¹ Kuzwa awo kwakaba pobwe lya ma Juda,Mponya Jesu wakainka ku Jelusalemu. ² Ino mu Jelusalemu kumbali omulyango wembelele kwali ziba, elyo mumushobo we Aramaic wikwa kuti Bbetisaida, ape walijesi zitungu zyosanwe. ³ Mwelo mupati wabantu balikuciswa, boofu, balema, ⁴ Abatakozi kwenda balilede awo. ⁵ Kwali mwalumi walikuciswa kwe myaka ili makumi otakwe emyaka ili lusele. ⁶ Ino Jesu nakamubona kalede alya, ape kuzwa awo nakayeya kuti waliwo awo kwe cindi cilamfu, wakati kulinguwe, '' ino ulayanda kuti uponisigwe?'' ⁷ Mwalumi wacisidwe wakataba, '' omwami, sikwe naba omwi watandibike muciziba manzi nacivundoka. Ndakuza, umwi ulaza nketana kusika.'' ⁸ Jesu wakati kulinguwe, '' nyamuka, bweza bulo bwako, wende. '' ⁹ Mponya mponya mwalumi oyu wakaponisizwa, mponya wakabweza bulo bwakwe okwenda. Mponya obo buzuba bwali nsabata. ¹⁰ Mponya bama Juda bakali kulinguwe bakaponisigwa, ''sunu mbuzuba bwe nsabata ape takwe niwazumizigwa kunyamuna bulo bwako.' ¹¹ Inguwe wakataba kuti,''oyo wandiponya wandambila kuti, ''nyamuna bulo bwako wende.'' ¹³ Bakabuzya kulinguwe kuti , '' ngwani oyu mwalumi wakwambila,'kuti ''nyamuna bulo bwako wende?'' ¹² Nikuba namu, oyo wakaponisigwa talizi kuti walini kambo Jesu alinkide kale muciumuzi, nkambo kwali bantu banji abusena awo. ¹⁴ Nikwakazwa awo, Jesu wakamujana mutempele wakati kulinguwe, '' bona, waponisigwa! ino utakabi noyobisya nkokuti cimwi cintu cinda awa citakacitike kuli yebo.'' ¹⁵ Mwalumi oyo wakazwa wakainka okwambila ma Juda kuti ngu Jesu wakamuponya. ¹⁶ Ino akambo kezintu ezi bama Juda bakatalika kupenzya Jesu, nkambo wakacita zintu ezi mubuzuba bwensabata. ¹⁷ Jesu wakabataba wakati,'' batate balimukubeleka nikuba alicino cindi, ape amibo, ndilimukubeleka. '' ¹⁸ Akambo ako, bama Juda bakayeya nzila yokumujaya nkambotakwe nakatyola buyo mulawo we nsabata,pele ape wakamba kuti Leza ngwisi, camba kuti ulibika mucimo comwi o Leza. ¹⁹ Jesu wakabataba, '' ncozyo ncozyo,mwana takozi kulicitila alike, ati ezyo zyabona isi zyacita, kumfumbwa isi ncaciti anguwe mwana ulacicita mbona, ²⁰ Mbonya buli isi mbwayanda mwanakwe ape okutondezya zyense ezyo inguwe zyacita. Ape ula mutondezya zintu zipati kwinda ezi camba kuti muyokomokwa. ²¹ Mbonya mbuli isi mbwabusya bafwide okubapa bumi, ape mbombubo omwana ula bumi kuli wense muntu ngwayanda. ²² Mbonya mbuli isi mbwatakwe ngwabeteka, pele wakapa bubetesi bwense kumwana. ²³ Nkokuti kufumbwa muntu utayolemeki mwana o wisi wakamutuma nkokuti tamulemeki. ²⁴ Ncozyo, ncozyo, oyo uswilila ijwi lyangu ape okusyoma oyo wakandituma ulijesi bumi butamani ape tayobekekwi, pele wayokolwa mulufu okunjizigwa mu bumi. ²⁵ Ncozyo,ncozyo, ndamwambila kuti cindi cilasika, ino kasika kale, awo bafu nibayoswilila ijwi lyo mwana Leza, ape abo baswilila bayoba obumi. ²⁶ Mbonya mbuli tate mbwali obumi mulinguwe, pele mbubonya namu wakapa kumwana kuti anguwe abe obumi mulinguwe, ²⁷ Ape isi wakapa nguzu kumwana kuti abeteke nkambo mwana omuntu. ²⁸ Mutakomokwi ecintu eci, mbonya mbukuli cindi ciyosika kokuti kufumbwa abo bali mumakumbu bayolimvwa ijwi lyakwe. ²⁹ Ape bayozwa anze : Abo bakacita kabotu bayo bikilwa bumi butamani, ape ambabo abo bakacita zibi bayobikilwa cisubulo. ³⁰ Tandikonzi kucita cimwi ilwangu. Mbuli mbondavwa,ndilabeteka, ape bubetesi bwangu bulasalala kambo tandiyobuyandoli mukuyanda kwangu pele mukuyanda koyo wakandituma. ³¹ Kuti na ndatalika kulipandulula lwangu ndemweni, bumboni bwangu tabukonzi kuba bwa masimpe. ³² Kuli omwi undipandulula, Ape ndilizi kuti bumboni mbwapa alime mbwa masimpe. ³³ Mwakatuma kuli Joni, ape wakapa bumboni bwe ncozyo. Kono bumboni obo mbondakatambula tabuzwi ku muntu. ³⁴ Ndamba zintu ezi kutegwa mufutulwe. Joni wali labi liwaka okumweka. ³⁵ Mponya mwebo mwakayanda kusekelela mu mumuni wakwe kwa kaindi kanini. ³⁶ Pele bumboni bwejesi mbupati kwinda obo bwajesi Joni, kambo mulimo batate ngibakandipa kuti ndimaninizye, njonina milimo njecita, ulindipandulula kuti tate nguwakandituma. ³⁷ Oyu tate wakandituma wakapakale bumboni bokundipandulila. Takwe nimwavwa ijwi lyakwe niciba cindi comwi ape ancico cimo cakwe tamunakucibona kuzwa lili. ³⁸ Takwe mjwi akwe mulinywebo. Kambo tamusyomi muli oyo ngwakatuma. ^{39 40} Mulayandola mu malembe nkambo muyeya kuti mulingawo mulijesi bumi butamani, ape aya malembe apa bumboni bwangu, ape tamuyandide kuza kuli mebo kutegwa mube obumi butamani. ⁴¹ Tanditambuli bulemu kuzwa kubantu, ⁴² kambo ndilizi kuti tamukwe luyando lwa Leza mukati muli nywebo. ⁴³ Ndakaza muzina lya tate, ape tamunditambwide. Kuti na umwi waza muzina lwakwe, mulikede kumutambula. ⁴⁴ Ninga mwasyoma buti, nyebo nomutambula bulemu buzwa kubezyinina pele tamuyndoli bulemu buzwa kuli Leza alike. ⁴⁵ Mutayeyi kuti mebo lwangu ndime ndiyomupa mulandu kuli tate. Mozesi oyo ngumusyoma ngwatakamupe mulamdu. ⁴⁶ Kuti na musyoma Mozesi, mulele kundisyoma,nkambo wakalemba zigama mebo. ⁴⁷ Kuti na kamusyoma mumalembe akwe, ino ninga mwakazya buti kusyoma majwi angu.