¹ Amaziah bekaneminyaka lengemashumi lamabili nesihlanu nakacala kubusa; wabusela eJerusalema iminyaka lengemashumi lamabili nemfica. Libito lenina bekunguJehoaddan waseJerusalema. ² Bekenta lokuhle emehlweni aSimakadze, kodvwa hhayi ngenhlitiyo lephelele. ³ Kwatsi nje ngekushesha ngesikhatsi umbuso wakhe socinile, Amaziah wabulala letisebenti letabulala uyise. ⁴ Kodvwa akababulalanga bantfwana baletisebenti, walandzela umtsetfo lowabhalwa nguMoses kutsi Simakadze bekatse, ''Bobabe abangafeli bantfwababo, nebantfwana abangafeli boyise babo. Kodvwa umuntfu akafele tono takhe.'' ⁵ Tikwaloko, Amaziah wahlanganisa sonkhe sive sakaJuda kanye kanye, wababhalisa ngetibongo tabo, wababhalisa ngephasi kwetindvuna tetinkhulungwane kanye nangephasi kwetidvuna temakhulu onkhe emaJuda kanye nebakaBenjamini. Amaziah wase ubala bonkhe labadvuna labasukela eminyakeni lengemashumi lamabili nakunye budzala kuya etulu, watfola 300,000 wamadvodza lalungela imphi, futsi langakhona kuphatsa sikhali nelihawu. ⁶ Amaziah wacasha tingwazi leti 100,000 taka-Izrayeli wabhadala ngelisiliva lelilinganiselwa ku 3,300 wemakilo sisindvo. ⁷ Kodvwa inceku yaNkulunkulu yeta kuye Amaziah yafike yatsi, ''Nkhosi, ungahambi kanye nalelibutfo laka-Izrayeli ngoba Simakadze akekho e-Izrayeli; akekho kulabantfu baka-Ephraim. ⁸ Kodvwa noma ungahamba nalo lelibutfo lifike libe nesibindzi nemandla emphini, Nkulunkulu utokuwisa phasi embikwesitsa, ngoba Nkulunkulu unemandla ekusita, kanye nemandla ekuhlulekisa.'' ⁹ Amaziah waphendvula wabuta kulenceku yaNkulunkulu watsi, ''Kodvwa sitokwentanjani ngalelisiliva lesisindvo lesilinganiselwa kumakhilo langu 3,300 lengilinike lelibutfo laka-Izrayeli?'' Inceku yaNkulunkulu yamphendvula yatsi, ''Simakadze angakunika lokunyenti kunaloko.'' ¹⁰ Ngakoke Amaziah walisusa lelibutfo lelibuya ka-Ephraim; walibisela emuva emakhaya. Lelibutfo latfukutsela kakhulu ngalesento semaJuda, lelibutfo lajika likwate kakhulu. ¹¹ Amaziah wacunga sibindzi wahola sive sakhe baya esigodzini saseSalt; kulapho khona afike wabulala tinkhulungwane letilishumi temadvodza aseSeir. ¹² Lamabutfo akaJuda atfumba emadvodza latinkhulungwane letilishumi laphilako. Lanyuka nalamadvodza laya nawo esicongweni sentsaba lapho khona lafike lajikijela phasi lamadvodza kuze baphuke babe tincetu. ¹³ Kodvwa lamadvodza lajikiswa ngu Amaziah kutsi angahambi naye emphini, abese ahlasela emadolobha akaJuda kusukela eSamaria kuya eBeth Horon. Lamadvodza abulala tinkhulungwane letintsaatfu tebantfu ase abutsa imphango lenyenti. ¹⁴ Manje kwatsi emvakwekutsi Amasiya nakabuya kuyobulala baka Edomu, wabuya netithico tebantfu baseSeriyi, wafike watimisa kutsi tibe tithico takhe. Wakhotsama phambi kwato watishisela nemphepho. ¹⁵ Ngako lulaka lwa Simakadze lwamvutsela Amasiya, Simakadze watfumela umprofethi kuye wafike watsi, '' leni ufune tithico tebantfu letehluleke kubasindzisa etandleni takho?" ¹⁶ 16Kwatsi nje umprofethi asakhuluma naye, iNkhosi yatsi kuye," Ngabe sesikubeke kutsi ube ngumeluleki weNkhosi yini? Mani! Ungabulawe lani kodvwa? Ngako lomphrofethi wase uyema wase utsi, "Mine ngiyati kutsi Nkulunkulu sewuncume kukubhubhisa wena ngoba wente loku wangete wasilalela seluleko sami." ¹⁷ 1Emvakwe - kuba Amasiya iNkhosi yaka Judah asatsintsene nebeluleki watfumela titfunywa ku Jehoyashi,umsa waJehoyahazi, umsa waJehu, iNkhosi yaka -Israyeli, watsi, "Buya, nginibita insayeya sitewubhekana buso nebuso emphini," ^{19 18} Kodvwa Jehoyashi inkhosi yaka-Israyeli watfumela titfunywa ku Amaziya inkhosi yaka Juda watsi: " sihlahla sesitfwetfwe saseLebanoni satfumela umlayeto kumsedari waseLebanoni lotsi ,"Yendzisela umsa wami lentfombi yakakho; kodvwa silwane sesiganga saseLebanoni seta safika sagcobagcoba lesihlahla sesitfwetfwe.19 Utse, Buka, ngihlasele ngabhubhisa laka Edomu futsi nenhlitiyo yakho seyiphakeme. Soyatigabatisa ekuncobeni kwakho, kodvwa hlala ekhaya, utibitelelani kuhlupheka, utidvonsele kuwa kwakho, kanye nekwesive saka Juda? ²⁰ 20 Kodvwa Amasiya abengafuni kulalela, ngobe loku bekuchamuka ku Simakadze, ngako abengahle abeke bantfu bakaJuda esandleni tetitsa tabo, ngobe babefune seluleko esithicweni saseEdomu. ²¹ Ngako Jehoyashi, inkhosi yaka Israyeli, wahlasela; Jehoyashi na Amasiya, inkhosi yaka Juda, babhekaka buso nebuso emphini yase Bhethi Shemeshi kulaka Juda. ²² Juda walahlwa phansi baka Israel kwaba nguleyo naleyo ndvodza yabalekeya ethendeni layo. ²³ 23 Jehoyashi, inkhosi yaka Israyeli, wabamba Amasiya umsa waJowashi, labetalwa ngu Ahaziya inkhosi yaka Juda, eBhethi Shemeshi. Wamtfumba wamyisa eJerusalema, wafike wadzilita lubodza lolwalutungelete iJerusalem kusukela eSangweni laka -Efrayimu kuze kuyewufika eSangweni lelikona, indzawo leyayingaba makhulu lamane ngebudze. ²⁴ 24 Watsatsa yonkhe igolide nesiliva, nako konkhe lakukhandza ethempelini la Simakadze letasisesandleni sa Obed-edomu kanye nengcebo yasesigodlweni, watfumba nebantfunjwa futsi wabese ubuyela eSamariya. ²⁵ Umsa waJowashi, inkhosi yaka Juda, waphila iminyaka lelishumi nakuhlanu emvakwekufa kwaJehoyashi inkhosi yaka Israyeli. ²⁶ Leminye yemininingwame lecondzene na Amasiya kusukela ekucaleni kuye ekugcineni, Buka, ibhaliwe yini encwadzini yemilandvo yemakhosi aka Juda newaka- Israyeli? ²⁷ Manje kusukela esikhatsni lajika ngaso Amasiya ekulandzeleni Simakadze, bakha luzungu ngaye eJerusalem. Wabaleka waya eLakhishi, kodvwa batfumela emadvodza amcosha afike ambulalela khona eLakhishi, ²⁸ Wabuya asatfwelwe ngelihhashi watawufihlwa emathuneni aboyisemkhulu wakhe eDolobheni laka Juda.