^{1 2 3} Solomon wase utsi, ''Simakadze utse utohlala ebunyameni lobumatima, kepha mine ngikwakhele lithempeli lelihle, indzawo yakho yekuhlala kuyo phakadze. Inkhosi yabese igucuka ibusisa onkhe ema-Izrayeli lakhona, ngesikhatsi onkhe ema-Izrayeli eme ngetinyawo. ^{4 5 6} Solomoni watsi, ''Shengatsi Simakadze, longuNkulunkulu wena-Izrayeli, angadvunyiswa, yena lowakhuluma nababe wami Davide,ukugcwalisile ngesandla sakhe, atsi, 'Kusukela ngalelilanga lengakhipha ngalo sive sami eveni laseGibhithe, kute lidolobha lengalikhetsa kutotonkhe tive taka-Izrayeli tiphelele kutsi kwakhiwe lithempeli, kuze kutsi libito lami litobakhona lapho. Nobe ngikhetse umuntfu kutsi abeyinkhosana yesive sami saka-Izrayeli. Kodvwa, ngikhetse iJerusalema, kutsi libito lami libekhonakhona, futsi ngakhetsa naDavide kutsi abuse sive sami saka-Izrayeli. ^{7 8 9} 'Bekusenhlitiyweni yaDavide babe wami, kwakha indlu yelibito laSimakadze, Nkulunkulu wena-Izrayeli. Kepha Simakadze watsi kuDavide babe wami, 'Lokutsi bekusenhlitiyweni yakho kungakhela indlu yelibito lami, wente kahle kutsi kube kuwe enhlitiyweni yakho. Kodvwa, ngeke wena ungakhele indlu, esikhundleni sakho, indvodzana yakho, letochamuka engculwni yakho, itokwakha lithempeli llelibito lami. ^{10 11} Simakadze uligcwalisile limagama lalisho, ngoba ngingenile esikhundleni saDavide babe wami, ngihleti esihlalweni sebukhosi saka-Izrayeli, njengoba Simakadze bekatsembisile. Ngilakhile lithempeli lelibito laSimakadze, Nkulunkulu wena-Izrayeli. Ngilibeke khona libhokisi lesivumelwano, ngekhatsi kwalo sivumelwano saSimakadze, lasenta nebantfu bakhe baka-Izrayeli.'' ^{12 13} Solomoni wema embikweni lilati laSimakadze ebukhoneni ba-Izrayeli, waphakamisa tandla takhe. Ngoba bekakhe indzawo yekuma yelitfusi, lengemamitha lamabili nemgamu budze, nemamitha lamabili nemgamu bubanti, kanye nelimitha linye nemgamu kuya etulu. Wayakhela emkhatsini ekhatsi esibuyeni. Wema tikwayo waguca embikwayo yonkhe i-Izrayeli, wase uphakamisela tandla takhe emazulwini. ^{14 15} Wase utsi, ''Simakadze! Nkulunkulu wa-Izrayeli, kute Nkulunkulu lofana emazulwini nobe emhlabeni, wena logcina sivumelwano nelutsandvo lolutsembekile netinceku takho letihamba embikwakho ngetinhlitiyo tato letiphelele; wena lochubeke naDavide babe wami incenku yakho, wenta lowakutsembisa yena. Yebo, ukhulume ngemlomo wakho wase ukugcwalisa ngesandla sakho, njengoba kunjena namuhla. ^{16 17} Manje-ke, Simakadze, Nkulunkulu wa-Izarayeli, gcina lowakutsembisa inceku yakho Davide babe wami, ngesikhatsi utsi, 'Ngeke umeswele umuntfu embikwami loyawukuhlala esihlalweni sebukhosi saka-Izrayeli, kuphela nje umasitukulwane sakho titocaphelisa kuhamba ngemtsetfo wami, njengobe wenta bohamba embikwami.' Manje-ke, Simakadze, Nkulunkulu wa-Izrayelialigcwaliseke livi lakho, loko lowakukhuluma encekwini yakho Davide. ^{18 19 20} Kodvwa vele Nkulunkulu angahlala yini emhlabeni nebantfu? Lalela, imihlaba yonkhe netibhakabhaka tawo nelizulu ngeke setikwenele wena-lincane kanganani-ke lelithempeli lengilakhile! Kepha noko kunjalo ngicela uwuhloniphe umthantazo wenceku yakho nekuncusa kwayo, Simakadze Nkulunkulu wami; lalela kukhala nekuthantaza kwenceku yakho lekuthantaza embikwakho. Shengatsi emehlo akho angabuka lelithempeli lilanga nebusuku, kulendzawo lotsembise kubeka ligama lakho kuyo. Kwangatsi ungalalela umthantazo inceku yakho leyiwuthanatzela lendzawo. ²¹ Ngakoke lalela kuncusa kwenceku yakho nekwesive saka-Izrayeli nasithantaza sibuke lithempeli. Ulalelel, ulalele usendzaweni lapho uhlala khona, nawusemazulwini; uphindze nawulalela, utsetselele. ^{22 23} Nangabe umuntfu ona akhelwane wakhe bese kudzingeka kutsi afunge, bese nangabe uta afunge embikwe lilati lakho kulendlu, mulalele usemazulwini bese uyenta. Yehlulela tinceku takho, ulahle leyonile phindze ubuyisele lelekwentile tikwayo. Usho kutsi lemsulwa ayinacala bese uyambusisa ngekulunga kwakhe. ^{24 25} Nangabe sive sakho saka-Izrayeli sehlulwe sitsa ngoba sikonile wena, bese sive sigucukela kuwe, sivume libito lakho, sithantaze, sifune umusa embikwakho ethempelini- lalela usemazulwini utsetselele sono sesive sakho saka-Izrayeli; babuyisele kulelive lowabanika lona nakubokhokho babo. ^{26 27} Tibhakabhaka nativalekile kute imvula ngoba bantfu bakonile-nangabe bathantaza kulendzawo, bavume libito lakho, bashiye sono sabo nasobashayile- lalela usezulwini utsetselele sono setinceku takho nesesive sakho saka-Izrayeli, nawubalayela indlela lekahle lokufanele bayihambe. Tfumela imvula eveni lakho, lowayinika sive sakho njengelifa labo. ^{28 29 30 31} Nangabe bahlaselwe yindlala eveni, nobe nangabe bahlaselwe sifo, nesomiso, sikhonyane, nobe titsa tihlasela emadolobha aseveni, nobe ngukuphi kugula- nangabe imithantazo nekuncusa kwentiwa ngumuntfu nobe bonkhe bantfu baka-Izrayeli-ngamunye asati lesono nebuhlungu lobusenhlitiyweni yakhe alulele tandla takhe atibhekise ethempelini. Bese uyalalela usezulwni, lolohlala khona, tsetselela, busisa wonkhe umuntfu ngalakwentile; uyayati inhlitiyo yakhe, ngoba nguwe kuphela lowati tinhlitiyo tebantfu. Kwente loku kuze bakusabe, kuze batohamba ngendlela yakho onkhe emalanga ekuphila eveni lowalinika bokhokho mkhulu babo. ^{32 33} Mayelana netihambi letingasiso sive sakho saka-Izrayeli,kepha loyo- lote ngoba uve libito lakho, nemandla esandla sakho, kanye nemkhono wakho lowelulile-eta athantaze abuke kulendlu, ngicela ubobese uyalalela usezulwini, lapho uhlala khona, wente konkhe lesihambi lesikucela kuwe, kuze bobkhe bantfu bemhlaba batokwati libito lakho bakwesabe, njengoba senta sive sakho, mhlawumbe batokwati kutsi lendlu lengikwakhele yona ibitwa ngelibito lakho. ^{34 35} Nangabe sive sakho siphuma imphi sihlasela titsa taso, nobe nguyiphi indela lobatfumela ngayo, nanangabe bathantaza kuwe babuke lelidolobha lolikhetsile, nanabathantaza babuke lendlu lengiyakhele libito lakho. Ubobese uyalalela usemazulwini imithantazo yabo, ticelo tabo, bese uyalekelela. ^{36 37 38 39} Nangabe bona kuwe- ngoba kute vele longoni-nanangabe ubatfukutselele ubanikele esitseni, kuze kutsi sibatsatse sihambe nabo nekutsi sibatfume eveni labo, kungabe kukhashane nobe kudvute. Bese nangabe kusa babona kutsi baseveni lelingasilo labo, nanangabe baphendvuka bafune umusa wakho eveni lebatfumbi babo. Nangabe batsi, 'Sente bucaba phindze sona. Sente kukhohlakala.' Nangabe babauya kuye ngetinhlitiyo tabo tonkhe nemiphefumulo yabo nabaseveni lebatfumbi babo, lapho labatfunjwe khona, nanangabe bathantaza babuke eveni lapho, lowalinika bokhokho mkhulu babo, nabathantaza babuke edolobheni lowalikhetsa, bakheke endlini lengiyakhele libito lakho. Ubobese uyalalela usemazulwini, lapho uhlala khona, ulalele imithantazo yabo nekuncusa kwabo, ubalekelele endleleni yabo. Utsetselele bantfu bakho, labonile kuwe. ^{40 41 42} Manje-ke Nkulunkulu wami, ngiyakuncenga, emehlo akho akavulele, netindlebe takho ativisise umthantazo labawusho kulendzawo. Manje-ke phakama, Simakadze Nkulunkulu, endzaweni yakho yekuphumula, wena nelibhokisi lesivumelwano semandla akho. Yenta bapristi bakho, Simakadze Nkulunkulu, bambatse insindziso, nalabo labakholwako bajabule emuseni wakho. Simakadze Nkulunkulu, ungamvumeli wakho logcotjiwe akufulatsele. Ubohlale ukhumbula tento takho tesivumelwano sekutsembeka lowasenta kuDavide, inceku yakho.''