¹ Bantfu baka Juda base batsatsa Uziya, labeneminyaka lelishumi nesitfupha budzala, bambeka kutsi abe yinkhosi esikhundleni sababe wakhe Amasiya. ² Nguye lowakha kabusha i-Elathi wayibuyisela kaJuda. Emvakwaloko inkhosi yase iyakhotsama. ³ Uziya abeneminyaka lelishumi nesitfupha budzala nakacala kubusa. Wabusa iminyaka lengemashumi lasihlanu nakubili abusela eJerusalema. Libito lenina wakhe bekungu Jekoliya wase Jerusalema. ⁴ Uziya wenta lokuhle emehlweni aSimakadze, njengobe uyise Amasiya abentile. ⁵ Wafuna Nkulunkulu ngemalanga ekuphila kwa Zakhariya, lowamfundzisa kwesaba Nkulunkulu. Ngesikhatsi asafuna Simakadze,Nkulunkulu wamphumelelisa. ⁶ 6Uziya wahamba wayakulwa nemaFilisti. Wabhidlita tibondza tase Gathi, netaseJabne kanye netase Ashdodi; Wase wakha emadolobha labesedvutane ne-Ashdodi nakuletinye tindzawo emkhatsini wema Filisti. ⁷ Simakadze wamsita ekuhlaseleni kwakhe emaFilisti nema Arabu labehlala eGuri Bhali, wamsitanasekuhlaseleni emaMehuni. ⁸ Ema-Amoni aletsa titfulo ku Uziya,ludvumo lwakhe lwandza, lwate lwafika ngisho emnyeleni waseGibhithe ngobe abesanemandla kakhulu. ⁹ Lokunye, Uziya wakha imibhoshongo eJerusalema eSangweni lelikona naseSangweni Lesigodzi kanye nasegunjini lelubondza, wayicinisa yaba yinqaba. ¹⁰ Waphindze wakha leminye imibhoshongo ehlane wemba nemitfombo leminyenti, ngobe abenemihlambi leminyenti emaceleni kwetintsaba nasematsafeni. Abenebantfu labasebenta emasimini, nasetivinini takhe etintsabeni kanye nasetindzaweni letivundzile, ngobe abetitsndza tekulima. ¹³ Futsi Uziya abenemabutfo emadvodza emphi , labephuma aye emphini aphume ngeticheme ngebunyenti bawo njengekubutfwa kwawo nguJeyiyeli, labengumabhalane naMaseya,indvuna leyayingaphnsi kwaHananiya, lomunye wetindvuna tenkhosi. ¹¹ Baholi bemindeni sebabonkhe lababehola lamabutfo bebatinkulungwane letimbili nemakhulu lasitfupha. ¹² Ngaphansi kwesandla sabo bebahola imphi letigidzi letintsatfu netinkulungwane letisikhombisa nemakhulu lasihlanu emadvodza labececeshelwe kulwa timphi, bangemabutfo lanemandla lamakhulu ekusekela nekuvikela inkhosi etitseni tayo. ¹⁴ Uziya wawalungiselela imphi okhe lamabutfo - walungisa emahawu, netikhali, netimphantitje, nemabhantji emphi, nebutjoki kanye nematje etidubulelo. ¹⁵ Lapha eJerusalema wakha imishini leyayisungulwe bochwephesha kutsi isetjentiswe emibhoshongweni nasemakoneni ekuvimba titsa ngekudubula butjoki iphindze igicitele khona ematje lamakhulu. Ludvumo lwakhe lwandza watiwa nasetindzaweni letikhashane, ngenca yekutsi bamsita kakhulu waze waba nemandla. ^{16 17 18} 16 Kodvwa kwatsi kube Uziya abe nemandla, kutikhukhumeta kwakhe kwamdvonsela eweni, akazange etsembeke ku Simakadze Nkulunkulu wakhe;wangena ethempelini laSimakadze washisa imphepho elatini lemphepho. 17 Azariya, umphristi , wamlandzela kanye nalabanye baphristi baSimakadze lababenesibindzi labamashumi labasiphohlongo. Bamekhuta batsi akukafaneli kutsi wena Uziya ushise imphepho kuSimakadze, loko kumele kwentiwe baphristi, labatitukulwane ta-Aroni labakhetselwe kushisa imphepho. Suka lapha endzaweni lengcwele, ngobe awuketsembeki futsi angeke akubusise Simakadze. ^{19 20} 19 Ngako Uziya watfukutsela kakhulu. Abephetse sitja sekushisa imphepho esandleni sakhe. Watsi asatfukutselele baphristi, wamilwa sifo sebulephelu lapha ebuntini lakhe embikwe baphristi ethempelini laSimakadze embikwalelilati lekushisa imphepho, 20 Azariya umphristi lomkhulu nabo bonkhe baphristi bamubuka, base babona kutsi sonesifo sebulephelu ebuntini lakhe bavele bamkhiphela ngephandle ngekushesha. Empheleni naye washeshisa waphumela phandle ngobe Simakadze abesamshayile. ²¹ Uziya, inkhosi yaba nalesifo sebulephelu kwaze kwaba lilanga lakafa ngalo futsi besekahlala endlini yakhe yedvwa ngobe anebulephelu, wamiswa ngisho kuya ethempelini laSimakadze. Jothamu indvodzana yakhe labesengamele sigodlo sekunguye nalobusa sive eveni. ^{23 22} Leminye imininingwane ngekubusa kwa-Uziya ,kusukela ekucaleni kuye ekugcineni ibhalwe ngumphrofethi Isaya indvodzana ya Amosi. 23 Uziya wakhotsama,wafihlwa kuboyisemkhulu eceleni kwendzawo yekufihla emakhosi, ngobe bakhuluma batsi, "Abenesifo sebulephelu" Jothamu indvodzana yakhe waba yinkhosi esikhundleni sakhe.