¹ Ino kusule lyezi zintu mponyina leza wakasunka Abulamu. Wakati kuli nguwe,''Abulamu!'' Abulamu wakati,'' mpendi.'' ² Mponya leza wakati,'' Tola mwana wako, mwana ngojesi alike, oyo ngoyanda, Isaka, mponyina winke ku nyika ya Moliya. Umicite cituzyo akabe cipaizyo cokutenya acilundu cimwi okuya ncindiyo kwambila.'' ³ Mponyina Abulamu wakabuka kuseni, wabopa mbongolo yakwe, mponyina wabweza balami bobile bakwe banini, okutola Isaka mwanakwe. Wateba nkuni zyokutenta cipaizyo, mponyina wanyamuka wainka mumusinzo yokuya kubusena oko leza mbwakamwambilide. ⁴ Mubuzuba bwatatu Abulamu wakalanga okubona busena kulele. ⁵ Abulahamu wakati kubalumi banini,'' amusyale ano embongolo, mponyina mebo o mwana tulainka okuya. Tuyokomba mponyina tulapiluka kulinguwe.'' ⁶ Mponyina Abulahamu wakabweza nkuni zyokuyotenta cipaizyo okubika kuli Isaki mwana wakwe. Wakabweza mumanza akwe mulilo entibba; mponyina bakainkila atomwi beense. ⁷ Isaki wakambila Abulahamu iisi okuti,''Batata,'' mponyina wakati,'' mpendi mwanangu.'' Wakati,''Bona, mulilo enkuni nkozili, ino kabelele kokupaizya kalikuli?'' ⁸ Abulahamu wakati,'' Leza aalike ulalibambila kabelele kokupaizya, mwanangu.'' Mponyina bakainka, beense antomwi. ⁹ Ino nibakasika kubusena obo Leza mbwakamwambila, Abulahamu wakayaka cipaililo nkuko okuyala nkuni alincico. Mponyina wakanga mwana wakwe Isaki, mponyina wamulazika acipaililo, atala enkuni. ¹⁰ Abulahamu wakatandabika ijanza lyakwe okubweza ntiba kuti ajaye mwanakwe. ¹¹ Mponyina mungelo womwami wakamwita kuzwa kujulu wakati," Abulahamu, Abulahamu!'' wakati,''mpendi.'' ¹² Wakati,'' utandabike ijanza lyako kumwana, nenga kucita cimwi cintu kulinguwe, kambo ino ndaziba kuti ula muyowa leza, mukubona kuti takwe niwandikakila mwana wako, mwana simuzyalwa alike, kuzwa kuli mebo.'' ¹³ Abulahamu nakalanga mujulu waka bona, mugutu ulijatidwe muciteyo kumeja akwe. Abulahamu wakainka okuyojata mugutu okucita cipaizyo mucibaka comwana wakwe. ¹⁴ Mponyina Abulahamu wakaita busena,''mwami ulapa,'' mponyina cilambwa ano mazuba,'' atala ecilundu co mwami nguupa.'' ¹⁵ Mungelo wo mwami wakaita Abulahamu lwabili kuzwa kujulu ¹⁶ mponyina wakati-okwambilizya ko mwami-lwakwe mwini ndakonkezya eci kambo wacita eci cintu, mponyina takwe niwakaka kundipa mwana, simuzyalwa alike, ¹⁷ Ndiyoshomezya kuti ndiyo kuleleka mponyina okuvuzya ndiyovuzya luunyungu lwako mbuli nyenyezi zyoku julu, ape mbuli muse wokukomwe yolwizi; mponyina luunyungu lwako lubweza mulyango wasinkondonyina. ¹⁹ Kuzwa kubana bako zisi zyeense zyansi ndiyozileleka, kambo kokuti waswilila ijwi lyangu.'' ¹⁸ Mponyina Abulahamu wakapiluka kubalombe, mponyina bakazwa mponyina okwinka antomwi ku Beereseba, mponyina wakakukala ku Beereseba. ²⁰ Musule lyezi zintu Abulahamu wakambilwa kuti,'' Milika wakazyala nana anguwe, kumwananyoko Noholi.'' ²¹ Bali uzi mutanzi, Buzi mwananyina, Kemueli iisi wa Alamu, ²² Kesedi, Hazo, Pilidasi, Jidilafi o Betuele. ²³ Betuele ngowali iisi wa Labeka. Aba mbali bana ba Milika bali basanu abatatu mbakazyalila Naholi, mwananyina wa Abulahamu. ²⁴ Anguwe sibwamu wakwe, ulye zina lya Leuma, anguwe wakazyala Tebaki, Gahamu, Tahasi, ape o Maaka.