¹ Ino nyika yense yalikubesya musyobo omwi ape amajwi omwi. ² Nibalikuyobuya kumbo, bakajana kabanda munyika ya Sinala mponyina bakakala mumo. ³ Bakati kuli umwi oumwi,''Amuze tupange zidina tuzitente kabotu kabotu.'' Bajesi zidina mucindi ca mabwe etaala mbuli buzuka. ⁴ Bakati,'' Amuze, tuliyakile dolopo enganda ndanfu iyosika kujulu, nkokuti tube ezina. Kuti katutaciti, tuyomwaikana atala eyika yense.'' ⁶ Ino mwami wakaza ansi okuzobona nyika ape enganda ndamfu eyo ma zyalani a Adamu njiyakayaka. ⁵ Mwami wakati,'' Amubone, mbatu bomwi omusyobo uswana, mponya batalika kucita ezi! Ino ino awa takwe eco ncibayeya kucita ciyobakacila. ⁷ Amuze, twinke ansi tukapalanganye musyobo wabo okuya, nkokuti kabatamvwi umwi oumwi ncaamba.'' ⁸ Ino mwami wakabamwaisya nkonya oko atala enyika yeense mponyina bakaleka kuyaka dolopo. ⁹ Mponyina awo, izina lyawo lyakategwa BBabbelo nkambo oko mwami wakapalanganya musyobo we nyika yeense mponyina kuzwa awo mwami wakabamwaisya muzisi zyeense kwida atala enyika yeense. ¹⁰ Aya ali mazyalana a Semu wali emyaka ili mwanda, mponyina wakazyala Alifakisadi nikwainda myaka yobile ye zambangulwe. ¹¹ Semu wakakala myaka ili myanda yosanwe nakamana kuzyala Alifakisadi. Ape wkazyala bamwi bana balumi abanakazi. ¹² Ino Alifakisadi nakaba emyaka ili makumi otaywe eyosanwe, wakazyala Sela. ¹³ Alifakisadi wakakala myaka ili myanda yone emyaka yotatwe nakamana kuzyala Sela. Ape wakazyala bamwi bana balumi abasimbi. ¹⁴ Ino Sela nakakala myaka ili makumi otaywe, wakazyala Ebbeli. ¹⁵ Sela wakakala myaka ili myanda yone emyaka yotatwe nakamana kuzyala Ebbeli wakazyala bana bamwi balumi abanakazi. ¹⁶ Ino Ebbeli nakakala myaka ili kumi emyaka yone, wakazyala Pelegi. ¹⁷ Ebbeli wakakala myaka ili myanda yone amakumi otaywe emyanda nakamana kuzyala Pelegi. Ape wakazyala bana bamwi balumi aba nakazi. ¹⁸ Ino Pelegi nakakala makumi otatwe emyaka, wakazyala Leu. ¹⁹ Pelegi wakakala myanda yobile yemyaka e myaka yosanwe mutune. Nakamana kuzyala Leu. Ape wakazyala bamwi bana balumi abanakazi. ²⁰ Ino Leu wakakala myaka makumi otatwe emyaka yobile, mponyina wakazyala Selugi. ²¹ Leu wakakala myaka myanda yobile emyaka yosanwe mutubili nakamana kuzyala Selugi. Ape wakazyala bana bamwi baalumi abanakazi. ²² Ino Selugi nakakala myaka ili makumi otatwe, mponya wakazyala Naholi. ²³ Selugi wakakala myanda yobile ye myaka nakamana kuzyala Naholi. Ape wakazyala bana bamwi balumi abanakazi. ²⁴ Ino Naholi nakakala myaka yobile eyosanwe emyaka yone, wakazyala Tela. ²⁵ Naholi wakakala mwanda omwi we myaka e kumi lyomwi omusanu, emyaka yone nakamana kuzyala Tele. Ape wakazyala bana bamwi balumi abanakazi. ²⁶ Tela nakakala myaka ili makumi osanwe amakumi obile, wakazyala Abbulahamu, Naholi, Halani. ²⁷ Ino aya alimazyalani a Tela. Tela wkazyala Abulahamu, Naholi o Halani, mponyina Halani wakazyala Loti. ²⁸ Halani wakafwa mumenso abaisi ba Tela mucisi mwakazyalilwa, mu Uli waba Kolodiya. ²⁹ Abulamu o Naholi bakakwata, izina lyo mwana kazi wa Abulamu wali Salai mponya izina lyo mwanakazi wa Naholi wali Milika, mwana wa Halani, wali wa Milika o Isaka. ³⁰ Ino Salai tali kuzyala; talikwe mwana. ³¹ Tele wakabweza Abulamu mwana wakwe mwalumi Loti mwana o mwana wakwe Halani, ape o Salayi musangakazi wakwe, wali mwanakazi wa Abulamu, antomwi bakasiya Uli waba Kolodiya kuti bainke mu nyika ya kanana. pele bakaza Halani okukala nkuko. ³² Tele wakakala myanda yobile ye myaka emyaka yosanwe mponya wakafwida ku Halani.