¹ '' Ndamwambila ezi zintu kutegwa mutakasweki. ² Bayomutanda muzikombelo. Pele cindi ciyosika umwi a umwi uyo mujaya uyoyeya kuti uli kupa mulimo wa Leza. ³ Bayocita ezi zintu akambo ko kuti tabamwizi tata na me. ⁴ Ndamwambila ezi zintu kuti nako yabo yakusika, muyoyeya kuti ndakamwambila . Takwe nindaka mwambila azintu ezi kumatalikilo, kambo ndali anwibo. ⁵ Mponya ndilainka kuli oyo wakandituma, kono takwe naba omwi undibuzya, ' ino winka kuli? ' ⁶ Kambo ndamwambila ezi zintu, bunyemi bwazuzya myoyo yenu. ⁷ Kono masimpe ndamwambila, cilabota kuli nyebo kuti ndaika. Kambo kuti na ciki, mumbulizi tayozi kuli nyebo, kono kuti ndaika, ndiyomutuma kuli nyebo. ⁸ Aku bola, mumbulizi uyo tondezya kuti nyika ililubizizye ku zibi, ⁹ Ku bulusalali ape oku bubeteki okucibi, kambo tabasyomi muli me; ¹⁰ kubu salali, kambo ndiyobuwa kuli tata, ape nyebo tamuyondiboni; ¹¹ Ape kububetesi, kambo muleli we nyika wabetekwa. ¹² Ndijesi zintu zinji zyoku mumbila, kono tamukozi kuzivwisisya. ¹³ Kono wo, muya wa masimpe, wakuza, uyo mukwabilila mumasimpe onse,kambo tauyo amboli zyawo. Kono uyo ambola ezyo zuyovwa, ape uyo mwambila zintu ezyo ziyoza. ¹⁴ Uyo ndilemeka, kambo uyo bweza ezyo zyangu ape uyo zyamba kuli nyebo. ¹⁵ Zyonse tata zyajesi ndizyangu. Akambo kaka, ndamba kuti muya uyo bwezya eco cangu ape uyo mwambila. ¹⁶ Mucindi cinini tamuyondiboni, ape mucindi cinini muyondibona.'' ¹⁷ Mponya bamwi basikwiya bakamba kuli umwi oyumwi,'' ino ncinzi eci calikwamba kuli swebo,' mucindi cinini tamuyondiboni ape mucindi cinini muyondibona,' mponya,'akambo ndiyoinka kuli tata'?'' ¹⁸ Nkokuti, '' ino nizi eci calikwamba,' mucindi cinini'? tatwizi cali mukwamba,'' ¹⁹ Jesu wakabona kuti bayanda kumubuzya, mponya wakamba kuli mbabo,'' nkokuti eci ncomubuzya akati kenu, kubupanduluzi mbundali kwamba,' mucindi cinini tamuyondiboni ape mucindi cinini muyondibona'? ²⁰ Kasimpe , kasimpe, ndamwambila, muyolila, pele nyika iyokondwa. Muyousa,pele mause enu ayo mwetela kubotelwa. ²¹ Mwankazi natumbuka ulausa kambo cindi cakwe casika, kono atumbuka mwana, takwe na yeya kucisa kwakwe kambo koku nonenwa mwalumi wazya munyika. ²² Mbuli mbomu uside inawa, pele ndiyomubona ape, emyiyo yenu iyokondwa, ape takwe uyo kozya kubweza kunonenwa kwenu. ²³ Mubuzuba obo tamuyondibuzi cili conse. Kasimpe, kasimpe, ndamwambila, kuti na mwakumbila cili conse kuli tata muzina lyangu, uyomupa. ²⁴ Kusiikila cino cindi tamuno kumbila cili conse muzina lyangu. Kumbila uyo uyopegwa, kutegwa kunonenwa kwenu kuzuzikizigwe.'' ²⁵ '' Ndakamwambila ezi zintu mumambilambali, pele cindi cilasika netoyomboli kulinwebo mumambilambali, pele ndiyo mwambila mukucisa zya tata. ²⁶ Mubuzuba obu muyo kumbila muzina lyangu kono tandiambi kuti ndiyo mukombela kuli tata, ²⁷ kambo tata lyakwe ulamuyanda kambo mwakandiya ape mwaka syoma kuti ndizwa kuli Leza. ²⁸ Ndizwa kuli tata, ape ndakaza munyika. Ape, ndilasiya nyika ukwinka kuli tata.'' ²⁹ Basikwiya bakwe bakamba kuti, ''bona, ino ulimukwamba mukucisa ape tolikubelesyi mambilambali. ³⁰ Ino tulizi kuti ulizi zyonsee zintu, ape toyandi nekuba omwi muntu kukubuzya mibuzyo. Akambo kokuti, tulasyoma kuti uzya kuli Leza.'' ³¹ Jesu wakabataba, '' kokuti mwasyoma na? ³² Amubone, cindi cilasika, iiyi, ape casika, nimuyo sabalangana, ngwaya kun'yanda yakwe, ape muyondisiya endike. pele tandinsi endike kambo tata uli amibo. ³³ Ndakazyamba ezi zintu kuli nyebo kutegwa mube olumuno mulime. Munyika mujesi mapenzi, pele muyume, kambo ndakazunda nyika.''