¹ Kuti umwi wajanika ulijaidwe munyika yo mwami leza wenu njamupa kuti muvube. Ulilede musaka ambi, takuzizilwe wamujaya. ² Mpawo balubenu ambi babetesi benu balelede kwinka anze, ambi balelede kupima minzi uzingulukide oyo wajaigwa. ³ Mponyina bapati bedolopo afwiufwi amutunta wamuntu ufwide balelede kubweza citole kuzwa kutanga, na kulima na kubopwa. ⁴ Mpawo balelede kutola citole kumumpata ikunka manzi, mumpata utana kulimwa na kubyalwa, ambi kuya kumumpata belede kutyola nsingo yo citole. ⁵ Bapaizi bana ba Levi belede kuswana kunembo, kambo mwami leza wenu wabasala kuti bamubelekele yabupaizi kolongezya munzila lyo mwami ape okubambulula kufumbwa kambo kamanyongwe ape amalicise mumagwi abo. ⁶ Bonse bapati bamumunzi oyo uli afwifwi aku mwalumi ujaidwe belede kusanza manza abo atala lyecitole cikoswedwe mutwe kukalonga kumumpata. ⁷ Tiinsi manza esu atila obu bulowa, nanga menso esu takwe nakabona eci. ⁸ Balekele, mwami, bantu bako bamu Isilayeli, mbowakanununa, ambi utabapi mulandu bana Isilayeli mulandu wabulowa bwabatakwe kambo bulowa bula balekelela. ⁹ Mbombubo mbomwelede kumwaya mulandu wabulowa butakwe kambo akati kenu, nemucita ciluleme mumenso amwami. ¹⁰ Mwainka kunkondo abasinkondonyoko ambi mwami leza wenu, ambi leza wenu wamuzunda ambi wababika kuti babengelelezye, wababa munza enu. ¹¹ Na akati kabange, kuli mwanakazi, mubotu ape wamuyanda kumutola abe mwanakazi wako. ¹² Umutole kunganda yako; aligunke masusu ape alitende mala awe. ¹³ Mponyina atambule zizwato zyakwe nzyazwete nakatolwa kali mwange, ambi uno kede munganda akulila bayisi, abanyina mwezi wense wamana mwezi ulale awe ambi omulumi ambi uba mwanakazi wako. ¹⁴ Nakabula kubotezya, ulakonzya kumuleka kuti ainke kufumbwa kwayanda. kumuzya toelede kuzywa kufwambana mwebo wamali ambi toelede kumutanga muzike, nkambo wamusampola. ¹⁵ Kuti na mwalumi ujisi banakazi bobile ambi umwi ilayandwa ape umwi ulizondedwe ape bonse balizyede bana, bonse awoyo mwanakazi uyandwa awoyo mwanakazi usulidwe, kuti mwana mwalumi musangu woyo usulidwe, ¹⁶ mubuzuba mwalumi kukonywa bana bakwe imbono zyakwe nzyajisi, telede kucitila mwana wamwanakazi ngwayanda kuba mwana musangu, kuleka woyo mwana usulidwe mwana uli ngomusangu kuzyalwa. ¹⁷ Pele welede kupa uyo mwana woyo usulidwe bulemu bwelede mwana musangu kukumupa zyabilo zyonse nyajisi nkambo ngamatalikilo abupati bwakwe. Cilelo comwana musangu cicakwe. ¹⁸ Na muntu ujisi mwana sicinguni upenzya ukaka kuswilila ijwi lyabaisi na lyaba nyina ambi, nekuba kuti bamucumaile takakobaswilila; ¹⁹ baisi ape abanyina balelede bamujate ape akumweta anze kubapati bo munzi ape oku mulyango wo munzi. ²⁰ Bambile bapati bomunzi kuti, oyu mwanesu ngucinguni ambi; tavwi majwi esu mutaka cidakwa. ²¹ Mponyina bantu bonse ba mumunzi wakwe bapotole mabwe calufu a mabwe ambi muyogwisha bubi akati kenu, bana Isilayeli oyovwa ambi bayoyowa. ²² Na mwalumi wacita cibi celede lufu, ambi wajaigwa, okumwangila acimu. ²³ Mutunta wakwe tuwelede kusigwa amusamu masiku ense, pele, ncokonconzo ulelede kuzikwa mbonyina buzuba, kambo kufumbwa wangililwa ulikutidwe o Leza. Mutobele mulawo oyu kucita kuti mudinganyika eyo mweni leza wenu njamupa kukona.