¹ Bantfu baseJerusalema babeka Ahaziah tfunjana waJehoramu kutsi abe yinkhosi esikhundleni seyise, ngenca yekutsi ema-Arab nakabahlasela abulala onkhe emadvodzana akhe lamadzala. Ngakoke Ahaziah indvodzana yaJehoramu , wabese uba yinkhosi yakaJuda. ² Ahaziah bekaneminyaka lengemashumi lamabili nakubili nakacala kubusa; wabusela eJerusalema umnyaka munye. Libito lenina kwakungu-Athaliya; bekayindvodzakati ya-Omri. ³ Naye Ahaziah wahamba ngetindlela tebantfu bendlu ya-Ahab ngoba unina bekangumeluleki wakhe ekwenteni tintfo letimbi. ⁴ Ahaziya wenta lokubi emehlweni aSimakadze, njengoba kwakwenta bendlu ya-Ahab, ngoba bendlu ya-Ahab kwabangibo baluleki bakhe ngemuva kwekufa kweyise, bamyisa ekufeni kwakhe. ⁵ Naye watilandzela teluleko tabo; Ahaziya wahamba naJorama indvodzana ya-Ahab, inkhosi yaka-Izrayeli kuyolwa naHazael inkhosi yase-Aram, eRamoth Gilead. Ema-Aramean abeka Joram linceba. ⁶ Joram wabuyela eJezreel kuyolashelwa khona emanceba akhe labamnika wona eRamah, ngesikhatsi alwa naHazael inkhosi yese-Aram. Ngakoke Ahaziah indvodzana yaJehoram inkhosi yemaJuda, yehla kuyobona Joram indvodzana ya-Ahab ngoba beyilimele. ⁷ Siphetfo sa-Ahaziah saletfwa nguNkulunkulu ngekusti Ahaziah ayohlola Joram. Nakefiaka Ahaziah, wahamba naJehoram kuyohlasela Jehu indvodzanayaNimshi lebeyikadze igcotjwe nguSimakadze kutsi abhubhise indlu ya-Ahab. ⁸ Kwatsi ngesikhatsi Jehu asafeza sijubo saNkulunkulu ngendlu ya-Ahab, Jehu wakhandza tikhulu yakaJuda kanye nemadvodzana emnakabo-Ahaziah asebentela Ahaziah. Jehu wababulala bonkhe. ⁹ Wabese Jehu ufuna Ahaziah; bamtfola abhace eSamaria babuya naye kuJehu, base bayambulala. Bamungcwaba, ngoba bebatse, ''Indvodzana yaJehoshaphat lena, lowafuna Simakadze ngayoyonkhe inhlitiyo yakhe. Ngakoke indlu ya-Ahaziah yaphelelwa ngemandla ekubusa. ¹⁰ Ngesikhatsi Athaliah unina wa-Ahaziah atfola kutsi indvodzana yakhe seyifile, wasukuma wayobulala bonkhe bantfwana bebafana ebukhosini endlini kaJuda. ¹¹ Kodvwa Jehosheba indvodzakati yenkhosi, yeba Joash indvodzana ya-Ahaziah wamsusa kulamadvodzana enkhosi labese atowubulawa. Jehosheba wamfaka ekamelweni lekulala kanye nesidzandzane sakhe Joash. Ngakoke Jehosheba indvodzana yenkhosi Jehoram, umfati wempristi Jehoiada (ngoba bekangudzadze wa-Ahaziah), wakhona kumfihlela Athaliah kuze kutsi angambulali. ¹² Joash bekakanye nabo babhacile endlini yaNkulunkulu iminyaka lesitfupha ngesikhatsi Athaliah abusa live