelwane buni naDavide? Asinasabelo nemsa waJesse!. Wonkhe umuntfu akabuyele ethendeni lakhe, ma-Izrayeli. Nakekela indlu yakho, wena Davide.'' Ngakoke onkhe ema-Izrayeli abuyela emathendeni awo. ^{17 18 19} Kodvwa kubantfu baka-Izrayeli labebahlala emadolobheni akaJuda, Rehoboam wababusa. Yabese inkhosi Rehoboam itfumela Adoniram, lebekabuke tekusebentisa bantfu imisebenti yebugcila, kepha sive saka-Izrayeli samgcoba ngematje waze wafa. Ngekushesha inkhosi Rehoboam yabaleka lencola yayo yaya eJerusalema. Manje-ke Izrayeli wavukela indlu yaDavide kuze kube kunamuhla.