¹ Ino Pilato wakabweza Jesu okumuuma. ² Basilumamba bakasuma mushini wobumvwa. Pawo baka ubika kumutwe wa Jesu okumu zwatika cibiya cha pepo. ³ Bakaza kuli nguwe okwamba kuti, ''Wongola, Mwami wama Juda!'' ponya baka muuma. ⁴ Ino Pilato wakainka anze ape okubambila ati, ''Amubone, ndiyobumweta anze kuli nywebo kutegwa muzibe kuti takwe mulandu ngunda jana muli nguwe.'' ⁵ Pawo Jesu wakazwida anze, kazwete mushini wobumvwa E chibiya cha pepo. Pilato wakateti kuli mbabo, ''Amulange, ngoyu mwalumi!'' ⁶ Bapaizi bapati aba sikalumamba nibaka mubona buyo Jesu, bakongolola okuteti, ''Amumu kankamine, amumu kankamine!'' Pilato wakati kuli mbabo, ''Amumubweze nywebo mukamu kankamine, kambo takwe mulandu ngunda jana muli nguwe.'' ⁷ Ma Juda bakamutaba, ''Tuli jesi mulawo, ponya kwendelanya o mulawo oyo welede kufwa kambo ulyamba kuti Mwana a Leza.'' ⁸ Ino Pilato nakamvwa kambo aka wakaindilila kuyowa, ⁹ wakanjila mung'anda mpati ye mfulumende ape okwambila Jesu kuti, ''Uzwida kuli?'' Pele Jesu takwe nakamutaba. ¹⁰ Pawo Pilato wakateti kuli nguwe, ''Ninzi toli kundambozyi? Tozi kuti ndile-nguzu zyoku kuleka, ape enguzu zyoku kukankamina?'' ¹¹ Jesu wakamutaba, ''Takwe nguzu zyojesi ali mebo ati buyo ezyo zyaka pegwa kuli yebo kuzwa ku julu. Pele, oyo wakandaaba kuli yebo ngule cibi chipati.'' ¹² Kukutaba oku, Pilato wakasoleka kumwangununa, kono ma Juda bakongolola, okuti, ''Wamuleka buyo oyu mwalumi, kokuti anu toinsi mwenzinyina wa Siezar. Woonse muntu uli panga mwami wambola kukazya Siezar.'' ¹³ Ino Pilato nakamvwa majwi aya, wakatola Jesu anze oku kala muchibbula che nkuta mu busena bwitwa kuti ''Nkanzo ya mabwe,'' kono mumushobo wechi Aramaiki, ngu ''Gabbatha.'' ¹⁴ Ino bwali buzuba bokulibambila Paseka, ku ciindi che woola lyasanu akomwi. Pilato wakateti kuma Juda, ''Amubone ngoyu mwami wenu!'' ¹⁵ Bakongolola, ''Azwe, azwe; amumu kankamine!'' Pilato wakati kuli mbabo, ''Ndimu kankamine mwami wenu?'' Bapaizi bapati bakataba, ''Tatukwe umbi mwami pele Siezar.'' ¹⁶ Poonya Pilato wakamwaba Jesu kuli mbabo kuti aka kankaminwe. ¹⁷ Pawo bakamutola Jesu, wakazwida anze, kali nyamunide mpanda, kwinka ku busena bwitwa kuti ''Busena bo tupepe tobongo,'' echo citwa kuti mumushobo we chi Aramaiki ''Gologotha.'' ¹⁸ Baka mukankamina Jesu konya kuya, kumbali lyakwe kwali balumi bambi bobile, umwi ku lubazu lumbi Jesu kali akati. ¹⁹ Pilato ape wakalemba bulembo okububika ampanda. Awo bwali lembidwe: JESU OKU NAZARETA, MWAMI WA MA JUDA. ²⁰ Ma Juda banji baka bu- bala bulembo obu akambo kokuti busena kwa kankaminwa Jesu bwali afwifwi o munzi. Bulembo bwali lembidwe mu chi Aramaiki, chi Latini O mu chi Giriki. ²¹ Ponya bapaizi bapati bama Juda bakateti kuli Pilato, ''Utalembi kuti, 'Mwami wa ma Juda,' kono, 'Oyu wakamba ati, ''Ndili Mwami wa ma Juda.'''' ²² Pilato wakataba, ''Echo chindalemba chindalemba.'' ²³ Basilumamba nibaka mukankamina Jesu, baka bweza zibiya zyakwe, oku zyabanya muzi panzi zyone, chomwi-comwi ngwaya; E chibaki chakwe ape. Ino chibaki takwe nicha sumidwe, chali vwangene buyo comwi. ²⁴ Pawo bakambozyanya, ''Atatu chiyauli, kono atusowele nsolo tubone na cilaba cani.'' Echi chakacitika kuti mangwalo azulile alikuti, ''Baka lyabanya zibiya zyangu akati kabo oku sowela nsolo azizwato zyangu.'' Ezi zibakacita basilumamba. ²⁵ Ino baimvwi afwifwi E mpanda ya Jesu bali banyina, bazyalwa- nyina ba banyina, Maria muka Klopas, O Maria Magadelana. ²⁶ Pawo Jesu nakabona banyina osikwiya ngwali kuyandisya kabaimvwi afwifwi, wakateti kuli banyina, ''Mwanakazi, bona, mwanako mushimani!'' ²⁷ Mponya wakati kuli sikwiya, ''Bona, mbaba banyoko!'' Kuzwa ku woola liya sikwiya wakamutola ku nga'nda yakwe. ²⁸ Nichakainda ciindi, kazi kuti zyoonse zintu zyacitwa amangwalo kuti azulile, Jesu wakati, ''Ndafwa nyota.'' ²⁹ Chibikilo cazwide waini upapa chalibikidwe alya, ino bakanika ciponshi kacizwide waini upapa kucishomeka ku sumo okwitola ku mulomo wakwe. ³⁰ Jesu nakanywa waini upapa, wakati, ''Kwamaninina.'' Waka kotamika mutwe wakwe oku gwisya muuya wakwe. ³¹ Poonya ma Juda, kambo kokuti bwali buzuba bokulibambila, okuti mibili itasyali ampanda ciindi che Nsabata (Kambo buzuba bwe Nsabata bwali kuyandisigwa), baka kumbila Pilato kuti maulu abo atyololwe oku bagwisya. ³² Pawo basilumamba bakaza okutyola maulu omwalumi okusanguna ape awoyo wabili wakankaminidwe O Jesu. ³³ Nibakaza kuli Jesu, bakabona kuti wali fwide kale, ponya takwe nibaka mu tyolela maulu akwe. ³⁴ Nokuba namuya, umwi waba silumamba waka muyasa kubbazu E sumo, ponya buyo alya malowa amanzi akazwa. ³⁵ Oyo wakacibona echi wakapa bumboni ape bumboni bwakwe mbwa masimpe. Ulizi kuti chakaamba ca masimpe kutegwa anywibo mukashome. ³⁶ Ezi zintu zyaka citika muku zuzikizya mangwalo, ''Kutakwe olo lyomwi fuwa lyakwe liyo -tyolwa.'' ³⁷ Ape, mangwalo amba kuti, ''Bayomulanga oyo nguba kayasa.'' ³⁸ Nizyakainda buyo ezi zintu, Josefa oku Arimateya, akambo kokuti wali sikwiya wa Jesu (kono yokusisikizya akambo kobuyofu bwa ma Juda), waka kumbila Pilato kuti na ninga wakubweza mutunta wa Jesu. Pilato waka muzumizya. Ino Josefa wakaza okuutola mutunta wakwe. ³⁹ Nikodemasi awe wakaza, oyo ku kusanguna wakainka kuli Jesu masiku. Waketa tununkilizyo tuvwenene O murrih o alo, mweelwe wemwaanda yama litiras. ⁴⁰ Pawo bakatola mutunta wa Jesu oku vungaila muzisila zituba antomwi emisamu inunkilila, mbuli muchali cilengwa cha ma Juda moku zika mitunta. ⁴¹ Ino mubusena mwaka kankaminwa mwali muunda; poonya mu muunda mwali bbita lipya omo mwatalina kuzikilwa muntu naba omwi. ⁴² Akambo kokuti bwali buzuba bo kulibambila bwa ma Juda baka muzika Jesu muli ngayo kambo maumbwe alafwifwi