¹ Musule ezi zintu ijwi lyo mwami lya kasika kuli Abulamu mu cilengano, liti, ''utayowi, Abulamu! Ndime ntobo yako ape bulumbu bwako bu pati.'' ² Abulamu, wakati,'' mwami leza, sikulya izina lyenganda yangu ngu Eliyaza woku Damasikasi?'' ³ Abulamu wakati,'' Bona tondipede lunyungu, langa, oyo uzyalwa munganda yangu,'' nguyo lya zina lyangu. ⁴ Mponyina, bona, ijwi lyo mwami lyakasika kuli nguwe, kaliti oyo mwalumi tayolyi zina lyako; pele oyo womwi uyozwa mumubili nguyolya zina.'' ⁵ Mponyina wakamugwisya anze, o kuti,''langa mujulu, o kubala nyenyezi, na ulazikonzya.'' Mponyina wakati kulinguwe,'' mbubonyina lunyungu lwako mboluyonvula.'' ⁶ Wakamushoma mwami, mponyina wakazwidilizya kushoma. ⁷ Wakati kuli nguwe,'' ndime mwami wakakugwisya kuli Uri wo mu Chalideans, kuzokupa nyika eeyo ibe yako.'' ⁸ Wakati,'' mwami leza, ino iyoba yangu?'' ⁹ Mponyina wakati kuli nguwe, '' undetele mpwizi ile myaka yotatwe, mwebwe mpongo yomwaka yotatwe, o mugutu we myaka yotatwe, o mugutu we myaka yotatwe, enziba, ape enkwilimba nini. ¹⁰ Wakamwetela ezi zyeense, wakazyandula muzipanzi zyobile, okuzibika zipanzi zyabo kuzilanganya, pele bayuni takwe nakabandula. ¹¹ Ino makubi nakaseluka kuzolya nyama, Abulamu wakatanda. ¹² Mponyina kumabbililo ezuba, Abulamu wakona ape , langa, wakawidwa mudima uusia mbi uyosya. ¹³ Mponyina mwami wati kuli Abulamu,'' koziba calusinizyo kuti basilunyungu lwako bayoba beenzu mucisi cimbi, citaisi cabo, bayoba bazike okubapenzya kwe myaka ili myanda yone. ¹⁴ Ndiyo beteka cisi eco ciyoba eco cibayobekela mponyina musule lyeci bayoza embono zinji. ¹⁵ Pele uyoinka kulibamauso mulumuno, okuyo zikwa mucimo cibotu cobuddala. ¹⁶ Muzyalani lyane bayoza kuno ape, kambo kubisya kwa ba Amoli takuna kusika alya eni eni.'' ¹⁷ Ino zuba nilyakabbila mponyina kwa kasiya, langa, kalonga komulilo kali kusuka busi mponyina kwakali bonya mumuni kawinda akati kezipanzi. ¹⁸ Mubuzuba obo mwami wapanga cizuminano o Abulamu, kati, '' kulunyungu lwako ndakupa nyika eyi, kuzwida kumulonga wa Ijipiti okunosika kumulonga mupati, wa Ufireti- ba Kenanaiti, ¹⁹ ba Kenanaiti ba Kadimoni, ²⁰ ba Hiti, ba Pelezi, ba Lifeti, ²¹ ba Amoni, ba Kanana, ba Gingasi, mponyina aba Jebusi.''