^{1 2 3} Ngmuva kwesikhatsi Nahash, inkhosi yema-Ammon, yafa, indvodzana yakhe kwaba ngiyo inkhosi. Davide watsi, ''ngitoba nemusa kuHanun indvodzana yaNahash, ngoba neyise waba nemusa kimi.'' Ngakoke Davide watfumela titfunywa kutsi tiyawulilela Hanun ngekufa kweyise. Tisebenti taDavide tefika tangena eveni lema-Ammonites taya kuHanun, kutomdvudvuta. Kepha baholi bema-Amonites babuta Hanun kutsi, ''Ucabanga kutsi Davide uhlonipha uyihlo ngekutfumela lamadvodza kutsi atokulilela? Awuboni kutsi lamadvodza ete kutobuka kahle lelive kute batokuketula?'' ^{4 5} Ngakoke Hanun wawabamba lamadvodza, wawahhula tinwele, wajuba netembatfo tawo macondzana netibunu, wase uyawajikisa. Ngesikhatsi bamchazela Davide loku, Davide watfumela kutsi atohlangana nawo lamadvodza, ngoba bekahlazeke kakhulu. Inkhosi yatsi, ''Hlalani eJericho kuze kukhule tilevu tenu, bese niyabuya.'' ^{6 7} Kwatsi kube abone ema-Ammonites kutsi sekaliphunga lelibi kuDavide, Hanun nema-Ammonites batfumela lisiliva lesisindvo lesingu 33,000kg kutsi bacashe tincola tasemphini nemabutfo lalwa agibele emahhashi aseNaharaim, naseMaakah, kanye neZobah. Bacasha tincola letitinkhulungwane letingemashumi lamabili nakubili kanye nenkhosi yaseMaakah kanye nemphi yakhe, beta bemisa dvutane neMedeba. Abese ema-Ammonites abutsana odvwana aphuma emadolobheni awo eta emphini. ^{8 9} Ngesikhatsi Davide eva ngaloku, watfumela Joab kanye nelibutfo lakhe lonkhe lelikhulu lemadvodza. Sive sase-Ammoni saphuma sema sahlelana ngaphandle kwemasango elidolobha, nemakhosi labekakadze etile bebakanye nawo ebaleni. ^{10 11} Joab nakabona kutsi imphi ime icondzene naye ngembili nangemuva, wakhetsa letinye tetingwazi ta-Izrayeli watimisa watsi tubukane nema-Arameans. Kwase lelenye incenye yemi, wayinika umnakabo Abishai, wababeka kutsi babukane nemphi yema-Ammon. ^{12 13} Joab watsi, ''Nangabe ema-Aramini anemandla kunami, shotsi wena, Abishai, utongilamulela. Kepha nangabe imphi yema-Ammoni inemandla kakhulu kunawe, shotsi mine ngitota ngitokulekelela. Cinani, asimeni ngemandla simele sive setfu nemadolobha aNkulunkulu wetfu. ngoba Simakadze utokwenta lokuhle emehlweni akhe.'' ^{14 15} Ngakoke Joab nemabutfo emphi yakakhe basondzela emphini yabo nema-Aramini, ema-Aramini laphoceleleka kutsi abalekele imphi ya-Izrayeli. Ngesikhatsi ema-Ammoni abona kutsi emaa-Aramini abalekile, nabo babaleka babalekela Joab umnakabo Abishai babuyela emuva edolobheni. Wabese Joab uyabashiya bantfu base-Ammoni wabuyela eJerusalema. ^{16 17} Nakabona ema-Aramini kutsi bayancotjwa bancotjwa ngema-Izrayeli, batfumela titfunywa talandza ema-Aramini ngesheya kwemfula i-Euphrates, kanye naShophak umholi wemphi yaHadadezer. Ngesikhatsi Davide bamutjela ngaloku, wahlanganisa wonkhe Izrayeli kanye kanye, bawela umfula iJordan, wabakhandza. Davide wahlela kahle libutfo labukana nema-Aramini, bamhlasela Shophak. ^{18 19} Ema-Aramini abalekela ema-Izrayeli, Davide wabulala bagibeli betincola temphi labatinkhulungwane letisikhombisa nemabutfo latinkhulungwane letingemashumi lamane. Wabulala naShophak, lebekangumholi wemphi. Ngesikhatsi onkhe emakhosi lebekakadze atisebenti taHadadezer abona kutsi ahlulwe ma-Izrayeli, enta sivumelwano sekuthula naDavide aba ngephasi kwakhe. Ngakoke sive sase-Aram asizange sifune kuphindza silekelele ema-Ammonites.