¹ Joash bekaneminyaka lesikhombisa nakacala kubusa; wabusela eJerusalema iminyaka lengemashumi lamane. Libito lenina kwakunguZibiah waseBeersheba. ² Joash wenta lokuhle emehlweni aSimakadze onkhe emalanga ekuphila kwempristi Jehoiada. ³ Jehoiada watsatsa bafati lababili, watala emadvodzana nemadvodzakati. ⁴ Kwatsi emvakwaloko, Joash wakhetsa kuvusetela indlu yaSimakadze. ⁵ Wabutsanisa ndzawonye bapristi nemaLevi, wase utsi kibo, ''Minyaka yonkhe hambani niye emadolobheni akaJuda nibutse imali esiveni yekuvusetela lithempeli laNkulunkulu. Loku kwenteni masinyane. EmaLevi akakwentanga loku ekucaleni. ⁶ Ngakoke inkhosi yabita Jehoiada umpristi lomkhulu yatsi kuye, ''Awukawatjeli ngani emaLevi kutsi aletse umtselo lophuma kumaJuda kanye naseJerusalema, aletse umtselo lowasungulwa yinceku yaNkulunkulu Mose kanye nenhlangano yema-Izrayeli kutsi kube yimali yelithende lesivumelwano?'' ⁷ Ngoba emadvodzana a-Athaliah lomfati lokhohlakele bekayibhidlitile indlu yaNkulunkulu, batsatsa tonkhe timphahla letingcwele telithempeli laSimakadze batinika Baal. ⁸ Ngakoke inkhosi yatsi akwakhiwe libhokisi libekwe ngasekungeneni kwendlu yaSimakadze. ⁹ Kwase kukhishwa simemetelo kaJuda naseJerusalema, kutsi bantfu kufanele baletse imitselo kuSimakadze, imitselo leyasungulwa nguMose inceku yaNkulunkulu ngesikhatsi ema-Irayeli asehlane. ¹⁰ Bonkhe baholi nesive bayiletsa imali ngekujabula bayifaka kulelibhokisi laze lagcwala. ¹¹ Kwakwenteka kutsi njalo nje uma emaLevi aletsa lelibhokisi etindvuneni tenkhosi, titsi tindvuna natibona kutsi imali yinengi ngekhatsi, babhalane wenkhosi kanye nempristi lomkhulu bebeta batfulule lelibhokisi bese balibisela endzaweni yalo. Loku bakwenta emalanga alandzelana, babutsa incumbi yemali. ¹² Inkhosi kanye naJehoiada bebaniketa labo labasebenta imisebenti yasendlini yaSimakadze. Bacasha bakhi kanye nebabati kutsi bavusetele indlu yaSimakadze, kwacashwa nalabo labasebenta ngensimbi nangelitfusi. ¹³ Ngakoke lamadvodza asebenta, futsi nemsebenti wekuvusetela bewubukwe ngiwo, abisela indlu yaNkulunkulu esimeni sayo sasekucaleni phindze bayicinisa. ¹⁴ Nasebacedzile, bamikisa imali lesele enkhosini nakuJehoiada. Ngalemali kwakhiwa timphahla tendlu yaSimakadze kanye netintfo letisentjetiswa kwetfula nekubeka iminikelo-kwekukha kanye netintfo teligolide nelisiliva. Bebetfula iminikelo yekushiswa endlini yaSimakadze onkhe emalanga ekuphila kwaJehoiada. ¹⁵ Jehoiada waguga waphila emalanga lamadze, wase uyafa; bekaneminya 130 budzala ngesikhatsi ashona. ¹⁶ Bamungcwaba edolobheni laDavide kanye nemakhosi ngoba bekente lokuhle ka-Izrayeli, nakuNkulunkulu kanye nasendlini yaNkulunkulu. ¹⁷ Ngemuva kwekufa kwaJehoiada, baholi bakaJuda beta batovusela inkhosi. Yabalalela inkhosi labaholi. ¹⁸ Bayishiya indlu yaSimakadze lobekanguNkulunkulu wabokhokho babo, basuka bayokhonta bonkulunkulwana bo-Asherah kanye netithico. Lulaka lwaNkulunkulu lehlela tikwemaJuda naseJerusalema ngenca yesono sabo. ¹⁹ Noko kunjalo Nkulunkulu watfumela baprofethi kutsi kubuyiswe sive sakhe kuye; baprofethi bakhuluma ngekona kwebantfu kodvwa bala kulalela. ²⁰ Umoya waNkulunkulu wehlela kuZechariah indvodzana yaJehoiada umpristi. Zachariah wema embikwesive watsi esiveni, ''Nkulunkulu utsi: Niyiphuleleni imitsetfo yaSimakadze, ngiko ningaphumeleli? Ngoba senilahle Simakade naye kanjalo sonilahlile.'' ²¹ Kodvwa sive sahlela kumbulala Zachariah; ngekukhululwa yinkhosi bamugcoba ngematje esibuyeni sasendlini yaSimakadze. ²² Inkhosi Joash yawukhohlwa umusa waJehoiada uyise waZachariah kutse bekamenteleni, ngakoke wayibulala indvodzana yaJehoiada. Zachariah watsi ngesikhatsi sekafa, ''Shengatsi Simakadze angakubona loku aninike umvuzo wako.'' ²³ Kwatsi nakuphela umnayaka ngesikhatsi imphi yema-Arama itohlasela Joash. Ema-Aram efika kaJuda naseJerusalema; babulala bonkhe baholi besive ase atfumela yonkhe imphango enkhosini yawo eDamascus. ²⁴ Noko imphi yema-Aramean beyite nelibutfo lelincane, Simakadze wanikela emabutfo lamanengi etandleni tema-Aramini ngoba emaJuda besekalahle Simakadze, Nkulunkulu wabokhokho babo. Ngalenandlela sigwebo sehliswa ma-Aramean kuJoash. ²⁵ Ngesikhatsi ema-Aramean sekahambile, Joash bekasele nemanceba lamatima. Tisebenti takhe Joash tahlela kumbulala ngenca yengati yendvodzana yaJehoiada umpritsi. Tambulalela embhedzeni wakhe wafa kanjalo; tamungcwabela edolobheni laDavide kodvwa hhayi lokufihlwa khona emakhosi. ²⁶ Laba ngulabantfu labambulala: Zabad indvodzana yaShimeath, nemfati longum-Ammon; kanye naJehozabad indvodzana yaShimrith umfati waseMoab. ²⁷ Umlandvo wendvodzana aJoash netiprofetho letimcoka ngaye, kanye nekuvusetelwa kwendlu yaNkulunkulu, konkhe kubhaliwe encwadzini lengasekho yemakhosi. Amaziah wase ubayinkhosi esikhundleni saJoash.