¹ Cakasika cindi ca mazuba a Amulafeli, mwami wa Shina, Alioki, mwami wa Elasar, Kedalaoma mwami wa Elamu, o Tidalu, mwami wa Goimu, ² bakabusya nkondo aba bela, mwami wa Sodoma, Bilisa, mwami wa Gomora, Sinabi, mwami wa Adima, Semeba, mwami wa Zebuimu, o mwami wa Bela(ngonguwe Zoali.) ³ Ababami boswane bakabungana atomwi kukuti lya Sidimi(elyo litwa kuti lwizi lwa sautu). ⁴ Myaka ili kumi aibili bali bazike ba Kedalaoma, pele mumwaka wekumi aitatu bali bazike. ⁵ Mponyina mumwaka we kumi otune, Kedalaoma abami baali ambabo bakeza okuzolwana ba Rephaim mu Asteroth Karaim, bazuzite, mu Hamu, ba Emu Shareh Kiriyataium. ⁶ Mponyina aba mumalundu a Siya, mane okuyosika ku Elipalani, cili musi lyenkande. ⁷ Mponyina bakapiluka o kusika ku Eni Misipati (ngonguwe Kedeshi), okuzunda cisi ceense caba Amaleki, ambabo ba Amoni bakede mu Hezezoni Tamala. ⁸ Mponyina mwami wa Sodoma, o mwami wa Gomola, o mwami wa Adima, o mwami wa Zeboimu, o mwami wa Bela (ape witwa Zoali), bakainka okuyobamba basinkondo mukuti lya Sidimu. ⁹ Kutazumizyana o Kedalaoma, mwami wa Elamu, Tidah mwami wa Goimu, Amalofele, mwami wa Shinala, Alioki, mwami wa Elasa; bami bone bakalwana bosanwe. ¹⁰ Ino ikuti lya Sidimu lyalizwide zilindi minji akazwa taala, mponyina bami ba Sodomu o Gomola bakacija, bawida mumonya. Abo bakasyala bakacijila mumalundu. ¹¹ Mponyina bami bakatola zintu zyeense zyoku Sodma o Gomola ezilyo zyabo zyeense okwinka zila zyabo. ¹² Mponyina nibakainka, bakatolelezya o Loti mwana o muzyalwanyina wa Abulahamu, wali kukala mu Sodomu, atomwi olubono lwakwe lwense. ¹³ Umwi wakaloboka wakeza okuzo ambila Abulahamu mu Hibulayo. Walikukala amibanga yali yaku Mamule, mu Amoli, wali mucizi wa Esikoli o Anere, aba bali kumvwana o Abulahamu. ¹⁴ Mponyina Abulahamu nakamvwa kuti basinkondonyina batola mwananyina mubuzike, wakayobolola bantu bakwe bakasigwa bali myanda yotatwe ekumi omusanu abatatu bali kuzyalwa munganda yakwe, mponyina wakabacilila mane wakubasisya ku Dani. ¹⁵ Wakazanya akati kabantu bakwe masiku o kuyobalwana, mponyina wakabacilila mane wakubasisya mu Hoba, lulikubbazu lyokunyika lyobusena wa Damasikasi. ¹⁶ Mponyina wakaboozya lubono lwense, okupilusya mwananyina Loti o lubono lwakwe, antomwi o mwanakazi abantubamwi. ¹⁷ Ino Abulahamu nakapiluka kuzwa mukuzunda Kedolelaomele abami mbakali ambo, mwami wa Sodomu wakainka kuyomucinga kukuti lya Save(ndilyonya ndelitwa kuti kkuti lyomwami). ¹⁸ Melekezedeki, mwami wa Salemu, wakeeta cinkwa e waini. Wali mupaizi wa Leza sijulu wama julu. ¹⁹ Wakamuleleka wati, '' alelekwe Abulahamu kuzwa ku leza sijulu wamajulu mulengi wamanjulu enyika. ²⁰ Alumbwe sijulu wamajulu, ooyo wakupa kuti uzunde basinkondonyoko mumanza ako. ''Mponyina Abulahamu wakamupa cipanzi cekumi cezintu zyeense. ²¹ Mwami wa Sodomu wakati kuli Abulamu,''kondipa bantu, pele tola lubono yebo.'' ²² Abulamu wakati ku mwami wa Sodomu,'' ndatambika janza lyangu ku mwami leza sijulu wamajulu, mulengi we julu enyika, ²³ Kuti takwe nediyobweza kaanda nenga kaanzyo kendyatyo, nenga zintu zyako kuti utakambi kuti, 'ndime ndakavubya Abulahamu.'' ²⁴ Takwe ecomwi ncetitole mebo aati eco ncibakalya basimisela wzyabilo. Amuleke Aneri, Esikoli, o Mamule batole zyabila zyabo.''