¹ Jesu nakamana kwaamba ezi zintu, wakalanga kujulu akwaamba,'tata, cindi casika, lemya mwana wako kutegwa anguwe akulemye. ² Mbuli mbwakamupa nguzu kubantu boonse kutegwa akonzye kupa bumi butamani kuli boonse abo mbiwakamupa. ³ Obu mbumi butamani: kutegwa bakuzibe, kuti ndiwe leza wamasimpe, ape oyo nguwakatuma jesu kilisitu. ⁴ Ndakakulemya ansi. Ndakamanisya musebezi ngowakandipa kuti ndicite. ⁵ Inawa, tata, ndilemye antomwe ayibo obulumu mondajesi ayibo kaitana kupangwa nyika. ⁶ Ndayubununa zina lyako kubantu mbowakandipa kuzwa anyika. Bali bako mponya wakandipa mbabo ape baka bamba majwi ako. ⁷ Ino balizi kuti zyonse ezyo zyiwa ndipede zizwa kuliyebo. ⁸ Nkamba ndakapa oonse majwi ngiwakandipa. Bakatambula ape masipe balizi kuti ndakazwa kuli yebo, mponya akusyoma kuti wakadituma. ⁹ Ndabakombelela. Tandibakombeli nyika yoonse pele kuli abo mbowakandipa, koamba mbibako. ¹⁰ Zyoonse ezyo zyangu ndizyako, ape zyako ndizyangu, ape ndilalumbaizyigwa mulibabo. ¹¹ Tandiciwo munyika, pele aba bantu bali munyika, ape ndabuza kuli nywebo. Tata usalala, kobakwabilila ambabo muzina lyako kuti abowakandipa kutegwa bakabe omwi mbuli mbotuli omwi. ¹² Nindacili ambabo, ndakabakwabilila muzina lyako, abo bowakandipa. Ndakabakwabilila, ape takwe waka nyonyoka, ati oyo mwana silunyonyono, kutegwa malembe azuzyikizyigwe. ¹³ Ino ndabuza kulinywebo, pele ndili mukwamba ezi zyintu munyika kutegwa babe olusangalilo lwangu malembe azuzyikizyigwe. ¹⁴ Ndakabapa jwi lyako, ape inyika yakabasula kaambo tabacinsi benyika, mbuli mbwetainsi wenyika. ¹⁵ Takwe nindakukumbila kuti ubagwisye kuzya munyka pele cilikuliyebo kubacingilizya kubantu babi. ¹⁶ Tabali bamunyika, mbuli mbwetensyi womunyika. ¹⁷ Babike kumbali akaambo kakasimpe. Ijwi lyako kasimpe. ¹⁸ Mbuli mbowakandituma munyika, amibo ndabatuma munyika. ¹⁹ Akaambo kako ndalitatamuna, kutegwa ambabo balitantamune kukasimpe. ²⁰ Tandikombeleli aba abakike, pele abo bayosyoma mulindime kwiinda mujwi lyabo. ²¹ Kutegwa boonse babe omwi, mbuli yebo, tata, ulimulime amibo muliyebo. Ambabo babemuli swebo kutegwa nyika ikasyome kuti wakandi tuma. ²² Bulemu mbowakandipa, ndakabapa, kutegwa babe omwi, mbuli mbotuli omwi. ²³ Mebo mulimbabo, mponya ambabo mulime-kuti ambabo bafwe mukukamantana luzwidelide kutegwa nyika izyibe kuti wakandituma, ape kuti wakabayanda mbuli mbowaka ndiyanda. ²⁴ Tata ndiyanda abo mbumwakandipa kuba amibo oko kwebede, ape okuyobona mbulemu bwangu, bulemu mbowakandipa akaambo wakandiyanda nyika taitana kulengwa ²⁵ Tata usalala, nyika takwe niyakakuzyiba, pele ndilikwizi; ape balizi kuti wakandituma, ²⁶ Ndakabaisya kuti bazyibe zyina lyako, ape ndiyo baisya kuti lizyibwe tutegwa luyando ndowakandiyanda lube ambabo, ape ndiyoba muli mbabo.