¹ Kwatsi gemnyaka wesikhombisa Jehoiada watsatsa sincumo kutsi asale aveta emandla akhe, wenta sivumelwano netindvuna temabutfo langemakhulu, bo-Azariah indvodzana yaJeroham, na-Ishmael indvodzana yaJehohanan, na-Azariah indvodzana ya-Obed, naMaaseiah indvodzana ya-Adaiah, kanye na-Elishaphat indvodzana yaZikri. ² Bahamba kaJuda babutsa emaLevi kuwo onkhe emadolobha akaJuda, kanye nertinhloko temindeni yema-Izrayeli, base baya eJerusalema. ³ Onkhe lamadvodza enta sivumelwano nenkhosi endlini yaNkulunkulu. Jehoiada watsi kuwo, ''Lalelani, indvodzana yenkhosi itawubusa njengobe kwasho Simakadze ngentalelwane yaDavide. ⁴ naku-ke lenifanele nikwente: Incenye yebapristi nemaLevi labeta kutosebenta ngemaSabatha atogadza iminyawo. ⁵ Lenye incenye itoba sendlini yenkhosi, bese incenye yekugcina igadza Lisango Lesisekelo. Bonkhe bantfu batawuba sesibuyeni sendlu yaSimakadze. ^{6 7} Ningavumeli muntfu anngene endlini yaSimakadze, ngaphandle kwebaPristi kanye nemaLevi lasebenta khona ethempelini. Bangangena ngoba bahlanjululiwe. Kodvwa bonkhe labanye abalalele umtsetfo waSimakadze. EmaLevi akatfolakale kutotonkhe tinhlangotsi tenkhosi, yonkhe indvodza ibe iphetse sikhali sayo esandleni. Nobe ngubani longenako endlini, akabulawe. Hlalani nenkhosi nayingena kanye nanayiphumela ngephandle.'' ⁸ Ngakoke emaLevi nawo onkhe emaJuda enta ngayo yonkhe indlela leyayishiwo ngumpristi Jehoiada. Nguloyo naloyo watsatsa akhakhe emadvodza, labo labangena emsebentini ngeSabbath, kanye nalabo labaphuma ngeSabbath emsebentini, leticheme betikhona tonkhe ngoba kute labekasikhululile umpristi Jehoiada. ⁹ Wase umpristi Jehoiada uletsa tikhali nemahawu lamancane kanye nalamakhulu labengewenkhosi Davide ahleli endlini yaNkulunkulu. ¹⁰ Jehoiada wawabeka lamabutfo, indvodza ngayinye ngayinye nesikhali sayo esandleni, kusukela ehlangotsini lesekudla selithempeli kuya ehlangotsini lesencele selithempeli, dvutane nelilati kanye nelithempeli, atungeletele inkhosi. ¹¹ Babese bakhipha lendvodzana yenkhosi, bametfwesa umchele webukhosi, bamunika nencwadzi yesivumelwano. Jehoiada nemadvodzana akhe amgcoba amenta inkhosi. Base bamemeta tasi, ''Lunwele loludze.'' ¹² Kwatsi ngesikhatsi Athaliah eva umsindvo webantfu bagijima abhalalisela badvumisela inkhosi, Athaliah waya endlini yaSimakadze, ¹³ watsi uyabuka, wabona inkhosi ime celeni kwensika emnyango, kanye netindvuna temabutfo, nemacilongo eceleni kwenkhosi. Sive sonkhe sasijabulile sishaya sifutsa emacilongo, nebahlabeleli badlala tingitali badvumisa. Athaliah wase udzabula tembatfo takhe wameta, ''Emavukelambuso! Emavukelambuso!'' ¹⁴ Wabese Jehoiada umpristi ukhipha tindvuna temabutfo lebetiphetse imphi watsi kubo, ''Mususeni kulesive; nobe ngubani longumlandzeli wakhe akabulawe.'' Ngoba umpristi bekadze atse, ''Ningambulaleli endlini yaSimakadze.'' ¹⁵ Ngakoke bamubamba Athaliah bamutfwala baya naye ekungeneni kwasendlini yenkhosi, kulapho labafike bambulalela khona. ¹⁶ Jehoiada wabese wenta sivumelwano sakhe, kanye nesive, nenkhosi, kutsi batoba sive saSimakadze. ¹⁷ Sive sonkhe sasuka saya ethempelini laBaal salibhidlita. Babhidlita emalati akhe kanye netitfombe takhe taba tincetu, babulalela naMattan umpristi waBaal embikwemalati. ¹⁸ Jehoiada wabeka tindvuna tendlu yaSimakadze ngephasi kwesandla sebapristi labangemaLevi, bapristi lababekwa nguDavide endlini yaSimakadze, kutsi kube ngibo labetfula umnikelo wekushiswa kuSimakadze, njengoba kwakubhaliwe emtsetfweni waMose, ngekujabula nangekuhlabelela , njengoba Davide ayelayetele. ¹⁹ Jehoiada wase umisa bogadze emasangweni endlu yaSimakadze, kuze kutsi kubebete umuntfu longcolile nganobe nganguyiphi indlela longenako. ²⁰ Jehoiada wabutsa tindvuna temabutfo emakhulu, kanye netikhulu, nebaholi, kanye nesive sonkhe saka-Izrayeli. Wehlisa inkhosi endlini yaSimakadze; sive sangena ngelisango lelingenhla endlini yenkhosi base bahlalisa inkhosi esihlalweni sebukhosi. ²¹ Ngakoke sive sonkhe sajabula, nelidolobha lase liyathula. Indzaba ya-Athaliah, bambulala ngenkemba.