¹ Jesu wakainka kucilundu ca oliva. ² Kuseni seni wakaza kutempele ape, abntu bense bakaza; wakakala ansi o kubaisya. ³ Balembi aba Falisi baketa mwanakazi wajatwa mukucita bwamu, bakamubika akati. ⁴ Mponya bakamba kulinguwe,' o mwami, oyu mwanakazi wakajatwa nalikucita bwamu. ⁵ Ino mumulawo,Mozesi wakatulailila kupoyola mabwe bantu bali namu; wambanzi alinguwe?' ⁶ Balikwamba namu mukusola kuti bajane cimwi cintu cokumutamikizya, kono Jesu wakakotama okulemba ansi ecinwe cakwe. ⁷ Nibakazwida anembo kumubuzya mibuzyo wakaima ponya wakati kuli mbabo,' umwi kati kenu utakwe cibi, abengomusungu kumufusa bbwe.' ⁸ Ape wakakotama ansi; okulemba ansi ecinwe cakwe. ⁹ Mponya nibakacivwa bakaza omwi omwi, kutalikila kumupati. Kumamanino Jesu wasyala alike, omwanakazi wabidwe akati. ¹⁰ Jesu wakakotamuka o kwamba kulinguwe,' mwanakazi, balikuli basikupa mulandu? ¹¹ Wakamba,'amibo sikupi mulandu. Koya utakaciti cibi ape.' ¹² Ape Jesu wakambola kuli mbabo, wamba,' ndime mumuni we nyika; oyo oonse ucilila mebo tayoendi mumudima pele uyoba o mumuni wobumi. ¹³ Ba Falisi bakamba kulinguwe,' ilyambilila lwako bukamboni mbwako: bukamboni bwako tabwinsi bwakasimpe.' ¹⁴ Jesu wakataba okwamba kuli mbabo, ' nekuba kuti ndalyambilila lwangu, bukamboni bwangu mbwakasimpe. ndilizi kundakazwida okundiyobuya, kono nywebo tamuzi kundakazwida o kundiobuya. ¹⁵ Mulabeteke kwindila munyama; tandibeteki naba omwi. ¹⁶ Na ndabeteka kubeteka kwangu kwamasimpe kambo tandisinsi edike, pele ndili o tata oyo wakandituma. ¹⁷ Iiyi, ape mumulawo wako cili lembidwe kuti bumboni bwabantu bobile mbwakasimpe. ¹⁸ Ndime upa bukamboni bwangu ndemwini, ape tata oyo wakandituma ngupa bumboni bwangu. ¹⁹ Bakamba kuli nguwe,"bali kuli bauso?"Jesu wakataba,"tamundizi mrbo nikuba tata; nimwakindizi mebo nimwalimuzi tata anguwe." ²⁰ Wakamba aya majwi mucitambwide nalikwisya mutempele, pele takwe omwi waka mujata kambo cindi akwe ticalinasika. ²¹ "Mponya ape wakamba kuli mbabo," ndandoinka muyondiyandola mebo ape muyofwa muzibi zyenu. Kundobuya, tamukozi kuza." ²² Ba Juda bakamba, ino uyolijaya na? cencico cambila, kundubuya tamukonzi kuza?. ²³ Jesu wakamba kuli mbabo; muzwa ansi; ndizwa kujulu, muli benyika, tadisi wenyika. ²⁴ Mponya awo, ndamwambila kuti muyofwa muzibi zyenu. Ati kuti musyome kuti ndime, muyofwa muzibi zyenu. ²⁵ Bakamba mponya kuli nguwe,"ndime ni?"Jesu wakamba kuli mbabo, zindakamba kulinwebo kuzwa kumatalikilo. ²⁶ Ndi jesi zintu zinji zyokwamba o kubeteka ali nyebo. Nikuba oyo wakandituma ngwamasimpe; ape ezintu ndazyamba ku nyika," ²⁷ Takwe nibakamvwisisya kuti walikwamba kuli mbabo zya tata. ²⁸ Jesu wakamba mwakamunyamuna mujulu mwana o muntu, nimuyoziba kuti ndime ape tandilicitili zintu lwangu. Mbonya tata mbwakamba ndisya, ndilamba zintu ezi. ²⁹ Oyo wakandituma mebo ulamibo, ape takwe nadisiya endike, nkambo mebo conse cindi ndilacita cibotezya nguwe. ³⁰ Awo Jesu nakalikwamba ezi zintu, banji bakazumina muli nguwe. ³¹ Jesu wakamba kuli abo ba Juda bakazumana muli nguwe,"kuti mwakala mujwi lyangu; ³² mponya mwamba nconzyo basikwiya bangu." ³³ Ape muyoziba kasimpe ape kasimpe kayomwangununa." Bakamutaba mubuli luzubo lwa Abulaha ³⁴ Jesu wakabataba,"nconzyo,nconzyo, ndamba kulinwebo kufumbwa oyo ucita cibi muzike wecibi. ³⁵ Bazike tabakalilili munganda kutamani; mwana ukalilila kutamani. ³⁶ Mponya ciyo, na mwana wamwangununa, muyoba akasimpe kokwangununwa. ³⁷ Ndilizi kuti Abulahamu nduzubo lwene; muyanda kundijaya mebo kambo majwi angu takwe cibaka muli nywebo. ³⁸ Ndamba eco cinti bona o tata, ape anwibo mucite cimwakamvwa kuzwa kuli bauso." ³⁹ Bakataba okwamba kuli nguwe, swebo wesu tata ngu Abulahamu."Jesu wakamba kuli mbabo,"nimwali bana ba Abulahamu, nimucita a milimo ya Abulahamu. ⁴⁰ Mponyina, inawa muyanda kundijaya mebo, mwalumi oyo wakamwambila masimpe kuti ndakamvwa kuzwa kuli leza. Abulahamu takwe nakacita eci. ⁴¹ Amucite mulimo waba uso," Bakamba kuli nguwe ⁴² Juse wakamba kuli mbabo, na leza nali uso, nimwali kundiyanda, bokuti ndakazwa kuli leza ape ndili ano; tinsi kuti ndakalizida lwangu, kono waka ndituma. ⁴³ Ino kambo zi ni mutamvwi majwi angu? ka kuti tamuvwi majwi angu. ⁴⁴ Muli bakwe uso, satani ape muyanda kucita zyayanda uso. Wali mujai kuzwa kumatalikilo o kutaima mukasimpe kambo takwe kasipe muli nguwe. Namba bubeji, wamba mububeji kuzwa mubube bwakwe kambo mubeji ape nguisi wababeji. ⁴⁵ Mponyina kambo ndambola masimpe, tamundisyomi mebo. ⁴⁶ Ngwani wenu utandipe cibi? Na ndamba masimpe, kambonzi nimutandisyomi? ⁴⁷ Oyo wakwe Leza ulamvwa majwi a leza; tamwamvwi kambo tamwinsi ba kwe leza. ⁴⁸ Ba JUda bakataba okwamba kulinguwe,"Takwe nitwakamba masimpe ati uli musamaliya okuba edaimona? ⁴⁹ Jesu wakataba, "tandikwe daimona, pele ndilamuleka tata, kono nywebo tamundilemeki. ⁵⁰ Tandiyandoli bulemu bwangu; kuli umwi uyandola o kubeteka. ⁵¹ Nconzyo, nconzyo, ndamba kuli yebo, na umwi wabamba majwi angu, tayobone lufu. ⁵² Ba Juda bakamba kulinguwe, ino twabona kuti ulijisi dimona. Abulahamu abasisimi bakafwa; kono wamba, na umwi wabamba majwi angu, takwe nayo labila lufu. ⁵³ Toinsi mupati kwinda tata wesu Abulahamu oyo wakafwa, ndime na? basisimi ambabo bakafwa. Ulipa kuti ndiweni? ⁵⁴ Jesu wakataba, na ndalilumbaizya edike, kuli lumbaizya kwangu kwabuyo; ngu tata undilumbaizya mebo-kokuti oyo ngumwita kuti nguleza wenu. ⁵⁵ Takwe nimwaka muziba, kono mebo ndilimuzi, kuti na ndamba, mebo tandimwizi, ndilaba mbuli nywebo, mubeji. Nekuba kuti mebo ndilimwizi o kubamba majwi akwe. ⁵⁶ Uso Abulahamu wakabotelwa nakabona buzuba bwangu; wakabubona okunonenwa. ⁵⁷ Ba Juda bakamba kuli nguwe,"tona kale kuba emyaka makumi osanwe o kuzyalwa, ape wakamubona Abulahamu. ⁵⁸ Jesu wakamba kuli mbabo, nconzyo, nconzyo, ndamwambila, katana Abulahamu, ndime," ⁵⁹ Mponya bakabweza mabwe o kufusa kulinguwe, kono Jesu wakayuba lwakwe okwinka anze lye tempele.