¹ Jehoshaphat wase uyakhotsama wafihlwa edolobheni laDavide; Jehoram indvodzana yakhe, yase ibayinkhosi esikhundleni sakhe. ² Jehoram bekanabomnakabo, labatalwa nguyise: bo-Azariah, naJehiel, naZechariah, na-Azariahu, naMichael, kanye naShephatiah. Bonkhe laba bekungemadvodzana aJehoshaphat, inkhosi yaka-Izrayeli. ³ Uyise abebaphe tipho letinengi telisiliva, neligolide, kanye nalokunye lokuligugu, kanye nemadolobha latincaba akaJuda, kepha umbuso wawunika Jehoram. ⁴ Kwatsi ngesikhatsi Jehoramu sekatinte kahle esihlalweni sebukhosi seyise sekunguye kahle inkhosi, wabulala bonkhe bomnakabo ngenkemba, kanye naletinye tikhulu taka-Izrayeli. ⁵ Jehoramu bekaneminyaka lengemashumi lamatsatfu nakubili budzala nakacala kubusa, wabusa eJerusalema iminyaka lesiphohlongo. ⁶ Jehoram wahamba etinyatselweni temakhosi aka-Izrayeli, njengobe bekwenta bendlu yaka-Ahab, ngoba bekatsetse indvodzana ya-Ahab njengemfati wakhe, wenta lokubi embikwaSimakadze. ⁷ Noko kunjalo, Simakadze akafisanga kuyibhubhisa indlu yaDavide, ngenca yesivumelwano bekasente naDavide; bekatsembise kutsi uyohlala aletsa sibane kuDavide kanye nentalelwane yakhe. ⁸ Ngesikhatsi sembuso waJehoramu, baka-Edomu bavukela kuphatfwa bakaJuda, base batibekela yabo inkhosi letobabusa. ⁹ Wabese Jehoram uyewela netindvuna takhe temphi kanye natotonkhe tincola takhe temphi. Bekusebusuku nakatovuka alwe nema-Edomites lebekakadze amvimbetele kanye netindvuna tetincola takhe. ¹⁰ Kuze kube kunamuhla ema-Edomites solo alwela kungaphatfwa bakaJuda. NebaseLibnah nabo bavukela kuphatfwa nguJehoramu, ngoba Jehoramu bekalahle Simakadze, Nkulunkulu wabokhokho babo. ¹¹ Kungeta kuloku, Jehoram besekakhe netindzawo tetithico etintsabeni takaJuda wenta nesive saphila njengetingwadla, wadukisa sive sakaJuda. ¹² Incwadzi lechamuka kumprofethi Elijah yefika kuJehoramu. Beyitsi, ''Naku lokushiwo nguSimakadze, Nkulunkulu waDavide khokho wakho, 'Ngenca yekutsi awukahambi etinyatselweni teyihlo Jehoshaphat, nobe kuleto ta-Asa, inkhosi yakaJuda, ¹³ kepha uhambe etindleleni temakhosi aka-Izrayeli, wase wenta emaJuda nesive saseJerusalema kutsi bafane netingwadla, njengobe bekwenta indlu ya-Ahab- futsi ngoba ubulele banakenu endlini yeyihlo, emadvodza labekancono kunawe, manje ¹⁴ lalela, Simakadze utoshaya sive sakho, nebantfwabakho, nebafati bakho, nakokonkhe lokukwakho utokushaya kamatima. ¹⁵ Kwawena cobo lwakho utogula sifo sasematfunjini, sente ematfumbu akho aphumele ngephandle onkhe malanga.'' ^{16 17} Simakadze wavusa butsa kumaFilisti nema-Arabhu labekadvute neKushi. Bahlasela lakaJuda, balingenela batsatsa yonkhe ingcebo yayisendlini yenkhosi. Batfumba nemadvodzana nebafati baJehoramu. Kute indvodzana lenye leyasala ngaphandle kwaJehoahaz, tfunjana wakhe. ¹⁸ Emvakwako konkhe loku, Simakadze washaya Jehoramu ngesifo lesingalapheki ematfunjini. ¹⁹ Kwatsi sekufike sikhatsi, nakuohela umnyaka wesibili, onkhe ematfumbu akhe sekaphumele ngephandle ngenca yalesifo, wabese uyafa ngenca yaso. Sive sakhe asibasanga umlilo wekumhlonipha njengoba bekwentelwa bokhokho bakhe. ²⁰ Bekacale umbuso wakhe ngesikhatsi aneminyaka lengemashumi lamatsatfu nakubili; wabusela eJerusalema iminyaka lesiphohlongo, ngesikhatsi sekakhotseme kute lowamvela buhlungu. Bamufihlela eJerusalema, kodvwa hhayi lapho kufihlwa khona emakhosi.