¹ Eli nde bbuku lya mazyalani a Adamu. Mubuzuba obo leza nakalenga bantu waka balenga mucinkozyanyo cakwe. ² Mwalumi o mwakazi wakabalenga. Wakabalenga ape wakauzika kuti mbantu nibakamana kulengwa. ³ Ino Adamu wakapona myaka ili mwanda amakumi otatwe, wakazyala mwana mwalumi mucikozya cakwe, wali mbubonya mbuli nguwe, mponya wakamuzika kuti ngu Seti. ⁴ Ino Adamu nakamana kuzyala Seti, wakapona myaka ili myanda ili musanu eitatau. Wakaba isi wabana baalumi banji ape abanakazi. ⁵ Adamu wakapona myaka ili myanda ili musanu eyone a makumi otatwe, mponya wakafwa. ⁶ Ino Seti wakapona myaka ili mwanda eyosanwe wakazyala Enosi, ⁷ nakamana kuba isi wa Enosi, wakakala myaka ili myanda ili musanu eyitatu emyaka ili musanu eibili ape abanakazi. ⁸ Seti wakakala myanda ye myaka ili musanu eyone ekumi emyaka yobile, mponya wakafwa. ⁹ Ino Enosi wakakala myaka myanda ili musanu emyanda yone wakazyala Kenani. ¹⁰ Nakamana kuzyala Kenanai, Enosi wakakala myaka myanda ili musanu e myanda yotatwe ekumi lye myaka eyosanwe wakazyala bana baalumi banji abasimbi. ¹¹ Enosi wakakala myaka ili myanda ili musanu emyanda yone emyaka ili musanu, mponya wakafwa. ¹² Ino Kenani nakakala myaka ili makumi osanwe, amakumi obile, wakazyala Mahalalele. ¹³ Nakamana kuzyala Mahalalele, Kenani wakakala myaka ili myanda ili makumi osanwe emyanda yotatwe amakumi one. Mponya wakazyala bana baalumi banji abasimbi. ¹⁴ Kenani wakakala myaka ili myanda ili musanu eyone emyaka ili kumi, mponya wakafwa. ¹⁵ Ino Mahalalele nakaba emyaka ili maakumi osanwe ekumi emyaka yosanwe wakazyala Jaledi. ¹⁶ Nakamana kuzyala Jaledi, Mahalalele wakakala myaka ili myanda ili makumi osanwe emyanda yone ape a makumi otatwe. Wakazyala bana baalumi banji ape abanakazi. ¹⁷ Mahalalele wakakala nyanda yosanwe emyanda yotatwe, amakumi osanwe ape amakumi one emyaka yosanwe, mponya wakafwa. ¹⁸ Ino Jaledi nakakala myaka ili mwanda emyaka ili makumi osanwe ekumi lyomwi emyaka yobile, mponya wakazyala Inoki. ¹⁹ Nakamana kuzyala Inoki, Jaledi wakakala myaka ili myanda makumi osanwe emyanda yotatwe. Wakazyala bana baalumi banji abana banakazi banji. ²⁰ Jaledi wakakala myanda ye myaka ili makumi osanwe emyaka yone a makumi osanwe e kumi lye myaka emyaka yobile ponya wakafwa. ²¹ Ino Enoki nakakala myaka ili makumi osanwe ekumi lyomwi emyaka yosanwe, mponya wakazyala Metusela. ²² Enoki wakenda o leza kwe myaka ili myanda yotatwe nakamana kuzyala Metusela, mponya wakazyala bana baalumi banji abanakazi. ²³ Enoki wakakala myaka yotatwe amakumi osanwe ekumi lyomi emyaka yosanwe. ²⁴ Enoki wakenda o leza mponya taciliwo, kambo leza wakamutola. ²⁵ Mponyina Metusela wakakala mwanda omwi emyaka ili makumi osanwe amakumi otaywe omusanu we myaka emyaka yobile mponya wakazyala Lameki. ²⁶ Nakamana kuzyala Lameki, Metusela wakakala myaka myanda yosanwe aibili amakumi osanwe ape amakumi otatwe emyaka yobile. Mponya wakazyala bana baalumi banji anama basimbi banji. ²⁷ Metusela wakakala myanda ye myaka ili musanu emyanda yone amakumi omusanu we myaka emyaka yone mponya wakafwa. ²⁸ Ino Lameki nakakala myaka ili mwanda a makumi osanwe emyaka ape amakumi otatwe e myaka yobile, wakazyala mwana mwalumi. ²⁹ Wakamuzika kuti ngu Nowa, wakali,''oyu uyotupa lipumuno kuzwa ku milimo yesu ape okuzwa kumakatazyo amanza esu, eco ncitwelede kucita ankambo ke nyika eyo mwami njakakuta.'' ³⁰ Lameki wakakala myanda ye myaka ili musanu, emyanda ili musanu eyone omusanu we myaka nakamana kuzyala Nowa. Mponya wakazyala bana baalumi banji abanakazi. ³¹ Lameki wakakala myanda ye myaka ili makumi osanwe emyanda yobile amakumi osanwe ape amakumi obile emyaka yosanwe ape emyaka yobile,. Mponya wakafwa. ³² Ino Nowa nakakala myaka ili myanda yosanwe wakakala Semu, Hamu ape O Jafeti.