^{1 2} Kwatsi emvakwesikhatsi, sive saseMoab kanye nemase-Ammon, sihamba nalamanye emaMeunites siyolwa naJohoshaphat. Babese labanye baya kuJehoshaphat bamtjela, kutsi, ''Imphi lenkhulu iyeta kuwe ichamuka ngesheya kwelwandle leKufa, isuka e-Edom. Lalela, baseHazezon Tamar,'' lokuse En Gedi. ^{3 4} Jehoshaphat wetfuka wase uyatidzela ekufuneni Simakadze. Wamemetele sizilo kaJuda wonkhe. EmaJuda ahlanganyela ndzawonye atocela Simakadze; eta asuka kuwo onkhe emadolobha akaJuda. ^{5 6 7} Jehoshaphat wema embikwesive semaJuda kanye nesaseJerusalema, ethempelini laSimakadze, embikwelibala lelisha. Wase utsi, ''Simakadze, Nkulunkulu wabokhokho betfu, unguNkulunkulu nasezulwini? Nguwe lobusa yonkhe imikhosi yetive? Emandla lamakhulu asesandleni sakho, ngakoke kute longamelana nawe. Nkulunkulu wetfu, awubacoshanga bantfu labebahlala laveni kusengakafiki sive sakho sema-Izrayeli, live waliniketa situkulwane sa-Abraham? ^{8 9} Bahlala kulo bakwakhela indzawo lengcwele yelibito lakho, batsi, 'Uma kuta sehlakalo kitsi-inkemba, sijeziso, nobe sifo, nobe indlala- sitokuma embikwelithempeli, embikwakho (ngoba libito lakho lingekhatsi kulendlu), sikhale kuwe elusizini lwetfu, utobese uyasiva usilekelele.' ^{10 11} Nyalo, nawa ema-Ammonites, neMoab, kanye nebantfu basentsabeni iSeir lowala kutsi ema-Izrayeli abahalasele ngesikhatsi aphuma eGibhithe; ngakoke, ema-Izrayeli abagega akababhubhisanga. Bukani kutsi basibonga kanjani; beta kutosicosha eveni lakho lowasinika lona kutsi kube lifa letfu. ^{12 13} Nkulunkulu wetfu, angeke ubehlulele? Ngoba tsine site emandla ekubhekana nalemphi lenkhulu kangaka leta kutosihlasela. Asati kutsi sentenjani, kodvwa emehlo etfu abuke kuwe.'' Onkhe emaJuda ema embikwaSimakadze, bemanetinswane tabo, nebafati babo, kanye nebantfwana. ¹⁴ Kusachubeka umhlangano wabese umoya waSimakadze wehlela kuJahaziel, indvodzana yaZechariah, Zechariah indvodzana yaBenaiah, Benaiah indvodzana yaJeiel, Jeiel indvodzana yaMattaniah, umLevi intalelwane ya-Asaph. ¹⁵ Jahaziel watsi, ''Lalelani, nine nonkhe maJuda kanye nani lenihlala eJerusalema, nenkhosi Jehoshaphat. Simakadze utsi kini, 'Ningesabi; ningaphelelwa litsemba ngalemphi lenkhulu kangaka, ngoba kulwa akusiko kwenu, kodvwa kwaSimakadze. ¹⁶ Yehlani nibahlasele kusasa. Lalelani, bayenyuka bengca eZiz. Nitobakhandza elutsentseni lwesihosha, ningakefiki ehlane laseJeruel. ¹⁷ Kute sidzingo sekulwa lemphi. Manini ngetindzawo tenu, ninganyakati, bese nibukela kulekelelwa nguSimakadze, nine bakaJuda nebaseJerusalema. Ningetfuki ningapheli emandla. Hambani niyewubhekana nabo kusasa, ngoba Simakadze unani.'' ^{18 19} Jehoshaphat waguca wabeka buso bakhe phasi. Juda wonkhe nabobonkhe labahlala eJerusalema baguca embikwaSimakadze, bamkhonta. EmaLevi, layintalelwane yemaKohathites nemaKorahites basukumela kudvumisa Simakadze, Nkulunkulu wa-Izrayeli, bamemeta kakhulu. ²⁰ Ekuseni ngeluvivi bavuka baya ehlane laseTekoa. Basahamba, Jehoshaphat wema wase utsi, ''Lalelani, nine maJuda, kanye nani nine lenihlala eJerusalema! Tsembani Simakadze Nkulunkulu wenu, nitolekelelwa. Tsembani baprofethi bakhe, nitophumelela.'' ²¹ Nakacedza kukhuluma nebantfu Jehoshaphat, wakhomba bantfu labatohlabelela Simakadze bamdvumise ngebuhle bakhe lobunyenti basahamba bayohlasela, batsi, ''Bongani Simakadze, ngoba sivumelwano sakhe sekutsembeka sime phakadze naphakadze.'' ²² Ngesikhatsi bacala kuhlabela badvumise, Simakadze watfumela emadvodza kutsi ahlasele sive sase-Ammon, nesakaMoab kanye nebasentsebeni iSeir, labebakadze beta kutohlasela Juda. Bancotjwa. ²³ Ngoba sive sema-Ammon nemaMoab takhetsa kuyohlasela labahlala entsabeni iSeir, kuze batokhona kubacedza bonkhe. Nasebacedzile ngesive sasentsabeni iSeir, babese babulalana bodvwa. ²⁴ Ngesikhatsi emaJuda efika endzaweni lengenhla kwelihlane, Abuka kulemphi. Babona bonkhe bafile, balele phasi; kute lowakhona kubaleka. ²⁵ Ngesikhatsi Jehoshaphat nesive sakhe befika batotitapela, bafike batfola ingcebo lenengi kakhulu, netembatfo, nemibhalo lemcoka labatitsatsela yona, bekukunengi kakhulu bangakhoni nekutitfwala. Kwabatsatsa emalanga lamatsatfu kucedza konkhe, ngoba lomtapo wawumunengi kakhulu. ²⁶ Ngelilanga lesine bahlanganyela esigodzini saseBerakah. Bafike badvumisa Simakadze, libito lalendzawo ''sigodzi saseBerakah'' kuze kube kunamuhla. ^{27 28} Babese babuyela emuva, yonkhe indvodza yakaJuda neyaseJerusalema, naJehoshaphat abahola, babuyela eJerusalema ngentfokoto, ngoba Simakadze bekabente bancoba titsa tabo. Baya eJerusalema nasethempelini laSimakadze nemaluthi nemahaphu kanye nemacilongo. ²⁹ Kwesaba Nkulunkulu kwandza kuyoyonkhe imibuso yetive ngesikhatsi iva kutsi Simakadze ulwe kanjani netitsa ta-Izrayeli. ³⁰ Ngako-ke bukhosi waba nekuthula, ngoba Nkulunkulu wakhe bakamnike kuthula ndzawo tonkhe letimtungeletele. ³¹ Jehoshaphat wabusa kaJuda: Bekaneminyaka lengemashumi lamatsatfu nesihlanu nacala kubusa, wabusela eJerusalema iminyaka lengemashumi lamabili nesihlanu. Libito lenina kwakungu-Azubah, labekayindvodzakati yaShilhi. ³² Jehoshaphat wahamba etinyatselweni teyise Asa; akatilahlanga tindlela teyise; wenta lokuhle emehlweni aSimakadze. ³³ Noko kunjalo, tindzawo letiphakeme tekukhontela tithico etintsabeni atisuswanga. Bantfu bebasolo bangatibeki tinhlitiyo tabo kuNkulunkulu wabokhokho babo. ³⁴ Leminye imininingwane ngaJohoshaphat, ekucaleni nasekugcineni, ibhaliwe emlandvweni yaJehu indvodzana yaHanani, ingcinwe encwadzini yemakhosi aka-Izrayeli. ³⁵ Emvakwaloko Jehoshaphat, inkhosi yakaJuda, yakha budlelwane na-Ahaziah, inkhosi yaka-Izrayeli leyayikadze ikhohlakele kakhulu. ³⁶ Jehoshaphat wakha budlelwane naye kutsi bakhe imikhumbi baye eTarshish. Lemikhumbi bayakhela eZion Geber. ³⁷ Eliezer indvodzana yaDodavahu yase iyaprofetha ngaJehoshaphat; yatsi, ''Ngenca yekutsi utihlanganise na-Ahaziah, Simakadze sewuwubhidlitile wonkhe lomsebenti wakho.'' Lemikhumbi yabhidlika kuze ungetokuya eTarshish.