¹ Mwami wakamba kuli Nowa,'' koza, yebo abe nganda yako munjile mubwato, nkambo ndabona kuti ulasalala kunembo lyo bukale buno. ² Ku zinyama zyense zisalala uyo eta zisanu azibili zyalumi ape azisanu azibilili zya nakazi. Kuzwa kuzinyama zita salali, mwete zyobile, calumi ecanakazi caco. ³ Ape oku bayuni bo mujulu, mwete zilimusanu azibili zyalumiii ape ezili musanu azibili zyanakazi, kukwambila bana ba zyo atala lyenyoka yonseneni. ⁴ Mumazuba alimusanu abili ndiyo wisya mvula kwamazuba ali makumi one amasiku ali makumi one. Ndiyo nyonyona kuzwa atala obulongo zyense zipona zindax kapanga.'' ⁵ Nowa waka cita eco mwami ncaka mulailila. ⁶ Nowa wali emyaka ili myanda uosanwe omwanda omwi awo zambangulwe niyakasika munyika. ⁷ Nowa, abana bakwe balumi, abanakwe, ape abanakazi babana bakwe bakanjila mubwato beense akambo kamanzi ezambangulwe. ⁸ Banyama basalala ape abatasalali banyama, bayuni, ape ezyense zikokoba atala abulongo. ⁹ Zyobile zyobile, calumi ape acanakazi, zyakaza kuli Nowa ape okujila mubwato, mbonya leza mbwa kalailila Nowa. ¹⁰ Cakaba nikwa kayinda mazuba alimusanu abili. Manzi ezambangulwe akaza atala enyika. ¹² Mumyaka ilimiyanda yosanwe awomwi wabumi bwa Nowa, mu mwezi wabili, mubuzuba bwa kumi atosanwe otubili twamanzi twansitwakajuka, ponya a mulonga ukujulu aka juka. ¹¹ Emvula yakatalika okuwa anyika kwamazuba ali makumi one ape amasiku ali one. ¹³ Mubuzuba mbonyina Nowa abana bakwe balumi Shemu, Hamu ape o Jafeti, abanakwe Nowa abanakazi bakanjila mubwato. ¹⁴ Bakanjila abanyama bomusaka ngwaya kwendelana omushobo, abo banyama ba vubwa kwendelana omushobo wakwe. Ponya ezinyama zikokoba anyika azyo a mishobo wazyo, abayuni kwendelana omushobo wabo, zyense zinumbwa zyamababa. ¹⁵ Zyobile zyense zyenyama zyakali abumi zyakeza kuli Nowa akunjila mubwato. ¹⁶ Banyama bakanjila bakali nalumi abanakazi benyama beense; bakanjila mbonya namu leza mbwaka mulailila. Mponyina mwami wakajala mulyango nibakanjila. ¹⁷ Mponyina zambangulwe lyakaza atala enyika kwamazuba ali makumi one. Mponyina manzi akavula okunyamuna bwato kubutola atala lyenyika. ¹⁸ Manzi aka zula okuvumba atala enyika, ponya bwato bwaka yuboka atala lyamanzi. ¹⁹ Manzi akanyamuka mubunji anyika kwamba kuti wonse malundu ayo akali kunsi ajulu lyonseneni akavumbwa. ²⁰ Manzi akanyamuka tukokola ikumi amusanu kwinda zyilundu. ²¹ Zyense zipona ezyo zyenda a nyoka zyakafwa-bayuni, sivubwano, banyama bomusaka, zyonse zivubwa zipona ezyo zyakakala mumyelwe minji atala lyenyika ponya abantu benseneni. ²² Zyense zyipona zyaka kalamunyika, ezyo zyakala kuyeka kubelesya mpemo zyazyo zyakafwa. ²³ Nkokuti zyonse zintu zyali kupona atala enyika zyaka kunka, bantu abanyama ezintu zikokoba anyika abayuni bomujulu zyaka nyonyonwa kuzwa munyika. Pele Nowa ezyo nzyaliazyo mubwato nzizya kasyala. ²⁴ Manzi akakala atala enyoka kwamazuba ali mwanda amakumi osanwe.