¹ Leza wakamba Nowa, bense banyama bomusaka, ape abanyama balelwa abo bakali anguwe mubwato. Leza wakapanga luwo kuti lunge a nyika. Mponyina manzi akatalika kuyuminina. ² Tusensa twansi amambanga akujuku akajalwa, ape yakaleka kuwa. ³ Manzi manji akainka ansi kanini kanini kuzwa anyika, ape nikwa kamana mazuba manzi akayuminina. ⁴ Bwato bwakaza kuzo pumula mumwezi wamusanu ayibili, mubuzuba bwa kumi amusanu atubili o mwezi, acilundu ca Alalati. ⁵ Manzi akazumanana kuyuminina kusikila mumwezi we kumi. Mubuzuba bwamatalikilo bomwezi, atala lyezilundu kwaka libonya. ⁶ Cakasika mazuba ali makumi one Nowa wakajula cimbanga cobwato econca kapanga. ⁷ Wakatuma cikwangala mponya caka uluka kulangalanga kusikila manzi ayuma kuzwa munyika. ⁸ Mponyina wakatuma inziba kuyobona kuti namanzi anyika ayuminina. ⁹ Pele inziba takwe niyaka jana busena boku pumuzya maulu ayo, mponya yaka piluka kuli nguwe mubwato, nkambo manzi acilivumbide yense nyika. Waka ijata amanza akwe akunjizya mubwato. ¹⁰ Waka lindila kwamazuba alimusanu otubili ape wakatuma inziba kuzwa mubwato, ¹¹ Inziba yaka bweda kulinguwe kuyolezya langa! mumulomo wayo kwali igani lye oliva mponya Nowa wakaziba kuti manzi ayuminide ansi kuzwa munyika. ¹² Wakalindila amwi mazuba alimusanu atubili, ape waituma nziba. Takwe niyakapiluka ape kuli nguwe. ¹³ Caka sika mumyaka pli musanu oumwi ape o mwaka wakutanguna, mumwezi wa matalikilo, mubuzuba bwamatalikilo bomwezi, kuti manzi akayuma kuzwa kunyika yonseneni. Nowa waka gwisya civumbyo cobwato, walanga anze, ukubona kuti, amulange, atala lyenyika kwayuma. ¹⁴ Mumwezi wabili, mumazuba ali makumi obile amusanu otubili mumwezi, nyika yakayuma. ¹⁵ Leza wakati kuli Nowa,'' ¹⁶ koya kuzwa mubwato, yebo, mwanakazi wako, abana bako balumi abanakazi babo ayibo. ¹⁷ Uzwe ezibubwa zimpona zyonseneni zyenyama ezyo ziliayibo-bayuni, abanyama, ape ezi kokoba zyonse ezyo zikokoba anyika-kwamba kuti zyika mvule mubunji atala lyenyika, kuti zyika zyalane oku vula atala lyenyika.'' ¹⁸ Mponyina Nowa wakainka anze abana bakwe balumi, banakwe abanakazi babana bakwe balumi anguwe lwakwe. ¹⁹ Zyense zilengwa zipona, zyense zikokoba, ape abayuni bense, zyense zyenda anyika, mbona mbuli mumikowa uazo, baka siya bwato. ²⁰ Nowa wakayaka cipaililo co mwami. Wakabweza banyama basalala abayuni basalala, ape okupa zyituzyo acipaililo. ²¹ Mwami wakanvwa kununkilila kwa bweme bubitu ponya wakamba kuti mumoyo wakwe.'' Tandiyo kuti nyika akambo komuntu, nekubakuti muyeyo ya myoyo yabo njecibi kuzwa kubunini bwabo. Tabdiyo jayi ape zintu zyense zipona mbuli mbondaka cita. ²² Nyika niciliwo, cindi cembuto acindi cokutebula zyindi zitontola ape ezindi zyokupiya cindi cenvula ape ecindi cempeyo, ape esikati amasiku taziyomani.''