¹ 'Nchonzyo,nchonzyo, ndamba kuli yebo, oyo uta njili kwindila ku mulyango ku mjila mu mulaka we mbelele, kono utanta mujulu kwindila nzila imwi, oyo muntu mwibi ape. ² Oyo unjila kwindila ku mulyango mwembezi we mbelele. ³ Oyo ubekeka a chilyango ula mujulila. Mbelele zila mvwa jwi lyakwe, ape ula zita mbelele ama zina oku zibingila anze. ⁴ Awo azigwisya zyakwe ulainka kunembo lyazyo, mponya mbelele zila muchilila, nkambo zilizimjwimlyakwe. ⁵ Taziko chilila mwenzu kono ziyomupeyuka, kambo tazilizi ijwi lyo mwenzu,' ⁶ Jesu wakamba aka kambyo kuli mbabo, kono takwe niba kamvwisisya ezi zintu nzyali kwamba kuli mbabo. ⁷ Ape Jesu wakamba kuli mbabo, 'nchinzyo,nchinzyo, ndamba kuli ndinwe, ndime mulyango we mbelele. ⁸ Kufumbwa muntu wakaza nkesana mwibi, ape aba mulanga, kono mbelele tazika ba swilide. ⁹ Ndili mulyango, kuti umwi wanjila kwindila muli mebo, uyo futulwa, uyo za oku njila mponya oyo jana zilyo. ¹⁰ Mwibi tazi buyo ati uzida kuba, oku jaya, oku nyonyona, Ndazida kuti mube obumi, ape mube obumi bwindilila, ¹¹ Ndilimwembezi mubotu,mwembezi mubotu ulalipa bumi bwakwe ku mbelele. ¹² Mubelesi ulabadelwa tinsi mwembezi ape mbelele tinsi zyakwe. Ulabona munyama uza ulacija, oku siya mbelele, mponya munyama ulazinyamuna okuzitantamuzya kuzimwaya. ¹³ Ula chija kambo mubelesi ubadelwa ape takwe ndaba embelele. ¹⁴ Ndili mwembezi mubotu ape ndibezi bangu, abo bali ndizi. ¹⁵ Tata uli ndizi, ape amibo ndili mwizi Tata, ape ndipa bumi bwangu ku mbelele. ¹⁶ Ndile mbelele zimwi zitainsi muloyu mulaka. Ndelede kuzyeta azyalo, mponya ziyomvwa ijwi lyangu kuti zibe mulaka omwi o mwembezi womwi. ¹⁷ Nchandiyandila tata, ndilipa bumi bwangu kuti ndilbu bweze ape. Takwe ubweza kuzwa kuli mebo, kono ndilipa lwangu. ¹⁸ Ndilenguzu zyoku pa bumi bwangu, ape ndile nguzu zyo kubu bwaza. Ndatambula ma lailile kuzwa kuli Tata. ¹⁹ Kuzwangana kwakacitika akati ka ma Juda kambo ka majwi aya. ²⁰ Bunji bwabo bakati,' ule daimona ape ulisondokede, kambo nzi nimu mumuswilizya?' ²¹ Bamwi bakati, 'Aya tainsi majwi a muntu ule daimona, ninga daimona lya jula menso o mofu na? ²² Mponya cakasikila cindi cokusekelela mu Jelusalemu cakali cindi cempeyo, ²³ awa Jesu wali kwenda mu tempele mu kazila ka Solomoni. ²⁴ Ponya ma Juda bakamwiminina okuti kuli nguwe,' ulatola cindi cilamfu buti kutupa mizezo? Na ndiwe kilisitu, twa mbile awa antangalala.' ^{25 26} Jesu wakataba.' ndaka mwambila, kono tamu shomi. Misebezi nje cita muzina lya Tata wangu, ezi ziba mububoni bwa ngu. Pele tumushomi kambo tamwisi mbelele zyangu. ²⁷ Mbelele zyangu zila mvwa jwi lyangu, ndili zizi, ape zila ndi cilila. ²⁸ Ndizipa bumi butamani, taziyofwi, ape takwe uyozigwisya mu manza angu. ²⁹ Tata, waka ndipa zizyo, mupati kwinda bonse, ape takwe oyo zigwisya mu manza atala. zo ³⁰ mebo o tata tuli omwi,' ³¹ Mponya ma Juda baka bweza mabwe ape kuti ba mu potole. ³² Ma Juda baka mutaba,' tata ku potwedi milimo mibotu, kono matusi kambo yebo, o muntu, uli panga kuba leza. ³³ Jesu wakabataba,' ta cilembedwe mu mumulawo wenu, mibitu, kono matusi, kambo yebo, o muntu, uli panga kuba leza. ³⁴ Jesu wakabataba,' tacilembedwe mu mulawo wenu, ndakati muli tuleza? ³⁵ Kuti waka baita kuti tuleza, kulabo baka ziidwe majwi a leza. ³⁶ Mulamba kuli oyo Tata mba jkasala oku ba tuma munyika, mula tukana, kambo ndati ndili mwana a leza. ³⁷ Kuti na nsi citi milimp ya Tata, mutandi shomi. ³⁸ Kono ndila cita, nenga tamundi shomi, amu shomi, amu shome mu milimo kuti mu zibe oku mvwisisya kuti tata uli mulimebo ape kuti amibo ndili muli tata. ³⁹ Baka sola kumu jata ape, kapqwkaba cija kuzwa mu manza abo. ⁴⁰ Wakainka ape kutala lya Jodani kubusena nkwakali kubizya Joani okuyo kala kuya. ⁴¹ Bantu banji bakaza kulinguwe okuti,' Joani nconzyo takwe zitondezyo nzyakacita, kono zintu zyonse nzya kamba Joani alo muntu nzyo bwini. ⁴² Bantu banji baka shoma muli nguwe kuya.