¹ Mponya leza wakaleleka Nowa abana bakwe wakati kuli mbabo,'' Amuzyalisye, muvule ape muzuzye nyika. ² Kuyoyigwa kwenu ape okuyosya kwenu buyoba kubanyama beense bapona munyika okubayuni beense bo mujulu, enzizyo ezyo zyendela ansi, ape okunswi zyeense zili mulwizi. Zyapegwa mumanza enu. ³ Kufumbwa cintu cenda eco cipona ciyoba cilyo cako. Mbuli mbundakamupa zosiyu mani, ino ndamupa zyeense. ⁴ Pele tamwelede kulya nyama obuumi bwayo-nkambo mbulowa bwayo-muli njiyo. ⁵ Pele kubulowa bwenu, bumi obo buli mubulowa bwenu, ndiyobuyandola. Kuzwa kujanza lyo munyama wense ndiyobuyandola. Kuzwa kujanza lyo muntu kufumbwa, nkokuti, kuzwa kujanza lya oyo wakajaya muzyalwanyina, ndiyoyanda bumboni bo buumi boyo muntu. ⁶ Kufumbwa utila bulowa bo muntu, Anguwe bulowa bwakwe buyotilwa o muntu, nkambo cali mu cimo ca leza omo mwakalenga muntu. ⁷ Ino nywebo, Amusalalisye muzyalane, muzuzye nyika muvule mulinjiyo.'' ⁸ Mponya leza wakambola kuli Nowa okubana bakwe anguwe, wakati, ⁹ ''Amuswilile leza wakambola kuli Nowa okubana bakwe anguwe, wakati,'' ¹⁰ Ape abanyama beense bapona mbimuli ambabo, Abayuni olubono, ape abanyama munyika mbimuli ambabo, abo beense bakazwa mu bwato, kubanyama beense bapona munyika. ¹¹ Ndili ano okupanga cizuminano anywibo, eco citayobi ape kuti mibili yense itakanyomyonwe a manza e zambangulwe. Takukoyoba ape zambangulwe uyonyonyona nyika.'' ¹² Leza wakati,'' Eci ce citondezyo cecizuminzno eco ncelimukupanga akati kangu a nywibo okubanyama beense mbimuli ambabo, amazyalani aciza: ¹³ Ndabika pinicongo wangu mujoba, mponya ciyoba citondezyo ce cizuminano akati kangu enyika. ¹⁴ Kuyba mukuti awo ndakweta ijoba atala e nyika ape a pinicongo aboneka mujoba, ¹⁵ mponya ndiyoyeya cizuminano cangu, eco cili akati kangu anywibo ape okubanyama beense bapona. Manzi takwe nayoza kuzoba izambangulwe liyonyonyona zintu zteense zipona. ¹⁶ Pinicongo uyoba mumayoba ape ndiyoubona mukuti ndiyeye cizuminano citayomani akati ka leza ape okubanyama bapona bense abo bali munyika.'' ¹⁷ Mponya leza wakati kuli Nowa,'' Eci ncecitondezyo eco ncinda kazumina akati kangu ezipona zyeense zili munyika.'' ¹⁸ Bana ba Nowa bakazwa mu bwato bali Syemu,Hamu, o Jafeti wali isis wa Kenani. ¹⁹ Abo botatwe bali bana ba Nowa, mponya kuzwa kuli aba nyika yense yakazula. ²⁰ Nowa wakatalika kuba mulumi, wakabyala munda wo musansa. ²¹ Wakanywa umwi musansa mponya wakakolwa wakalala mu tente katalivumbide. ²² Mponya Hamu, isis wa Kenani, wakabona cinkuna ca baisi wakambila bazyalwanyina bobile anze. ²³ Mponya Syemu o Jafeti bakabweza cibaki okucibika amakuko abo, mponya bakenda cifutesule okuvwika cinkuna ca baisi. Masyu abo alangide kulubazu lumbi, nkokuti takwe nibakabona cinkuna cabaisi. ²⁴ Ino Nowa nakabuka waini niyakamana, wakaziba eco mwanakwe munini ncakacita kulinguwe. ²⁵ Mponya wakati,'' Kenani Akutwe. akabe muzike kubazike babazyalwanyina.'' ²⁶ Ape wakati,'' mwami, leza wa Syemu, Alelekwe, ape Kenani abe muzike wakwe. ²⁷ Leza ayungizizye lunyungu lwa Jafeti, ape akapange zilawo zyakwe muzibaka zya Syemu. Kenani akape muzike wakwe.'' ²⁸ Nilyakamana zambangulwe, Nowa wakakala myanda yotatwe ye myaka amakumi osanwe. ²⁹ Mumazuba ense a Nowa ali myanda yosanwe emyaka, emyanda yone amakumi osanwe, mponya wakafwa.