¹ Ino kwali oyo mufalisi walikwitwa ezina lya Nikodemas, mwendelezi waba juda. ² Oyo mwalumi wakaza kuli jesu o kwamba kuli nguwe, " mwiiyi yulizi kuti uli mwiiyi wakazwa kuli leza, kambo takwe unga wacita ezi zitondezyo zyocita ati kuti leza ulanguwe." ³ Jesu wamutaba, " kasimpe, kasimpe ati ooyo wakzyalwa cipiya, takoyobubona bwami bwa leza. ⁴ Nicodemus wakataba," ino ninga muntu wazyalwa buti kali mupati kale? Takozi kunjila lwabili mwida lya banyina okuti azyalwe, ninga wakonzya? ⁵ Jesu wakataba,"kasimpe, kasimpe, ati ooyo wazyalwa amanzi ape i muuya usalala, tayo njili mubwami bwa leza. ⁶ Cakazyalwa kunyama ni nyama, mponya cakazyalwa kumuuya muuya. ⁷ Utakomokwi kuti ezi zinda kwambila, ulelede kuzyalwa lwabili. ⁸ Luuwo lulaunga kufumbwa koluyanda; Ulamvwa muzumo, pele tamuzi ooko kuzwida na kuya. Pele mbukubede kulaabo boonse bakazyalwa ku muuya. ⁹ Nicodemus wakamutaba kwamba kuti," ino ezi zintu ziyoba buti?" ¹⁰ Jesu wakataba okumwambila, "ino uki mwiiyi wa Isilaeli pele tamuvwisisisyi ezi zintu? ¹¹ Kasimpe, kasimpe, ndamwambila, twambola zituzi, ape yulapa bukamboni kuzintu zitubona pele tamutambuli bumboni bwesu. ¹² Kuti ndamwambila zintu zyomunika pele tamundishomi, ino inga mulandisyoma buti ndamwambila zyokujulu? ¹³ Takwe muntu wakatatinde kujulu ati ooyo wakazwa kujulu-mwana o muntu. ¹⁴ Mbuli Mozesi mbwakanyamuna inzoka munkanda, omwana muntu mbwazonyamunwa, ¹⁵ Kutegwa muntu ushoma mulinguwe kuti abe abuumi butamani. ¹⁶ Mbuli leza mbwakaiyanda nyika, mbwakapa mwanakwe kuti kufumbwa ooyo uyo shoma mulinguwe tayofwidilili pele uyoba obumi butamani. ¹⁷ Mbuli leza mbwatakatuma mwana munyika kuti ape mulandu nyika, pele kuti afutule nyika kwiinda mulinguwe. ¹⁸ Ooyo ushoma mulinguwe tapedwe mulandu, pele ooyo utashomi uli pedwe mulandu kambo takwe nashoma muzina lya mwana leza. ¹⁹ Aka nkakambo ko lubeta: mumuni wasika munyika, ape bantu bakayandisisya mudima kwinda mumuni nkambo milimo yabo mibi. ²⁰ Kufumbwa ucita cibi uluusulide mumuni, mponya tasiki ku mumuni, kutegwa zibi zyakwwe zitabikwe antambalakazya. ²¹ Mukuba kuti, ooyo ucita zyenconzyo nguza kumumuni kucita kuti milimo yakwe iboneke kuti yacitwa muli leza. ²² Nikwakazwa ayo, Jesu abasikwiya bakwe bakaika kucisi ca Judiya. Ooko wakakukala ambabo kabapatizya. ²³ Mponya awo Joni anguwe wakali kubbabatizya ku Enoni kumbali oku salimu nkambo nkukwakali maanzi manji. Bantu bakali kusika kuti bazobbabatizigwe, ²⁴ ciindi eci Joni talina kusowelwa muntolongo ²⁵ Mponya bakali basikwiya ba Joni bakali kukazyanya a mujuda umwi mumakani azyakusalazya. ²⁶ Mponya bakainka kuli Joni bakati, "mwiiyi, ulya ngumwali limwi mutala lyamulonga wa Jolodani, ulya wakapa bumboni, langa, uli mukubizya, mponya beense balimukuinka kulinguwe. ²⁷ Joni wakati,"muntu takonzyi kutambula cili conse ati kuti wapegwa kuzwa kujulu. ²⁸ Nywebo ninga mwapa bumboni kuli ezi zindamba,ntandili kilisitu, ape kwiinda kuti, ndakatumwa anembo lyakwe. ²⁹ Mwanakazi uzuliwa kumwalumi. Ino mwenzinyina omwalumi, ooyu wima okumuswilizya. ula botelwa cokunonenwa akambo kejwi lyomwalumi. Mponya, awo ndakondwa liko, ³⁰ Ulukede kuyungizizya, mponya mebo ndibole aansi. ³¹ Ooyo uzwa kujulu mupati kwinda zyoonse. Ooyo uzwa anyina uzwa anyika ape wambola zyanyika. Ooyo uzwa kujulu mupati kwinda zyoonse. ³² Upabukamboni kuzintu zyakabona okunvwa kono yakwe uzumina bumboni bwakwe. ³³ Ooyo wakatambula bukamboni bwakwe ulazibisisya kuli Leza ngwa masimpe. ³⁴ Kuli ooyo Leza ngwatuma wambola majwi a Leza,kaambo tapi muuya usalala mu kupima. ³⁵ Taata uyanda mwana ape wakamupa zyoonse mumanza akwe. ³⁶ Ooyo usyoma mu mwana ulijesi buumi butamani,pele oyuutanvwidi mwana tayoboni buumi,pele bukali bwa Leza buli alinguwe.