¹ Ngemnyaka wemashumi lamatsatfu nesitfupha wekubusa kwa-Asa, Baasha, inkhosi yaka-Izrayeli, yesuka yahlasela emaJuda yakha lidolobha iRamah, kuze itokhona kuvimba lophumako nobe longenako eveni la-Asa, inkhosi yemaJuda. ² Wabese Asa ukhipha lisiliva kanye neligolide lelalogciniwe ethempelini laSimakadze nasesigodlweni, wakutfumela kuBen-Hadad inkhosi yase-Aram, leyayihlala eDamascus. Asa watsi, ³ '''Akube nesivumelwano emkhatsini wami nawe, njengoba sasikhona sivumelwano nakubobabe betfu. Lalela, ngikutfumelele lisiliva neligolide. Yephula sivumelwano sakho naBaasha, inkhosi yaka-Izrayeli, kuze atosuka kimi.'' ^{4 5 6} Ben-Hadad wayilalela inkhosi Asa wase utfumela tindvuna temphi yakhe kutsi tihlasele emadolobha aka-Izrayeli. Tahlasela emadolobha i-Ijon, neDan, ne-Abel, neMaim, kanye nawo onkhe emadolobha aseNaphtali ekugcina tintfo. Kwatsi ngesikhatsi Baasha eva ngaloku, wema kwakha iRamah nemsebenti wakhe waphela. Wabese Asa inkhosi uhamba nawo onkhe emaJuda. Betfwala ematje kanye netingodvo bekuciniswa ngato lidolobha iRamah nguBaasha. Inkhosi Asa yase icinisa ngako lidolobha iGeda kanye neMizpah. ^{7 8} Ngaleso sikhatsi umboniswa Hanani waya ku-Asa, inkhosi yemaJuda, wafike watsi kuye, ''Ngoba botsembele enkhosini yase-Aram, wangatsembeli kuSimakadze Nkulumkulu wakho, umbutfo wenkhosi yase-Aram sewuphunyukile esandleni sakho. EmaCushites nemaLibyans bekungasiyo yini impi lenkhulu, netincola temphi letinengi kanye nebagibeli bemahhashi emphi? Kodvwa, ngoba watsembela kuSimakadze, wakwenta wabancoba. ^{9 10} Ngoba emehlo aSimakadze agijima wonkhe umhlaba, kutibonakalisa emandla akhe avikela labo labakholwa yena kuphela. Kodvwa wena wente intfo lebulima nyalo. Kusukela nyalo, utohlala unetimphi. Asa watfukutselela lomboniswa; wamuvalela ejele, ngoba bekamukwatisile ngalendzaba. Ngaleso sikhatsi, Asa wabese ucindzetela bantfu. ^{11 12} Buka, imisebenti ya-Asa, kusukela ekucaleni kuya ekugcineni, buka, ibhaliwe etincwadzini temakhosi akaJuda newaka-Izrayeli. Keleminyaka lengemashumi lamatsatfu nemfica yembuso wa-Asa, Asa watfola kugula etinyaweni takhe. Noko lokugula kwakumatima kakhulu, akalufunanga lusito lwaSimakadze, kodvwa wafuna lusito lwebelaphi. ^{13 14} Ngako-ke Asa wafa, wafa ngemnyaka wemashumi lamane nakunye wembuso wakhe. Wafihlwa ethuneni lakhe, lithuna latigubhela lona yena edolobheni laDavide. Bamubeka tikwelitafula leligcwele emakha kanye netinongo letehlukahlukene letakhiwe. Base babasa umlilo lomkhulu.