¹ Ino, Isilaili, swilila ku mulawo a malailile ayo ngeyanda kumwiisya, kuti mucite; nkokuti mulakonzya kukala okuyopona munyika eyo Mwami, Leza wenu wamauso, njayomupa. ² Tamukoyoyungizizya ku majwi ayo nginda mulailila, nanga kwagwisya kucita kutimukabambe malailile o Mwami Leza wenu ayo ngeyanda kumulailile. ³ Menso enu abona kuti Mwami wakacita akambo ka Baal Peor; kaambo beense balumi bakacilila Baal Peor, Mwami Leza wenu wabanyonyona kuzwa akati kenu. ⁴ Pele nywebo nomukakatila ku Mwami Leza wenu mulibaumi sunu, nyweense. ⁵ Amulange, ndakamwiisya mulawo amalailile, mbuli Mwami Leza mbwakandilailila, kuti mwelede kucita namu mukati ke nyika mumuyoinka mukuti mukaivube. ⁶ Mponya awo mukaibambe okwicita; nkambo eci mbusongo bwenu olumvwisisyo akati kabantu bayomvwa milawo yeense eyi mponyanbayoti, 'Nconzyo oyu musyobo mupati ngobusongo ambi mbantu bolumvwisisisyo.' ⁷ Ino kuli musyobo mupati uliwo uli o Leza ulafwifwi ambabo, mbuli Mwami Leza wesu mbwali kuti kufumbwa twaita muzina lyakwe? ⁸ Nguuli umwi musyobo mupati uliwo oyo ujesi milawo ambi amalailile mbuli mulawo weense oyu oyo ngywelikumubikila sunu? ⁹ Pele amuswilizizye ambi mulibambe kabotu kabotu, nkokuti mutalubi zintu ezyo menso nzyabona, kuti atasiyi myoyo yenu mumazuba ense obumi bwenu. Nkokuti, muzicite kuti zizibinkane kubana benu ambi okubazikulu benu. ¹⁰ Mubuzuba obo mbumwakaima ku menso o Mwami Leza wenu ku Horeb, awo Mwami nakati kuli mebo, 'Ndibinganinya bantu ndiyobacita kuti bamvwe majwi angu, kuti bayiye kundiyowa mumazuba eense ngibayopona munyika, ambi kuti bakonzye kuyisya bana babo.' ¹¹ Mwakaswena afwifwi okwima munsi ecilundu. Cilundu cakatemwa omulilo kusikila kujulu, omudima, ijoba, omudima usiya mbi. ¹² Mwami wakambona kuli nywebo kuzwa mukati ko mulilo; mwakamvwa ijwi e zyambo zyabo, pele takwe ncimwakabona; mwakamvwa buyo jwi. ¹³ Wakamwambila cizuminano eco ncakamulailila kuti mucite, milawo ili kumi. Wakailemba azilembelo zyobile zyamabwe. ¹⁴ Mwami wakandilailila ali ciya ciindi kumwiisya milawo amalailile, kuti mukazicite munyika eyo njimuyoinda kuti mukatole buvubi bwa njiyo. ¹⁵ Ino amucenjele-nkaambo takwe ncimwabona mubuzuba obo Mwami nakambola kuli nywebo ku Horeb kuzwa mukati ko mulilo- ¹⁶ kuti mutabisyi mukulipangila mituni muciimo cili ceense, mubube bo mwaalumi nanga mwanakazi, ¹⁷ cinkozya comunyama kufumbwa atala enyika, cinkozya co muyuni kufumbwa oyo uuluka mujulu, ¹⁸ cinkozya ce zintu zyeense zikalaba ansi, nanga cinkozya ce nswi kufumbwa zili mu maanzi kunsi enyika. ¹⁹ Tamukoyo nyamuna menso kujulu okulanga kuzuba, ku mweezi, nanga nyenyezi- ezintu zyeense zyokujulu- mponya amuliyantamune kukuzikomba ambi okuzifugamina- ezyo zintu Mwami Leza wenu nzyakapa kubantu beense bali munsi amajulu. ²⁰ Pele Mwami wamugwisya okumweeta kuzwa mulukwakwa lwe nsimbi, kuzwa mu Ijipiti, kuba kuli nguwe mbuli bantu bolukono lwakwe, mbuli mbumubede sunu. ²¹ Mwami wakandinyemena akaambo kenu; wakakonkezya kuti nditazubuki Jodani, ambi okuti nditainki mu munyika ilya mbotu, inyika eyo MWami Leza wenu njalimukupa kuli nywebo mbuli lukono. ²² Nkokuti, mebo ndelede kufwida munyika eyi; tandelede kuzubuka Jodani; pele muyoinka okuyovuba ilya nyika mbotu. ²³ Amucenjele, kuti mutalubi cizuminano co Mwami Leza wenu, cakapanga anywibo, ambi okulipangila cinkozya cokubeza mu ciimo ce cintu kufumbwa eco Mwami Leza wenu ncakamukasya kupanga. ²⁴ Nkaambo Mwami Lea wenu mulilo usukutya, Leza sibuzuba. ²⁵ Mwakuzyala bana bazikulu, ambi mwakuba munyika kwe ciindi cilafu, ambi kuti mwalyena oku panga cintu cokubeza cili mu ciimo ce cintu cili ceense, okucita eco cibi mu menso o Mwami Leza wenu, cokumunyemya- ²⁶ Ndiyoita julu enyika kuba bakamboni benu sunu kuti ino awa muyomana kuzwa munyika eyo njimuyozubuka Jodani kuti mukavube; tamu koyokala mazuba manji mulunjiyo, pele muyomaninina. ²⁷ Mwami uyomumwaisya akati kabantu, ambi muyosyala bace mu mweelwe akati ka masi, oko Mwami nkwayo mutandila. ²⁸ Oko muyokomba baleza bambi, milimo yamanza abalumi, nzisamu ambi amabwe, ezyo zitataboni, nanga kumvwa, kulya, nanga kunumfwizya. ²⁹ Pele kuzwa awo muyomuyandola Mwami Leza wenu, mponya muyomujana, kuti mwaaku muyandola emyoyo yenu ambi emyuuya yenu yeense. ³⁰ Awo nimunoli mumapenzi, ambi ezyintu zyeense ezyi zyaakumusikila, kumazuba aza muyopiluka ku Mwami Leza wenu ambi okuswilila ku jwi lyakwe. ³¹ Nkaambo Mwami Leza wenu ngusiluse; takoyomulekelezya nanga kumunyonyona, nanga kuluba cizuminano camauso eco ncakaba konkezya. ³² Amubuzye ino zyamazuba ayo akainda, ayo nimwatalina kuzyalwa, kuzwa buzuba obo Leza mbwakalenga muntu munyika, amubuzye kuzwa kuma manino ejulu kusikila kuli amwimamanino, na kwali cimwi cipati ciindi eci, nanga cimwi cali mbuli ncico calinonga camvwigwa? ³³ Kuli musyobo wakamvwa ijwi lya Lezakalyambola mukati komulilo, mbuli mbumwakamvwa, mponya mwapona? ³⁴ Na Leza kulinalinonga wasola lwakwe kugwisya musyobo kuzwa mukati mumusyobo umbi, amasunko, ezitondezyo, amalailile, enkondo, ejanza lyakwe lye nguzu ambi ejanza lyakwe litandabede, ambi ezi komosya, mbuli zyense Mwami Leza wenu zyakamucitila mu Ijipiti kumenso enu? ³⁵ Kuli nyebo ezi zyintu zyakatondozyigwa , kuti muzibe kuti Mwami ngu Leza, ambi okuti takwe umbi kunze anguwe. ³⁶ Kuzwa kujulu wakamucita kuti mumvwa jwi lyakwe, nkokuti amwiisye; anyika wakamucita kuti mubone mulilo wakwe uyosya; mwakamvwa ijwi lyakwe kuzwa mukati ko mulilo. ³⁷ Nkambo mauso walikubayanda wakasala bana nywebo nobolunyungu lwabo, ambi lwakwe wakamugwisya mu Igipiti enguzu zyakwe; ³⁸ kuti amutandile misyobo mipati miyumu kwinda nywebo, kuti amunjizye munyika yabo, kumupa nyika yabo mbuli lukono, mbukubede sunu. ³⁹ Mponya muzibe sunu, okubika mu muyo yenu kuti Mwami ngu Leza wokujulu ansi; takwe umbi. ⁴⁰ Muyobamba milawo yakwe ambi amalailile akwe ayo ngemwambila sunu, uti zilakonzya ku mwendela kabotu nywebo abana benu bayoza musule lyenu, ambi okuti mazuba enu akavule munyika eyo Mwami Leza wenu njayomupedelela.'' ⁴¹ Mponya Mozesi wakasala minzi yotatwe kulubazu lo kujwe omulonga wa Jodani, ⁴² nkokuti kufumbwa muntu ulakonzya kwangunuka kuli umwi wabo kuti wakajaya umwi muntu cokutaziba, kakutakwe kuti wali mulwaninyina. Mukwiinka kumunzi umwi we eyi miinzi, ulakonzya kufutuka. ⁴³ Kwali Bezer munkanda, inyika itakwe ciliwo, yaba Ruubbeni, Ramoth mu Gilead, waba Gadites; ambi o Golad wamu Bashan, waba Manase. ⁴⁴ Oyo ngo mulawo ngwakabika Mozesi ku menso abana Isilaili; ⁴⁵ Aya ngamalailile enjiisyo, milawo, ambi emilawo imwi njakambila bana Isilaili nibakazwa mu Ijipiti, ⁴⁶ nibali kujwe lya Jodani, mucibanda kulangana o muunzi wa Beth Peor, munyika ya Sihon, mwami waba Amorites, walinonga wakala ku Heshbon, oyu Mozesi abana Isilaili ngubakazunda nibakazwa mu Ijipiti. ⁴⁷ Bakatola nyika yakwe okwikona ambi enyika ya ogi mwami woku Bashan-aba, bami bobile baba Amorites, abo bali mutala lya Jodani okuzwa kujwe . ⁴⁸ Eyi nyika yalikuzwa ku Aroer, kumamanino ecibanda caba Arnon, kuya ku mulundu wa Siyon(nanga mulundu wa Hermon), ⁴⁹ ambi kwakabikilizigwa ecisi ce cibanda co mulonga wa Jodani, kujwe kutala lya Jodani kuya ku lwizi lwa Arabah, kunselelo lyo muludu wa Pisgah.