¹ Mponya julu enyika zyakamana, ezintu zipona zyense zili mumo. ² Mubuzuba bwasanu otubili Leza wakasika kuma manino o musebezi wakwe ngwa ka cita, mponya waka pumula mubuzuba bwa sanu otubili ku zwa kumisebezi yakwe yense neni. ³ Leza wakaleleka buzuba bwa sanu otubili oku busalazya, nkambo mubuzuba obu waka pumula kumisebezi ngwa kacita muku bumba kwakwe. ⁴ Ezi zyezintu zijatikizya julu enyika, nizyaka bumbwa, mubuzuba obo mwami Leza mbwakabumba nyika ejulu. ⁵ Tikwalikwe saka lyo munda munyika, mponyina tikwalikwe musamu mumunda wa menide, nkambo mwami leza talina kweta mvula atala nyika, mponyina tikwalikwe muntu kuti alime bulongo. ⁶ Pele sikunkwe waka inka mujulu kuzwa munyika oku tesya nyika yense atala o bulongo. ⁷ Mwami leza waka bumba muntu kuzwa ku suko lyobulongo, mponyina wakayekela mu mpemo zyomuntu kuyeka ko buumi, mponyina muntu wakaba cibumbwa cipona. ⁸ Mwami leza waka byala munda kumazwido, mu Eddeni, ponyina waka bika muntu oyo ngwa ka bumba. ⁹ Kuzwa kubulongo mwami leza waka panga misamu kuti imene eyo ibotezya ku menso ponya mibotu ku kulya. Ezi zijatikizya cisamu cobumi eco cakali akati komunda, ponya cisamu camano cabubotu ape obubi. ¹⁰ Mulonga wakainka kuzwa kumunda wa Eddeni kuya tilila munda. Kuzwa kuya wa kanzana ponya okuba milonga yone. ¹¹ Izina lyoyo wamatalikilo ngu Pishoni. Ngo mulonga wa konka kunyika yense ya, Havila oko kuli ngolide. ¹² Ngolide yoku busena obo nimbotu, Kuli ape bdelliyumi ape ebbwe lipaleme. ¹³ Izina lyomu longa wa bili ngu Gihoni. Oyu ula kunka munyika yonse ya kushi. ¹⁴ Izina lyomu longa wa tatu ngu Tigilisi, mponya ulakunka kuma zwido a Asha. Mulonga wane ngu Euphletesi. ¹⁵ Mwami leza wakabweza muntu oku mubika mumunda wa Eddeni kuti abeleke oku ubamba munda. ¹⁶ Mwami leza wakalailila mwalumi, kuti,''kuzi samu zyense zyo mumunda ninga wa lya cokwangunuka. ¹⁷ Pele ku cisamu coluzibo cezibotu ezibi tamwelede kulya, pele mu buzuba mboyolya, kuzwa kuli eco uyofwa.'' ¹⁸ Mponyina mwami leza wakati,'' tacinsi kabotu kuti mwalumi abe alike. Ndyo mupangila mugwasyi umwelede wakwe.'' ¹⁹ Kuzwa kubulongo mwami leza waka bumba nyama bo mumunda aba yuni bomu julu. Mponyina waka beeta ku mwalumi kuti abone na ulabaita kuti nzi. Kufumbwa obo bwaka zita muntu ezyi zilengwa zipona pele mbombubo obo ndezina lyaco. ²⁰ Ponyina mwalumi waka pa mazina kubonse banyama, kuba yuni bo mujulu, oku ba nyama bo mumunda. Pele ku mwalumi takwe nikwa kajanika mugwasyi welede wakwe. ²¹ Mwami leza wakaoneka mwalumi ngozi mpati ponya mwalumi waka lala. Mwami leza waka gwisya kapango komwi oku jala mubili nkwa ka gwisya kapango. ²² Ako kapango nka kagwisya ku mwalumi, mwami leza waka bumba mwanakazi oku muleta ku mwalumi. ²³ Mwalumi wakati.'' eci cindi, oyu ndifuwa lyamafuwa angu, ponya mubili omubili wangu, uyo itwa kuti mwanakazi, nkambo waka zwa ku mwalumi.'' ²⁴ Nkambo kako mwalumi uyosiya baisi aba nyina, uyo ba antomwi omwanakazi wakwe. Ponya bayo ba mubili omwe. ²⁵ Bonse bakali ecinkuna, mwami a mwana kazi wakwe, pele takwe nibaka lisenda.