¹ Hezekiya wacala kubusa aneminyaka lengemashumi lamabili nakuhlanu budzala; wabusa iminyaka lengemashumi lamabili nemfica abusela eJerusalema. Libito lenina bekungu- Abiya indvodzakati yaZakhariya. ² Hezkiya wenta lukuhle emehlweni aSimakadze, njengobe kwakwenta babe wakhe Davide. ³ Ngemnyaka wekucala enyangeni yekucala yekubusa kwakhe, Hezekiya wavula iminyango yelithempeli laSimakadze wayakha kabusha. ⁴ Wangenisa baphristi nemaLevi, wabahlanganisela ebaleni ngasemphumalanga. ⁵ Watsi kubo," MaLevi, lalelani lapha kimi! Tingcweliseni, bese ningcwelisa nelithempeli laSimakadze, Nkulunkulu wabo yihlomkhulu. Susani konkhe lokngcolile endzaweni lengcwele." ⁶ Bobabemkhulu betfu bebangakatsembeki , benta lokubi emehlweni aSimakadze Nkulunkulu wetfu, bamfulatsela, besusa buso babo endzaweni lapho kuhlala khona Simakadze, bamfulatsela. ⁷ Baphindze bavala neminyango yemhubhe bacisha netibane. Abatange bayishise imphepho nome bente umnikelo wekushiswa endzaweni lengcwele yaNkulunkulu wema Israyeli. ⁸ Ngako intfukutselo yaSimakadze seyehlele etikwa Juda nase Jerusalema, sewubente baba sesabiso, nentfo yekutfutfumelisa kanye neyekuhlekisa, njengoba nibona nani ngemehlo enu. ⁹ Kungako nje bobabe betfu sebabulawe ngenkemba, nekutsi emadvodzana etfu, nemadvodzakati etfu kanye nebafati betfu sebatfunjiwe. ¹⁰ Manje sengitimisele enhlitiyweni yami kwenta sivumelwano naSimakadze, Nkulunkulu wema-Israyeli, kuze kutsi intfukutselo yakhe leyesabekako itewusuka lapha kitsi. ¹¹ Madvodzana ami ,ningacali nibe ngulabavilaphako nyalo, ngobe Simakadze unikhetsile kutsi nime embikwakhe, nimsebentele, nimkhonte futsi nibe tikhonti takhe nishise imphepho. ¹² Ngako lamaLevi avele asukuma asebenta; Mohathi indvodzana ya Amasayi kuma-Khohati, naJoweli indvodzana yaAzariya, kubase-Merari kwaba ngu Khishi, indvodzana ya Abdi, na Azariya indvodzana yaJehaleli. Kuma-Geshoni kwaba nguJowa indvodzana ya Zima,na-Edeni indodzana ya indvodzana ya Jowa; ¹³ Kutitukulwane ta-Elisafani kwaba nguShimri na Jeyiyeli. Kutitukulwane ta-Asafa kwaba ngu Zakhariya na Mathaniya. ¹⁴ Kutitukulwane ta-Hemani kwaba ngu Jehiyeli naShimeyi; kutitukulwane taJeduthuni kwaba nguShemaya na-Uziyeli. ^{15 16 17} 15 Bahlanganisa bomnakabo, batingcwelisa bona babese bayangena njengoba inkhosi yayibayalile kulandzela emavi aSimakadze kuhlambulula indl yaSimakadze,