¹ INo Jesu nalikwinda, wakabona mwalumi mofu kuzwa kukuzyalwa kwakwe. ² Basikwiya bakwe bakamubuzya kuti"o mwiiyi, ngwani wakabisya, oyu mwalumi na bazyali bakwe, kutiazyalwe mofu? ³ "Jesu wakataba,"tainsi bulubizi bwakwe mwalumi, nabazyali bakwe, kono kuti milimo ya leza iyubununwe mulinguwe. ⁴ Twelede kubeleka milimo yakwe oyo wakadituma nilicili sikati. Masiku alasika kwatonolikwe unga wabeleka. ⁵ Necili munyika, ndime mumuni wenyika. ⁶ Jesu nakamana kwambola namu, wakaswida ansi, wakakanda bulongo amate akwe, ⁷ wakamwambila kuti, koya, ukasambe mukaziba ka Sidoamu(ipandulula kutumwa). Mponya walulama wainka, wakasamba, okupiluka kabona, ⁸ Mponya abo bokulumbabo abo bakali kumubona kakumbila balikuteti, oyo tainsi nguwe mwalumi wali kukala okukumbila? ⁹ Bamwi bakazumina,"ngonguwewe.' Bamwi bakakaka,"Tainsi, kono ulaswana anguwe"mponya wakamba, ndendime ¹⁰ "Bakamba kulinguwe,"mponya wakabona buti?" ¹¹ Wakataba,"mwalumi witwa kuti Jesu wakakanda bulongo okundinanika bubo kumenso, okundiambila kuti'koyu ku siloamu uka sambe. 'mponya ndakazoinka okuyosamba, mponya ndakabona. ¹² Bakamubuzya kuti ino ulikuli?"wakataba, tandizi. ¹³ Bakamweta mwalumi wakali mofu kumafalisi. ¹⁴ Mwali mubuzuba bwa sabata Jesu nakakanda bulongo okujula menso akwe. ¹⁵ Mponya ape ma Falisi bakamubuzya mbwakatalika kubona. Wakamba kulimbabo,"wakabika bulongo kumenso angu, ndaka samba, mponya ino ndilabona. ¹⁶ Bamwi bafalisi bakamba kuti,Öyu muntu tazwi kuli leza kambe tabambi buzuba bwa nsabata,"bamwi bakati,Ïno muntu sicinyonyono ninga wacita buti zitondezyo zilinamu?" ¹⁷ Mponya kwakazoba kwanzana akati kabo. Mponyabakamubuzya ape mwalumi mofu,"wambola nzi alinguwe, mukujula menso oko," ¹⁸ Pele bama Juda takwe nibakashoma kuti oyu muntu wali mofu mponya wakazobona kusikila nibakazoita bazyali bakwe oyu muntu wakazobona. ¹⁹ "Bakabuzya bazyali bakwe,"Oyu ngomwana enu ngumwamba kuti wakazyalwa kali mofu? Ino mponya ubona buti?" ²⁰ Mponya bazyali bakwe bakabataba,"Tuzi kuti oyu mwana esu okuti wakazyalwa kali mofu. ²¹ Mbwa bona ino, tatuzi, ape wakamujulamenso akwe, tatuzi. Amumubuzye, muntu mupati, ulakonzya kulyambilila. ²² "Bazyali bakwe bakamba ezi zintu, kambo bakayowa ma Juda. Bama Juda bali mvwenene kale kuti kufumbwa utamwambe kuti ngu kilisitu, ula sowelwa anze e sinagogu. ²³ Kambo keci, bazyali bakwe bakamba."muntu mupati, amumubuzye. ²⁴ Mponya mucindi cabili bakamwita muntu oyu walimofu, okwamba kulinguwe,"pa bulemu kuli leza. Talizi kuti oyo muntu ngusizibi." ²⁵ Mponya oyo muntu wakataba,"tandizi kuti na ngusizibi, Cintu comwi ncezi ndalimofu, mponya ino ndila bona, ²⁶ "Mponya wakamba kulinguwe,"wakacita nzi kuliyebo? wakajula buti menso ako? ²⁷ Wakataba, "ndakamyambila kale, kono takwe nimwakamvwa! kambo nzi ncimuyanda kuti mumvwisisye ape? Yamuyandi kuti mube basikwiya bakwe anwibo, mulayanda na ²⁸ Bakamutuka okwamba kuti,"ndiwe sikwiya wakwe, swebo tuli basikwiya ba Mozesi. ²⁹ Tulizi kuti leza wakambola o Mozesi, kono tatuzi oyu nkwakazwida, ³⁰ Mwalumi wakata okwamba kuli mbabo,"Eci cilakomosya, kuti tamuzi nkwazwida, kakuli wakajula menso angu. ³¹ Tulizi kuti leza taswilili basizibi, kono kuti umwi kalipede okucita zyayanda, ulaswilizya kulinguwe. ³² Kuzwa noyakalengwa nyika takuna bunsi kwamvwika kuti umwi wakajula menso amuntu wakazyalwa kali mofu. ³³ Kambe oyo muntu tazwi kuli leza, natakakonzya. ³⁴ Bakataba okwamba kulinguwe,"wakazyalilwa muzinyonyono, mponya ulikutuisya?"Mponya bakazomusowela anze. ³⁵ Jesu wakamvwa kuti bakamutandila anze a sinagogu. Wakamujana okwamba kuti, kokuti ulashoma mu mwana o muntu?" ³⁶ Wakataba okwamba kuti, Ino ngwani, mwami, nkkokuti nkokuti ndishome mulinguwe?" ³⁷ Jesu wakamwambila kuti,Ülimubwene, ape ngonuwe ulikwambola aib>" ³⁸ Mwalumi wakati,"mwami, ndashoma,"mponya wakamukomba. ³⁹ Jesu wakamba kuti,"ndakazida kubeteka munyika muno kuti abo babona babe bofu." ⁴⁰ Bamwi ma Falisi balanguwe bakazimvwa ezi zintu okumubuzya kuti,Äswebo tulibofu?" ⁴¹ Jesu wakamba kulimbabo,"kambe muli bofu, nimutakwe cibi, kono zwa mwamba kuti,'mulabona;'mponya cinyonyono cenu cisyala kuli nwebo.