^{1 2} Ngemuva kwesitsembiso saNkulunkulu Davide wahlasela emaFilisti wawehlula. Davide wemuka emaFilisti iGath netigodzi tayo. Wabese uhlula naMoab, wenta emaMoabites tisebenti takhe phindze amunika imitselo. ^{3 4} Davide wabese wehlula naHadadezer, inkhosi yaseZabah eHamath, ngesikhatsi Hadadezer ahamba afaka umbuso wakhe ngasemfuleni i-Euphrates. Davide wamemuka tinkalishi letilikhulu, nebagibeli bemahhashi emphini labatinkhulungwane letisikhombisa, nemabutfo latinkhulungwane letingemashumi lamabili. Davide wajuba onkhe emahhashi etikalishi imisipha, kepha wagcina lanele emahhashi etinkalishi letilikhulu. ^{5 6} Ngesikhatsi um-Aramini waseDamascus efika kutolekelela Hadadezer inkhosi yaseZobah, Davide wabulala ema-Aramini latinkhulungwane letingemashumi lamabili nakubili. Wase Davide wakha tinkambu e-Aram endzaweni iDamascus, nema-Amini abese abatisebenti takhe amupha tipho. Simakadze bekamunika kuncoba Davide yonkhe indzawo laya khona. ^{7 8} Davide watsatsa emahawu emagolide labekaphetfwe tisebenti taHadadezer wawaletsa eJerusalema. Kusukela eTeba naseKun, emadolobheni aHadadezer, Davide watsatsa litfusi lelinengi. Lokwaba litfusi laseSolomon wakha ngalo bhesini welitfusi lobitwa ngekutsi ''Lwandle,'' netinsika, netintfo letinye telitfusi. ^{9 10 11} Ngesikhatsi Tou, inkhosi yaseHamath, iva kutsi Davide uyehlulile imphi yaHadadezer inkhosi yaseZobah, Tou wase utfumela indvodzana yakhe Hadoram enkhosini Davide kutsi iyomvusela phindze imhalalisele. Tou wakwenta loku ngoba Davide bekancobe Hadadezer, nekutsi naye Tou bekahle aya emphini naHadadezer. Tou futsi watfumela tipho letakhiwe ngeligolide nesiliva kanye nelitfusi. Inkhosi Davide watibeka eceleni letintfo entela Simakadze, kanye kanye naleligolide nelisiliva bekalitsetse kutotonkhe letive leti: e-Edom, naseMoab, sive sa-Ammon, nemaFilisti, kanye naka-Amalek. ^{12 13} Abishai indvodzana yaZeruiah yabulala tinkhulungwane letilishumi nesiphohlongo tema-Edomites esigodzini saseSalt. Abishai wabeka tinkambu ekhatsi e-Edom, onkhe ema-Edomites abatisebenti taDavide. Simakdaze bekamnika kuncoba Davide yonkhe indzwo bekaya khona. ^{14 15 16 17} Davide wayibusa wonkhe Izrayeli, bekenta lokufanele nalokuhle kubantfu bakhe. Joab indvodzana yaZeruiah abengumphatsi wemphi, beseJehoshaphat indvodzana ya-Ahilud bekunguye lobhala imilandvo yemphi. Zadok indvodzana ya-Ahitub na-Ahimelek indvodzana ya-Abiathar bekubapristi, naShavsha bekangumbhali. Benaiah indvodzana yaJehoiada bekaphetse emaKerethites nemaPelethites, nemadvodzana aDavide bekungebaluleki benkhosi.