¹ Awo Jesu wazikuti ba Falisi bakamumvwa kuti wali kupanga okubbizya basikwiya babji kwiinda Joni ² (nikuba Jesu we tali kubizya, pele basikwiya bakwe mbabali kubbizya). ³ Wakasiya Judiya okupiluka ape ku Galili. ⁴ Pele cakaelede nguwe kukwinka mu Samaliya. ⁵ Awo wakasika mu dolopo lya samaliya, wali kwitwa kuti sukari, afwifwi akabaka ako jakopo nkakapede mwanakwe Josefa. ⁶ Cikala ca Jakopo cali wo. Jesu walikatede kuzwa kumusinzo okukala kumbali ecikala. lyakali sikati. ⁷ Mwanakazi musamaliya wakasika kuzoteka manzi, mponya Jesu wakamba kuli nguwe"ndipa manzi okunywa." ⁸ Nkambo basikwiya bainkide mudolopo kuyoula zyokulya. ⁹ Awo mwanakazi musamaliya wakateti kulinguwe, "momubuti kuti yebo koli mu Juda, ukambile mebo nkeli mwanakazi musamaliya, ami okunywa?"Nkambo ma Juda tabendelani ama samaliya. ¹⁰ Jesu wakataba okwamba kuti kulinguwe, "kuti kambe walizi cipo caleza, okuti ino ngwani oyo uli kwambola ayibo, ndipa ndinywe, yebo welede kumikumbila nguwe ape nakupa manzi apona. ¹¹ "Mwanakazi wakati kuli nguwe,"O mwami, tojesi cokutesya ape cikala cilamfu. Ino nkokuli he nkojisi manzi apona? ¹² Toinsi mupati, na ndiwe kwinda tata wesu Jakobo, wakatupa cikala okunywida muli ncico ngu mukamweni, mbuli bana bakwe e gombe zyakwe? ¹³ "Jesu wakataba okwamba kuti kuli nguwe,"wense unywa manzi aya ulafwa nyota ape, ¹⁴ Pele kufumbwa oyo watunywe manzi ayo ngetemupe takwe nayofwa nyota ape. Kwinda mukuti, manzi ngetemupe kayoba kasensa kamanzi muli nguwe, akunkila kubuumi butamani. ¹⁵ "Mwanakazi wakamwambila nguwe kuti,"Omwami, ndipa aya manzi kuti nketacifwi nyota ape nkentacizi ano kuzoteka manzi." ¹⁶ Jesu wakati kulinguwe, "koya, mwite mulumwako, ape mupiluke aano mponya, ¹⁷ "Mwanakazi wakataba okwambila nguwe kuti,"Tandikwe mwalumi." Jesu wakataba kuti,"Ncinzyo wamba,"Tandikwe mwalumi, ¹⁸ Nkambo walijisi balumi bisanwe ape oo ngo jesi inawa tainsi mulumi wako. Eci nciwamba masimpe, ²⁰ "Mwanakazi wakati kuli nguwe,"Omwami ndabina kuti uli musinsimi. ¹⁹ B amatata besu bakakomba muli eci cilundu, pel wamba kuti Jelusalemu ncecibakabantu ncibelede. ku kombela. ²¹ Jesu wakati kulinguwe,"Ndishoma, o mwanakazi, kuti cindi cilasika nimuyokomba tata nikuba a cilundu eci neenga mu Jelusalemu. ²² Mukomba ncimutazi. Tukomba ncituzi, nkambo lufutuko luzwa kuma Juda. ²³ Nikuba namu, cindi cilasika ape ncecico eci nawa, abakomba masimpe bayokomba tata mumuya amumasimpe nkambo tata ulangaola bantu bali namu kuti babe bamukomba. ²⁴ Leza muuya, ape bantu bamukomba belede kumukomba mumuya omu masimpe, ²⁵ "Mwanakazi wakati kuli nguwe,"Ndilizi kuti mesaya ulaza (oyo witwa zina lya kilisito) Akusika, uyo pandulula zyoonse kuli swebo," ²⁶ Jesu wakati kuli nguwe, "Ngondime ulikwambola aibo, ²⁷ Äli eco cindi basikwiya bakwe bakasika. Awo bakasukwa kambo ko kuti wali kwambola o mwanakazi, pele takwe naba womwi wakambola,"uyanda nzi?"olo kuti "Ninzi ndikwambola oyu mwanakazi, ²⁸ "Mponya mwanakazi wakasiya kaumbu kakwe kamanzi, wakapiluka ku dolopo, okwambila bantu kuti, ²⁹ "Kamuza, mubone mwalumi wakandambila zyoonse nzindakacita kale kwayanda takonzyi kuba kilisito, inga waba?" ³⁰ Bakazwa mudolopo okuza kuli nguwe. ³¹ Muli eco cindi, ba sikwiya bakamukombelezya, kabaamba kuti,Ömwiiyi, lya." ³² Pele wakati kulimbabo,"Ndilijisi co kuya ncimutazi>" ³³ Mponya basikwiya bakambozyanya kuli umwi o umwi,"Takwe olo womwi wamwetela cili coonse kuti alye, bamwetela na? ³⁴ Jesu wakati kulimbabo,"cokulya cangu ncokucita luyando lwakwe wakandituma oku maninizya mulimo wakwe. ³⁵ Pele tamwambi kuti, kucili myezi yone ape butebuzi busike? Ndilikumwambila, amulange mubone mumyunda yayuma kale kuti itebulwe! ³⁶ Oyo uli kutebila ulatebula bulumbu oku bungeka micelo yo buumi butamani, mukuti oyo ubyala o utebula basekelele antomwi. ³⁷ Mbuli mukalabi kakuti, umwi wabyala, ape umwi watebula cili masimpe. ³⁸ Ndakamutuma kuti mutebule eco ncimwatakabeleka. Bamwi bakabeleka, ape mwakanjila buyo mumilimo yabo. ³⁹ Bunji bwama samalitani muli elyo dolopo bakamushoma nkambo kejwi lyomwnakazi wali kupa bukamboni,"wakandambila zintu zyoonse ezyo nzindakacita," ⁴⁰ Mponya awo ma samalitani bakasika kukinguwe bakamukumbila kuti akale ambabo, mponya wakakala oko mazuba obile. ⁴¹ Abamwi banji banji bakamushoma kaambo kejwi lyakwe. ⁴² Bakamwambila mwanakazi kuti tatushomi nkaambo keeco nciwa kaamba, pele swebo tobeni twakalimvwida, ape tulizi kuti ncobeni oyu munununi we nyika. ⁴³ "Nikwakainda kaindi ayo mazuba obile, wakaza oko pkwinka ku Galilaya. ⁴⁴ Nkaambo Jesu nguwe wakamba kuti musinsimi talemekwi mucisi cakulibo. ⁴⁵ Mponya nakasika mu Galilaya, banagalilaya bakamutambula. Nkaambo bakabona zintu zyoonse nzyakacita mu Jelusalema ku pobwe, kaambo ambabo balinkide kupobwe. ⁴⁶ Mponya wakasika ape ku kana mu Galilaya nkwakasandula maanzi kuba waini. Kwali umwi muntu mulemu wali omwana walikuciswa ku kapenamu. ⁴⁷ Nakamvwa namu kuti Jesu wakasika kuzwa ku Judiya kuya ku Galilaya kwinka wakainda kuli Jesu okuyomukumbila kuti aze kuzoponya mwana akwe wali afwifwi okufwa. ⁴⁸ Jesu mponya wakati kulinguwe,"Ati kuti ubone zitondezyo ezi komosya, toyoshomi," ⁴⁹ Oyo muntu mulemu wakamwambila kuti, o mwami koza natana kufwa mwanangu. ⁵⁰ Jesu wakamwambila nguwe kuti, koya. mwana wako wapona."Mwalumi wakashoma jwi ndyakamwambila Jesu, mponya wakainka. ⁵¹ Nali kuyobuya ansi, babelesi bakwe bakaswanana anguwe, okumwambila kuti mwana wako wapona. ⁵² Mponya akaambo kenamu wakababuzya kuti cali ciindi nxi nakatalika kulimvwa kabotu. Bakamutaba,ïjilo mucindi cotusanu otubili kuciswa kwakamuleka. ⁵³ Mponya isi wakaziba kuti nconzyo eciya ciindi Jesu nakamwambila,"mwana wako wapona."mponya inguwe lwakwe ebeganda yakwe bakasoma. ⁵⁴ Eci ncakacita nakazwa mu judiya kuza ku Galilaya.