¹ Nomuyandwa, ba Isilayeli; mulafwi okuzabuka Jodani sunu, kwinka mukukona masi mapati kwinda nyebo, ape amadolopo mapati ayakidwe kusika kujulu, ² bantu bapati ape balafu, bana basyimani ba Anakim, oyu ngomuzi, ape oyu ngomwakavwa bantu kabamba, 'ino nguni unga waima akati kabana basyimani ba Anak?' ³ Amuzibe kuti sunu Mwami Leza wenu ngoyo winda kunembo lyenu mbuli mulilo wenda; uyobanyo nyona ape uyobacesya kamutana; muyobagwisya ape okubasubula cokufwambana, mbuli Mwami mbwaamba kulimwe. ⁴ Tamwelede kwaamba mumyoyo yenu, kuzwa Mwami Leza wenu wabagwisya kamutana, 'akaambo kobusalazi bwangu Mwami wandyeta kubukoni bwenyika eyi; akambo koku bisya kwa masi aya Mwami ulikubagwisya kamutana. ⁵ Tainsi kuti busalazi bwenu na bululami bwemyoyo yenu kuti mwinke mukukona nyika yabo, kono kezinyonyono zyamasi aya Leza wenu calikuba gwisizya kamutana, ape kuti azuzikizye ijwi ndyakakonka kumi zimu yenu, kuli Abbulamu, Izeki, o Jakobo. ⁶ Muzibe ino, kuti Mwami Leza wenu talikumupi eyi nyika ibotu kuti mukone akambo kobusalazi bwenu, kaambo muli bemyoyo miyumu. ⁷ Muyeye ape mutalubi mbu mwaka tukila Mwami Leza wenu muku munywemya munkanda; kuzwa buzuba nimwakazwa munyika ya Ijipiti kusikila nimwakaza kucibaka eci, ⁸ Ape ku Horeb mwaka mutukila Mwami muku munyemya, ape Mwami walinyemide maningi anywibo coku munyonyona. ⁹ Nindakainka ajulu lyo mulundu kuyotambula bwe lipaleme, lipaleme lye cizuminano Mwami ndyakapanga anywibo, ndakakala amulundu kwa mazuba ali makumi one amasiku ali makumi one; takwe nindaka lya cikwa na kunwa manzi. ¹⁰ Mwami wakandipa mabwe obile apaleme alembidwe omunwe wakwe; ali ngawo kwalambedwe zyense zyintu mbuli majwi onse ayo Mwami nngakambilizya kuli nywebo amulundu kuzwa akati kumulilo mubuzuba bokuswangana. ¹¹ Cakacitika kumamanino ayo mazuba ali makumi one amasiku ali makumi one awo Mwami nakandipa mabwe obile apaleme, apaleme ecizuminano. ¹² Mwami wakamba kulime, 'Ima, koya ansi cokufwambana kuzwa awa, kaambo bantu bako, mbowaketa kuzwa ku Ijipiti, balinyonyona analike. Baligwisya cakufwambana kuzwa munzila nginda kabambila. Balipangile abalike cipaizyo. ¹³ Nikubanamu, Mwami wakaambola kulime okwamba, 'Ndakababona aba bantu; mbantu ba basupa. ¹⁴ Amundileke endike, kutegwa ndibanyonyone ape ukugwisya mazyina abo kuzwa ansi lye julu, ape ndiyopanga alinwe masi enguzu alemekwa kwinda mbabo.' ¹⁵ Mponyina ndaka zunguluka ape okuza ansi kuzwa amulundu, ape mulundu wali kupya. Aya obile apaleme ecizuminano ali mumanza angu. ¹⁶ Ndakalanga, ape mponyina, mwakabisya kuli Mwami Leza wenu. Mwalipangila amulike kana ken'ombe. Mwaligwisya cokufwambana munzila Mwami njaka mwambila. ¹⁷ Ndakabweza apaleme obile okwa sowa kuzwa mumanza angu. Ndakatyola mumenso enu. ¹⁸ Ape ndakalala obile ansi kuli Mwami kwamazuba ali makumi one amasiku ali makumi one; Takwe nindakalya cikwa na kunwa manzi, akaambo kezibi zyenu zyimwacita, mukucita ezyo zibi mubusyu bwa Mwami, mukuti mumutukile kuti anyeme. ¹⁹ Akaambo kokuti ndaliyowide kunyema ape okubanyonyona mukuti Mwami walinyemede maningi cokumunyonyona. Kono Mwami wakandivwa ciya cindi mane. ²⁰ Mwami walimunyemenede Aloni mane kuti amunyonyone; ndaka mukombelela Aloni anguwe aciindi conyina. ²¹ Ndakabweza zyinyonyono zyenu, kanamani kimwaka panga okukatenta, ape okukapwacola ansi mane kucacesya, kusikila mane kaba mbuli lusuko. Ndaka sowa lusuko mukalonga kali kumulundu. ²² Kuli Taberah, kuli Massah, okuli Kibroth Hattaavah, mwaka mutukila Mwami cokunyemenena. ²³ Mponyina Mwami nakamutuma kuzwa ku Kadesh Barnea okwaamba, 'kamuya ajulu mukabweze lukono kunyina eyo njindakamupa,' mponyina mwakangununwa kumalailile o Mwami Leza wenu, ape takwe nimwakasyoma na kuvwa ijwi lyakwe. ²⁴ Muli angunudwe kuli Mwami kuzwa buzuba obo nindaka muziba. ²⁵ Monyina ndakalazya cinso cangu ansi ku Mwami ayo mazuba ali makumi one amasiku ali makumi one, kaambo wakamba kuti ula munyonyona. ²⁶ Ndaka komba ku Mwami okwamba, 'O Leza Mwami, utanyonyoni bantu bako na lunyungu lyako olo nduwa kanununa kwindila munguzu zyako, olo nduwakagwisya mu Ijipiti ijanza lyako lipati. ²⁷ Koyeye mubelesi wako Abbulahamu, Izeki, o Jakobo; utalangi kusupa kwaba bantu, na bubi bwabo, na kubisya kwabo, ²⁸ kutegwa iyi nyika kuwakatweta kiyaamba , ''Kaambo Mwami takwe nakakozya kubeeta munyika njakaba syomezya, ape kaambo walibasulide, wakabeeta kuti abajaye munkanda.'' ²⁹ Kakuli mbantu bako ape ndunyungu lwako, abo mbwakagwisya enguzu zyako zyipati ape inguzu zyako zyipati.'