¹ Ngako-ke Solomoni watfumela kutsi bakhe indlu yelibito laSimakadze kanye nekwakhiwa kwesigodlo sebukhosi bakhe. ² Solomoni wabeka emadvodza langemashumi lasikhombisa etinkhulungwane kutsi abe ekutfwala imitfwalo, nemadvodza langemashumi lasiphohlongo etinkhulungwane kutsi bagubhe bajube ematje entsabeni, kanye na3,600 wemadvodza utsi abe tindvuna. ³ Solomoni watfumela umlayeto loya kuHirami inkhosi yaseTyre lotsi, ''Njengoba wenta nakubabe wami Davide kumtfumelela tingodvo temsedari tekwakha indlu yakhe, nami ngentele kanjalo. ⁴ Buka ngilungela kwakha indlu yelibito laSImakadze Nkulunkulu wami ngiyakhela Simakadze , kutsi kushiselwe imphepho lenuka tinongo letimnandzi, nekutsi yekubeka sinkhwa lesingcwele, kanye neminikelo yekushiswa ekuseni nasentsambama, nangeSabatha kanye nangekwetfwasa kwetinyanga, nangemikhosi lemisiwe yaSimakadze Nkulunkulu wami. ⁵ Lendlu lengitoyakha itoba yinkhulu kakhulu ngoba Nkulunkulu wetfu naye mukhulu kunabonkulunkulwana. ^{6 7} Kodvwa ngubani longakhona kwakhela Nkulunkulu indlu ngoba umhlaba wonkhe ngisho nelizulu lona lingamenela yini Nkulunkulu? Ngingubani mine kutsi ngingakhela yena indlu, ngaphandle kwekutsi ngishise nje iminikelo yakhe? Ngako-ke ngitfumelele umuntfu loyingcweti kutekwakha ngeligolide, nelisiliva, nelitfusi, nensimbi